Zoɛl 1:4 - NYANMIƐN NDƐ'N 1998

⁴ Like nga ndro'm be dili be yacili i onga'n, lalo'm be wa dili. Like nga lalo'm be dili be yacili i onga'n, klannan'm be wa dili. Like nga klannan'm be dili be yacili i onga'n, aɛcɛ'm be wa dili.

Zoɛl 1:4 ပူးပေါင်းရင်းမြစ်များ

1 Famiɛn Mun 8:37

Sɛ awe kpɛn wa'n, sɛ tukpacɛ bɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n ɔ kpɛn wa'n, sɛ aɛcɛ nin lalo'm be ba wa'n,

2 Be Nyoliɛ 6:28

Sɛ awe kpɛn'n, sɛ tukpacɛ b'ɔ sa ndɛndɛ tɔ wa'n, sɛ tukpacɛ ng'ɔ saci fie su ninnge mun'n kpɛn wa'n, sɛ aɛcɛ nin lalo mun be ba wa'n, sɛ ɔ nvle'n nunfuɛ'm be kpɔfuɛ mun be wa utu bé mɛn'n, sɛ sa kekle fanunfanun ju be su'n, sɛ tukpacɛ fanunfanun yo be'n, sɛ i kwlaa sɔ'n nun be kwlaa be wun sa nga be yoli'n, yɛ sɛ ɔ yo be ya'n nan be srɛ wɔ kpa sakpa'n, yɛ sɛ be man bé sa'm be su nan be tinngɛ be sua nga ndɛnman'n, kɛ a o ɔ tranwlɛ'n nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa nin-ɔn.

2 Be Nyoliɛ 7:13

Sɛ n tannin nyanmiɛn su nzue'n nan ɔ tɔ-man kun'n, sɛ n se lalo'm be kɛ be saci mɛn'n i nun waka mun nin ijre mun'n, yɛ sɛ n fa tukpacɛ b'ɔ sa ndɛndɛ n yi amun su'n,

Jue Mun 105:34

Kɛ ɔ ukeli i nuan sa'n, lalo mun nin aɛcɛ kpanngban kpa bɔ be si-man be nuan'n be deli lika'n.

Jue Mun 78:46

Ɔ fali be fie'm bé su aliɛ'n mannin lalo mun. Ɔ fali be junman bɔ be dili i be fie'm bé su'n i nun ninnge mun mannin aɛcɛ mun.

Ezipt Lɔ Tulɛ'n 10:4

Sɛ ɔ waan a kplin-man su'n, ainman, n wa sunman lalo mun ɔ mɛn'n i wunmuan'n nun.

Ezipt Lɔ Tulɛ'n 10:5

Be wa kata asiɛ wunmuan'n su sa tuun, ɔ man be su wun-man asiɛ ba kpa'n kun, ninnge nga be luali annzɛ nga be tali'n, nga bɔ nzraama'n ɔ'a saci-man be'n, lalo'm be wa saci i kaan sɔ'n ngba. Be wa di bo nun waka'm be nnya'n kwlakwla.

Ezai 33:4

Kɛ ɔ ko yo sɔ'n, wuun ninnge fɛnlɛ'n ɔ'a ju. A wun ninnge fɛnfuɛ mun sa-a ɔ waan lalo mun-ɔn. Be tɔ ninnge'm be su gblu wuun be su fɛn, be ti kɛ aɛcɛ kpanngban wie mun sa.

Zeremi 51:14

Anannganman b'ɔ sie mɛn wunmuan'n ɔ tali i bɔbɔ i wun nda. I wan yoo: ‹Sran nga be wa ju gua ɔ su'n, nán sa yolɛ-ɔ. A wun be sa-a, ɔ waan lalo mun-ɔn.› Be yɛ be ´bo sro be ´gua ɔ wun nin-ɔn.

Zeremi 51:27

«An `kplan flanga mɛn'n nun. An `fita nnɛn wɛ'n nun nvle-nvle'm be nun lɔ. An `kpa sran kpanngban kpa man be nin Babilɔni be ko kun. An `flɛflɛ nvle-nvle'm be nunfuɛ mun. Ɔliɛ Ararat lɔfuɛ mun nin Mini lɔfuɛ mun, ɔ nin Askenazfuɛ mun. An `siesie sran man be kpa sonja i sɔ mɛn liɛ'm be nun. An `fa nnɛn kpanngɔ kpanngban kpa kɛ lalo mun sa man be nin i wɔ kunlɛ.

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Amɔs 4:9

«N fali tukpacɛ wie n yili i ninnge nga an lua'n be su. Be jin bé bo su lɛ sanngɛ wuun b'a wu kee, wie kusu-ɔ b'a kplɔ. N yoli man lalo'm be sacili amun fie mun. Amun vinyi fie mun nin amun figie fie ɔ nin amun olivie fie'm be sacili. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn.» Anannganman'n yɛ ɔ kan sɔ kle amun-ɔn.

Amɔs 7:1

Like nga Anannganman'n fa kleli min aolia nun'n yɛ ɔ o yɛ. Ijre klikli nga be kpɛ b'ɔ ti famiɛn'n liɛ'n, kɛ be kpɛli bɔ ijre'n boli fulɛ bo uflɛ-uflɛ'n, Anannganman'n fali lalo kaka kpa bali, be lu nglo lɔ tuun kɛ nzue yɛ ɔ'a mlan sa.

Malasi 3:11

M man-man kakaa'm be atin be di-man amun fie'm be su ninnge mun. Vinyi'm be kusu be su ka-man lɛ ngbɛn, be ´su. M bɔbɔ min Anannganman bɔ n sie mɛn wunmuan'n, min yɛ n fua n kle amun sɔ-ɔ.

Mmla'n 28:38

Amun ´di fie dandan, sanngɛ lalo'm be wie i nun ninnge'm be ´di. Like nga amun ´nyɛn i fie sɔ'm be su'n, ɔ ´yo kaan sa .

Mmla'n 28:42

Amun fie'm bé su waka nin aliɛ'm be ´yo aɛcɛ'm be liɛ .