Zoɛl 1:12 - NYANMIƐN NDƐ'N 1998

¹² Vinyi'm b'a wu kee, figie'm b'a glɔ. I grenadie o, i nglesia o, i pɔmun waka o, i sɔ waka liɛ'n kwlaa bɔ be tali be'n, be kwlaa b'a kpese kpan. Ɔ man aklunjuɛ nun-man klɔ sran'm bé sa nun kun.

Zoɛl 1:12 ပူးပေါင်းရင်းမြစ်များ

Jue Mun 4:7

Sran sunman be se kɛ: «Ee! ?Wan yɛ man e ´nyan ye-ɔ?» Ee! Anannganman, titi ɔ́ nyin nun wein, nan yo e ye!

Jue Mun 92:12

N wun min kpɔfuɛ'm be kwlaa be tɔlɛ'n nun, n ti be nga be yo min sa tɛ'n be kpanlɛ'n.

Ngɔjue Fɛfɛ Kpa'n 2:3

Kɛ a wun min janvuɛ'n gbanflɛn kun nga'm be afiɛn'n, ɔ waan pɔmun waka wie yɛ ɔ o bo'n nun waka'm be afiɛn sa. Sɛ ɔ ti waka'n, wuun n ´se kɛ i fɔnvɔ'n i bo tranlɛ yo min fɛ kpa, i mma'm be yo fɛ kpa min nuan nun.

Ngɔjue Fɛfɛ Kpa'n 4:13

A ti nɔnman-nɔnman kɛ grenadie bɔ be nyin klanman fie'n nun, bɔ be mma'm be ti nɛnkɛn-nɛnkɛn kpa'n sa. Ene nin nar waka'm be fifi fie sɔ'n nun wie.

Ezai 16:10

Kɛ amun wo amun fie'm be su'n, be wun-mɛn i kɛ amun klun jɔ kun, be wun-mɛn i kɛ amún wun kpaja amun kun. Be ti-mɛn i kɛ amun to jue vinyi fie'm be nun kun, be ti-mɛn i kɛ amun bo sro kun. Be nga be yi nzan'n, be yi-man guɛ-mɛn i nzan guawlɛ dandan'm be nun kun. Be srolɛ'n kwlaa ɔ'a wie.

Ezai 24:11

Be kpankpan klɔ'n nun atin'm be nun sin yɛlɛ kɛ nzan nun-man lɛ kun. Aklunjuɛ'n kwlaa ɔ'a wie weiin. Sran fi wun kpɛjɛ-mɛn i kun mɛn ng'ɔ o yɛ'n nun.

Ezai 24:7

Sɛ nzan'n ti sran'n, wuun n ´se kɛ sɛ ɔ'a tɔ nzan lɔflɛ'n i su. Vinyi'n ɔ'a glɔ. Be kwlaa nga be o aklunjuɛ nun laa'n be su fɛfɛ.

Ezai 9:3

Afin sielɛ wafa nga sran wie'm be fa sie be'n b'ɔ ti kɛ trɔ sa'n, a yili i be su. Waka nga be fa bo be'n, a bubuli be nun. Ngble nga be fa kle be nyrɛnnɛn'n, a kpɛkpɛli be nun. Like nga a fa yoli Madianfuɛ mun laa'n, i kunngba'n yɛ a yoli-ɔ.

Zeremi 48:3

Be bo awuyomo Kɔrɔnaim lɔ. Be se kɛ: ‹Cuekee! Sa wie yo-man sɔ.›

Zeremi 48:33

Aklunjuɛ nin talolɛ ekee'n wieli Moab fie nglanman'm be su. N yoli man nzan sɛ dandan'm be nun wuli kee. Vinyi mma nga be ´cuɛn'n, wuun be ´bo sro'n, ɔ nun-man nun sɔ kun.

Zoɛl 1:10

Fie'm b'a saci, asiɛ'n ɔ'a di amlan, afin be nyan-man ble kun, be nyan-man vinyi mma nzue kun, ngo sɛ'n nun ɔ'a wu kee.

Zoɛl 1:16

I liɛ'n, kɛ e aliɛ'm be ´saci'n, é nyin ´ta nun. Aunblibliɛ nin aklunjuɛ b'a tu Nyanmiɛn i sua'n nun lɛ.

Zonas 4:7

I aliɛ'n b'ɔ ´cɛn'n, Nyanmiɛn man kakaa kun ɔ wa sannin waka'n nan waka'n ɔ'a wu.

Ndɛ Nga Nyanmiɛn I Nuan Ijɔfuɛ Aze Kannin'n 2:19

Ble fi nun-man tanngannin'm be nun kun. ?Ato-ɔ? Vinyi, nin figie, nin grenadie ɔ nin olivie'm b'a su-man mlɔnmlɔn. Sanngɛ kɛ ɔ fin ndɛ'n, n ´yo man amun ´di ye.»

Malasi 3:11

M man-man kakaa'm be atin be di-man amun fie'm be su ninnge mun. Vinyi'm be kusu be su ka-man lɛ ngbɛn, be ´su. M bɔbɔ min Anannganman bɔ n sie mɛn wunmuan'n, min yɛ n fua n kle amun sɔ-ɔ.

Kalɛ 13:23

Be ɔli lele be ko toli Ɛskɔl kongo'n lɔ, yɛ be kpɛli vinyi sama kun bɔ vinyi mma kpatrɛ kun wo su'n, be fa sieli waka floloflolo wie su, kpɛkuun sran nnyɔn suali. Be tili grenadie mma nin figie mma be ukali su.