Zeremi 9:25 - NYANMIƐN NDƐ'N 1998

²⁵ sran sɔ mun be yɛ: Eziptfuɛ mun, Zidafuɛ mun, Edɔmfuɛ mun, Amɔnfuɛ mun, Moabfuɛ mun, ɔ nin aawlɛ flɛnnɛn'n nun lɔfuɛ bɔ akanza yilɛ'n ti be nzuɛn'n mun, afin nvle nga be o lɛ'n be wie fi wla-man klɛn. Izraɛlfuɛ'm be kusu sɛ e ´kwla se'n, b'a wla-man be anwlɛn'n i klɛn.»

Zeremi 9:25 ပူးပေါင်းရင်းမြစ်များ

Zeremi 25:23

N fa mannin Dɛdanfuɛ mun, nin Temafuɛ mun, nin Bizfuɛ mun, ɔ nin be nga be yi be fuka'n su akanza'n mun .

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 49:32

Be kpɔfuɛ'm be `fa be nyɔnngɔnmɛn mun nin be nnɛn'm be kwlakwla be `fa yo be liɛ. N ´kpaja be kɛ ble bɔ be kpaja bɔ aunngban'n fa tru lika'n nun'n sa. N ´kpaja be kwlaa sɔ nga be yi be akanza'n lele kpɛn lɔ'n. N ´yo man nyrɛnnɛn ´fin wa ´fin wa yɛ ɔ ´tɔ be su-ɔ .» Anannganman'n yɛ ɔ kan sɔ-ɔ.

Ezekiɛl 28:10

Aofuɛ wie mun yɛ be ´kun wɔ-ɔ, a wa wu kɛ sran nga b'a wlɛ-mɛn i klɛn'n sa.› » Anannganman Nyanmiɛn yɛ ɔ kan sɔ-ɔ.

Ezekiɛl 31:18

?Edɛni waka'm be nun'n onin yɛ ɔ nin wɔ anyrunnyan'n nin ɔ dan'n be sɛ-ɔ? Ɔ nin i sɔ ngba'n, be ´fa wɔ nin Edɛni waka mun be ´jra amun asiɛ'n i bo kpa lɔ. A wa la be nga b'a wla-man be klɛn'n nin be nga alɛ dili be'n be afiɛn. Nian, sa ng'ɔ wa ju Ezipt famiɛn'n nin Eziptfuɛ'm be kwlaa be su'n yɛ ɔ o lɛ-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 44:7

Blɛ bɔ amun ´fa kpaun nin nnɛn lui, ɔ nin nnɛn mmoja be fa blɛ min'n, amun fali aofuɛ bɔ be ti-man min sran'n, bɔ be nian wla-man be klɛn be anwlɛn'n nun nin be wunnɛn'n su'n wluli min sua'n nun wa. Be yoli min sua'n i fiɛn. Amu'an fa tete sa sɔ mun b'a saci aenguɛ nga e nin amun e trali'n.

Saun Yolɛ 19:27

Nán amun bu amún ti'n i bo kluklu, nán amun yi amun srɔ su ndrɛ mun.

Saun Yolɛ 26:41

Be ´wun sa ti bɔ n kacili mín sin n sili be'n, ɔ nin sa ti bɔ n kannin bé bo n ko guali be be kpɔfuɛ'm be nvle liɛ'n nun lɔ'n. Nyin kekle ajalɛ nga be tuli'n, be ´wun kɛ nɛ́n i-ɔ. Be ´koko be sa tɛ'n bɔ be yoli'n i ti, yɛ be sa tɛ sɔ'n i su sa'n, be ´kplin su kɛ be ´sua.

Amɔs 3:2

«Sran beblebe nga be wo asiɛ'n su'n, amun kunngba cɛ yɛ n fali amun kɛ e nin amun e su nanti-ɔ. I sɔ'n ti amún sa tɛ kwlaa nga amun yoli'n, e nin amun e ´kɛn i ngba'n i ti ndɛ.»

Rɔmfuɛ Mun 2:28

Nán bé kplo'n su Zuif'n yɛ ɔ ti Zuif kpa nin-ɔn, yɛ nán be kplo'n su klɛn wlalɛ'n yɛ ɔ ti klɛn wlalɛ kpa nin-ɔn,

Rɔmfuɛ Mun 2:29

sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

1 Samiɛl 14:6

Zonatan seli i gbanflɛn ng'ɔ suɛ i alɛ ninnge'n kɛ: «Bla e wɔ Filistifuɛ nga b'a wla-man be klɛn'm bɔ be nyin yi-man Nyanmiɛn bé wun lɔ. Sɛ Anannganman ´uka ye o! Afin i liɛ'n, sɛ ɔ klo kɛ ɔ ´man sran kwlalɛ'n, ɔ lɛ-man kɛ amun ti kaan, annzɛ amun sɔnnin.»

1 Samiɛl 17:26

David usali sran ng'ɔ nin be jin lɛ'n kɛ: «?Amun waan sran ng'ɔ kun Filistifuɛ sɔ'n nan ɔ yi nzowa ng'ɔ kpɛli Izraɛl'n mɛn i'n, be ´mɛn i nguɛ? ?Nzu sran yɛlɛ Filistifuɛ bɔ b'a wlɛ-mɛn i klɛn'n b'ɔ jaso kpɛ Nyanmiɛn Kpli b'ɔ lafi-man'n i alɛ kunfuɛ'm be nzowa sɔ-ɔ?»