Zeremi 9:9 - NYANMIƐN NDƐ'N 1998

⁹ «N ´tike mín ti n ´sun oka'm be su. N ´yi ngwlɛ mɛn'n nun nnɛn'm be didiwlɛ'm be ti, yɛlɛ kɛ b'a yra, sran fi sin-man lɔ kun. Be ti-man nnɛn'm be kpankpanlɛ lɔ kun. I anunman o, i nnɛn o, be kwlaa b'a wie wanndi.»

Zeremi 9:9 ပူးပေါင်းရင်းမြစ်များ

Ezai 1:24

I sɔ'n ti, Izraɛlfuɛ mun, amun nun-man min sin, amun ti min kpɔfuɛ, n wa kle amun nun, n ´tu n klunngbɔ amun su, amun yako! Min bɔbɔ min Anannganman bɔ n sie mɛn wunmuan'n, bɔ n ti Izraɛl Nyanmiɛn'n bɔ be su min-ɔn ɔ su-man'n, min yɛ n kan sɔ-ɔ.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezai 57:6

Izraɛlfuɛ mun, nzue ba'm be nun yɛbuɛ mlɔnnɔn-mlɔnnɔn'm be yɛ be ti amun like kpa nin-ɔn. Amun like liɛ'n yɛ o lɛ-ɔ. Be yɛ amun gua nzan ase man be-ɔ. Tɛ nga be yra be nnɛn'n kɔlikɔli'n, be yɛ amun yi man be-ɔ. ?Kɛ b'ɔ ti sɔ nin-ɔn, n ´fɔnvɔ mín wun sɛ cɛ yɛ ɔ ´yo ye-ɔ?

Zeremi 12:11

Ɔ man ɔ'a kaci kɛ aawlɛ flɛnnɛn sa. Ɔ'a yo kɛ sran bɔ sɛ ɔ'a tɔ i su'n sa. Kɛ n niɛn sa'n, ɔ'a nunnun mlɔnmlɔn. Mɛn'n ɔ'a saci, sanngɛ ɔ ti-man sran fi ndɛ.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 4:25

N wun kɛ sran fi nun-man lɛ kun. Anunman bɔ be tu sin'n, b'a wie kɔ.

Zeremi 5:29

?Sran kɛ nga sa'n, nán fɔ cɛ yɛ n ´tu be-ɔ? ?Nvle kɛ nga sa'n, klunngbɔ ng'ɔ o min klun'n, nɛ́n i tulɛ cɛ yɛ n ´tu i be su-ɔ?

Zeremi 5:9

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu be su-ɔ?

Ndɛ Nga Nyanmiɛn I Nuan Ijɔfuɛ Oze Kannin'n 4:3

I sɔ'n ti, sa yalɛ wa tɔ mɛn'n su. Nzue su tɔ-man kun. I klɔ sran mun o, i nnɛn mun o, i anunman mun o, be kwlaa bé wun ´fɔ. Jue'm be kwlaa be ´wu.»

Zoɛl 1:19

Anannganman, n sun n flɛ wɔ. Aawlɛ b'ɔ ti nnɛn'm be didiwlɛ'n, sin'n yrɛli i ngba. Sin'n yrali fie'm be nun waka'm be kwlaa.

Amɔs 5:1

Izraɛlfuɛ mun, an `sie amún su be `tie amún wun sɛ jue nga n ´to i yɛ'n.

Amɔs 5:2

Izraɛl, kɛ a la lɛ'n yɛ a la-a, a su jaso-man kun. Kɛ a la wɔ asiɛ'n su lɛ'n, nán kɛ a ´nyan sran man wɔ su ti-ɔ.