Zeremi 9:23 - NYANMIƐN NDƐ'N 1998

²³ Sanngɛ sran ng'ɔ lɛ ngwlɛlɛ b'ɔ fa si min'n, bɔ si kɛ min yɛ n ti Anannganman nan n ti klun-ufuefuɛ'n, nan n yo sa i nuan su, n di nanwlɛ'n, i sɔfuɛ'n yɛ ɔ kwla di i nuan-an .» Anannganman'n yɛ ɔ kan sɔ-ɔ.

Zeremi 9:23 ပူးပေါင်းရင်းမြစ်များ

Zɔb I Nyrɛnnɛn Wunlɛ 32:13

Nán amun se kɛ: «Sran nin i be kan-an ɔ su kpɛ-man. Nyanmiɛn yɛ ɔ nin i kan-an ɔ ´kpɛ-ɔ.» Nán i sɔ selɛ'n yɛ ɔ ti i atin nin-ɔn.

Zɔb I Nyrɛnnɛn Wunlɛ 41:15

I wunnɛn kplo'n ɔ bli gua su. Ɔ ti sa gbugblugbu, be fa bé sa be tin su-ɔ ɔ wlu-man.

Jue Mun 33:5

Ɔ klo sa nga be yo i i nuan su'n, ɔ klo sa ng'ɔ ti nanwlɛ'n. Anannganman i klun-ufue'n, ɔ yi i nglo asiɛ'n sufuɛ'm be kwlaa be wun i.

Jue Mun 34:3

Anannganman yɛ n fa di min nuan-an. Awlaboɛfuɛ mun, amun `tie nan amun klun jɔ!

Jue Mun 44:9

Nyanmiɛn, e fa ɔ e di e nuan cɛn kwlaa, e yaci-man wɔ bo flɛlɛ'n le nan kɛ ɔ ´yo-ɔ ɔ'a yo.

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Nyanndra Mun 3:5

Nán lafi ɔ bɔbɔ wɔ akunndan liɛ'n su. Anannganman i su yɛ lafi-ɔ.

Akunndanfuɛ'n 2:19

?Sɛ sran sɔ'n ɔ wa yo ngwlɛlɛfuɛ o, sɛ kusu ɔ wa yo sinnglinfuɛ o, wan yɛ ɔ kwla wun i wlɛ-ɔ? Sanngɛ like nga n fali min ngwlɛlɛ n nyɛnnin i mín sa ti junman'm be dilɛ nun'n, i kwlaa sɔ'n, ɔ wa fa yo i liɛ. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Ezai 10:8

Afin be se kɛ: «?E famiɛn i awlo lɔ sran dandan'm be nin famiɛn'm be sɛ-man?

Ezai 20:5

Ɔ man be nga be fa bé wla gua Etiopifuɛ'm be su'n, bɔ be fa Eziptfuɛ mun di bé nuan'n, srɛ dan kpa ɔ ´kun be, yɛ be ´wun nyannzuɛn.»

Ezai 47:10

A lafili ɔ klunwi'n su, a seli kɛ: ‹Sran fi wun-man min.› Ɔ ngwlɛlɛ'n nin ɔ silɛ'm be lakali wɔ. A seli ɔ klun lɔ kɛ: ‹M bɔbɔ min'n, sran fi nin min sɛ-man.›

Ezai 5:21

Be nga be bu bé wun kɛ be si sa'n, bɔ be bu bé wun kɛ be ti ngwlɛlɛfuɛ'n, be yako!

Zeremi 31:34

Sran kun su kle-mɛn i wiengu like. Sran kun su se-man i niaan kun kɛ: ‹Mantan Anannganman'n.› Yɛlɛ kɛ, kɛ ɔ fɛ i be kanngan'm be nun lele b'ɔ ´fa ju be kpɛnngbɛn'm be nun'n be kwlaa be ´si min. Sa nga be yoli min'n, n ´yaci n cɛ be. N su bo-man be sa tɛ'n su di-man jɔlɛ kun .»

Zeremi 48:14

«?Ɔ ju sɛ yɛ man amun ko se kɛ yoo: ‹E ti safunyrɛn, e si alɛ kun nin-ɔn?›

Zeremi 48:7

Moabfuɛ mun, kɛ bɔ amun amuɛn nin amun ninnge'm be su yɛ amun lafi'n, i ti be wa fa amun mɛn'n. Be ´fa amun amuɛn bɔ be flɛ i kɛ Kɛmɔs'n, be ´fɛ i be ´kɔ mɛn uflɛ nun. Amun amuɛn nyrun tranfuɛ nin amun famiɛn i awlo lɔ sran dandan'n be kwlaa'n, be ´fa be ´kɔ mɛn uflɛ nun.

Zeremi 49:4

Nyin keklefuɛ mun. ?Nán amun yɛ an fa amun kongo mun di amún nuan nin-ɔn? ?Amun kongo'n nun asiɛ klanman'n, nán amun yɛ amun fa di amún nuan nin-ɔn? Amun fa amun wla gua amun anyanbeun ninnge'm be su, i ti amun ko se kɛ yoo: ‹?Kɛ wan sa cɛ yɛ ɔ nin ye wa ba kunlɛ-ɔ?›

Ezekiɛl 29:9

Ezipt mɛn'n ɔ wa tɔ srolo, sran su tran-man nun. Yɛ sran'm be wa si jrɛiin kɛ min yɛ n ti Anannganman nin-ɔn. Yɛlɛ kɛ a seli kɛ: ‹Nil nzue'n ɔ ti min liɛ, m bɔbɔ yɛ n yili n like-ɔ.›

Ezekiɛl 7:19

Be ´to be sika'n be ´guɛ klɔ'n nun atin'm be nun. Be sika ɔkwlɛ'n ´saci. Afin cɛn nga Anannganman i ya dan'n ɔ jaso'n, be jɛtɛ ufue nin be sika ɔkwlɛ'm be su kwla-man be de, be ku su yi-man kun, yɛ be klun su like nga be waan be ´yo'n, be su kwla yo-man. Afin jɛtɛ ufue nin sika ɔkwlɛ'n ti yɛ be tɔli tɛ nun nin-ɔn .

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Marc 10:24

I ndɛ sɔ'n boli i sɔnnzɔnfuɛ'm bé nuan dan kpa. Yɛ ɔ seli be ekun kɛ: «M mma mun, kɛ sran kun b'ɔ fɛ i wla guɛ i anyanbeun'n su'n ɔ `fɛ i wun man Nyanmiɛn kɛ ɔ sie i'n, ɔ ti kekle!

Rɔmfuɛ Mun 1:22

Be bu bé wun ngwlɛlɛfuɛ, ɔ man be kacili sinnglinfuɛ.

1 Korɛntfuɛ Mun 1:31

Afin be klɛli i kɛ: «Sran nga i waan ɔ ´di i nuan'n, man ɔ fa e min Nyanmiɛn'n di i nuan .»

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»

Filipfuɛ Mun 3:10

Min akunndan kpa'n yɛlɛ kɛ man n si Krist nin i kwlalɛ b'ɔ man ɔ cɛnnin'n, nan nyrɛnnɛn ng'ɔ wunnin i'n n `wun wie lele sɛ n wu'n man n yo kɛ i sa,

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

1 Samiɛl 17:42

Kɛ Filisti bian'n wunnin David'n, ɔ'a bu-mɛn like fi, afin David tɛ yo gbanflɛn kan, ɔ ti kpinndin-kpinndin, i nyrun klanman kan.