Zeremi 9:3 - NYANMIƐN NDƐ'N 1998

³ «An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Zeremi 9:3 ပူးပေါင်းရင်းမြစ်များ

Bo Bolɛ 39:16

Bla'n sieli Zozɛf i tralɛ'n i wun lɛ lele i wun bali awlo. Kɛ bian'n juli lɛ'n,

Nyanndra Mun 12:5

Sran kpafuɛ mun, sa ng'ɔ ti i su'n yɛ be kunndɛ be yo-ɔ. Sran tɛfuɛ'm be kusu be liɛ'n gblɛgblɛ ninnge mun yɛ be kunndɛ be yo-ɔ.

Ezai 1:3

Nannin'n ɔ si sran ng'ɔ lɛ i'n, yɛ aflunmun'n kusu ɔ wun like nga i min'n ɔ fa sie i lɛ kɛ ɔ di nun'n i wlɛ, sanngɛ Izraɛl si-man sa, min nvle'n i nunfuɛ'm be wun-man sa fi wlɛ.

Ezai 3:5

Nvle sɔ nun'n, nga ´jaso ɔ ´yo i wiengu sa, nga ´jaso ɔ ´yo i wiengu sa. Gbanflɛn'n ɔ ´yo kpɛnngbɛn'n i like kekle. Sran finfinfuɛ'n ɔ ´jaso sran kpa'n i wun.

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Ezai 9:18

Anannganman b'ɔ sie mɛn wunmuan'n, i ya dan'n ti mɛn'n ɔ'a sɔ kɛ sin sa. Sɛ e ´kwla se'n, sin'n ɔ'a di sran mun. Sran fi yaci-mɛn i wiengu lɛ.

Zeremi 12:6

Wɔ akpasua sufuɛ mun be yo wɔ atɛ. Wɔ awlofuɛ mun bɔbɔ be yo wɔ atɛ wie. Be wlawla sran mun kɛ be yo wɔ like. Ɔ man sɛ be kan ndɛ fɛfɛ kle wɔ'n, nán fa su.»

Zeremi 22:16

Ɔ dili yalɛfuɛ nin nyrɛnnɛnfuɛ'm be ndɛ mun klanman, ɔ man kusu ɔ dili alaje. Anannganman usa kɛ: «?Nán kɛ sran yo sa yɛ be se kɛ ɔ si min-ɔn?

Zeremi 31:34

Sran kun su kle-mɛn i wiengu like. Sran kun su se-man i niaan kun kɛ: ‹Mantan Anannganman'n.› Yɛlɛ kɛ, kɛ ɔ fɛ i be kanngan'm be nun lele b'ɔ ´fa ju be kpɛnngbɛn'm be nun'n be kwlaa be ´si min. Sa nga be yoli min'n, n ´yaci n cɛ be. N su bo-man be sa tɛ'n su di-man jɔlɛ kun .»

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 5:4

N waan: «Sran nga be ti-man nanndoliɛ mun-ɔn. Be si-man sa, afin be si-man Anannganman i atin'n, mmla ng'ɔ ti i cinnjin'n, be si-mɛn i.

Zeremi 5:5

Man n sin n wɔ sran kaklaakla'm be sin ke! Be liɛ'n, be si Anannganman i atin'n. Mmla ng'ɔ ti i cinnjin'n be si i.» Kannzu be kusu b'a yi bé ti ɔ́ bo wie. Be nin wɔ b'a bu.

Zeremi 6:28

Be kekleke liɛ'n ti kɛ aaba annzɛ blalɛ sa, ɔ lɛ-man be nun kun. Be ti abla difuɛ, be kwlaa be ti sa tɛ yofuɛ.

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Zeremi 9:5

Sa tɛ'n mantan sa tɛ'n su. Ato'n mantan ato'n su. Min silɛ'n ti-man be ndɛ.»

Zeremi 9:8

Anannganman'n usa kɛ: «?Sran kɛ nga sa'n, nán nun yialɛ cɛ yɛ e nin be e ´yia-a? ?Nvle kɛ nga sa'n, nán min klunngbɔ cɛ yɛ n ´tu i be su-ɔ?»

Ezekiɛl 8:13

Ɔ seli min kɛ: «A wa wun tete sa dandan uflɛ nga be yo be mun ekun.»

Daniɛl 11:27

Famiɛn nnyɔn'm be ´kunndɛ kɛ be ´yo be wiengu tɛ. Blɛ bɔ be wo aliɛ'n sin'n, ato ngunmin yɛ be ´bua kle be wiengu-ɔ. Sanngɛ sa fi su ju-man. Afin kɛ ɔ ´yo sɔ'n, wuun blɛ kasiɛn'n nian ju-man ka.

Saun Yolɛ 19:11

Nán amun wua, nán amun kpɛ gblɛ, nán amun di amun wiengu Izraɛlfuɛ kun lufle.

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Sa nga bé yôli'n 24:9

Zuif'm be jrannin su kpa kɛ ndɛ sɔ'n yoli sɔ sakpa.

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Rɔmfuɛ Mun 3:13

Be klun lɔ'n ti kɛ ndia bɔ b'a tike su'n sa. Be fa bé nuan'n yɛ be laka sran mun-ɔn. Bé nuan nun ndɛ'n ti kɛ wuo bɔyre sa .

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

Filipfuɛ Mun 1:28

Nán an lo amun wun man amun kpɔfuɛ mun man be wla amun srɛ sa fi nun. Sɛ amu'an lo-man amun wun a man-man be'n, ɔ kle be kɛ be ´mlin, yɛ amun kusu amun ´nyan amún ti, Nyanmiɛn yɛ ɔ sieli i sɔ-ɔ,

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

Jude 1:3

N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.

Sa nglô yile 12:11

Bua Gbanflɛn'n i mmoja'n nin ndɛ nanwlɛ bɔ e niaan sɔ'm be kan'n ti be kwlɛli i, yɛ b'a bu-man be bɔbɔ bé wun like fi, i ti b'a sro-man wie'n.

Jɔlɛ Difuɛ Mun 14:17

Bla'n sunnin Samsɔn wun cɛn ba nso nga be fa dili cɛn'n i nun. Kɛ ɔ kle-mɛn i yalɛ ngowa'n, i le nso'n su'n nan ɔ'a tu i bo ɔ'a kle i. Yɛ i kusu tuli i bo kleli i klɔfuɛ mun-ɔn.

Jɔlɛ Difuɛ Mun 2:10

Zozie i wiengu'm be wa wieli wu. Be sinfuɛ nga be wa jasoli su'n be si-man Anannganman. Be si-man sa ng'ɔ yoli mannin Izraɛl'n.

1 Samiɛl 2:12

Eli i mma'm be ti finfinfuɛ. Be bu-man Anannganman like fi.