Zeremi 9:22 - NYANMIƐN NDƐ'N 1998

²² Anannganman'n wan yoo: «Nán ngwlɛlɛfuɛ'n fɛ i ngwlɛlɛ di i nuan. Nán wunmiɛnfuɛ'n fɛ i wunmiɛn'n di i nuan. Nán anyanbeunfuɛ fɛ i anyanbeun di i nuan.

Zeremi 9:22 ပူးပေါင်းရင်းမြစ်များ

2 Famiɛn Mun 20:13

Ezekias sɔli Babilɔni famiɛn'n i sran'm be nun, ɔ tili be jasin. I sin ɔ fali sua nga i ninnge kpakpa'm be o nun'n i nun ninnge wunmuan'n kleli be. Jɛtɛ ufue, nin sika ɔkwlɛ, nin ayre fannin, nin ngo kpakpa, nin alɛ ninnge mun, ɔ nin i bɔlɛ nun ninnge'n kwlaa. Like fi nun-man lɛ bɔ Ezekias ɔ'a fa kle-man be-ɔ. Ninnge nga be o i bɔbɔ i sua'n nun nin o, ɔ nin nga be o i nvle'n kwlakwla nun nin o, ɔ fɛli i kwlakwla sɔ'n kleli be.

2 Famiɛn Mun 20:15

Ezai usɛli i ekun kɛ: «?Nguɛ yɛ be wunnin i ɔ́ sua'n nun-ɔn?» Ezekias tɛli i su ekun kɛ: «Be wunnin mín sua'n nun ninnge'm be ngba. Min ninnge kpakpa be nun kun nun-man lɛ bɔ m'an fa kle-man be-ɔ.»

2 Famiɛn Mun 9:37

yɛ i fuɛn'n ´yo kɛ angrɛ sa lika sɔ'n nun. Ɔ man be su kwla se-man kɛ: Zezabɛl yɛ ɔ o yɛ.› »

Zɔb I Nyrɛnnɛn Wunlɛ 5:13

Ngwlɛlɛfuɛ'm be bɔbɔ be gblɛ nga be kpɛ'n, yɛ ɔ fa tra be-ɔ. Kpɛkuun sa nga be cici kɛ be ´yo'n ɔ yo-man ye.

Jue Mun 49:7

Ninnge kpanngban bɔ min kpɔfuɛ sɔ'm be lɛ i'n i su yɛ be lafi-ɔ, be fa be anyanbeun'n be fa di bé nuan.

Jue Mun 83:10

Kle be nun kɛ a fa kleli Sizɛra nin Zabɛn be nun Kizɔn nzue ba'n i nuan lɔ'n sa. Kle be nun kɛ a kleli Madianfuɛ'm be nun sa .

Nyanndra Mun 18:11

Sikafuɛ'n ɔ bu kɛ i anyanbeun'n ti i fiawlɛ kpa. I akunndan'n nun'n i waan ɔ ti kɛ talɛ sa yɛ ɔ sɛsɛ i-ɔ.

Nyanndra Mun 23:4

Nán kle ɔ́ wun yalɛ ngboko kɛ a ´nyan ɔ́ wun. Nán bu i akunndan beblebe .

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Zeremi 25:33

Sran nga Anannganman'n man be ´wu cɛn sɔ'n nun'n, be ´gua lɛ sa. Kɛ ɔ fɛ i asiɛ'n i bue kun b'ɔ ´fa ju i bue uflɛ su'n, be su yo-man be sɛ. Be su sie-man be. Be ´kplɔ asiɛ'n su.

Zeremi 6:21

I sɔ'n ti Anannganman'n wan yoo: «N wa fa ninnge wie mun n ´sie nvle sɔ'n i nunfuɛ'm be atin'n su n ´fa yi be ase. Man siɛ mun nin be mma mun, nin be tranfuɛ mun, nin be janvuɛ mun, be kwlakwla be wu.»

Zeremi 7:33

Fuɛn sɔ mun yɛ be ´kaci apɛtɛkuasi nin nsoso'm be aliɛ-ɔ. Be ´di i sa-a sran fi su kankan-man be bo.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Abakik 1:11

Kpɛkuun be sin kɛ aunngban dan kun b'ɔ su sin'n sa. Be sin kɔ lika uflɛ be ko yo sa tɛ ekun, yɛlɛ kɛ be like liɛ bɔ be lafi su'n yɛlɛ be wunmiɛn'n.»

Sofoni 1:17

«N ´fa nyrɛnnɛn'n n ´yi i sran'm be su, be ´nanti kɛ anyansifuɛ mun sa. Fɔnlɛ bɔ be fɔnnin Anannganman wun'n ti, be mmoja'n ´sonji lika'n nun kɛ nzue sa, yɛ be fuɛn'n ´kplɔ kɛ ofuɛ su like sa.»

Mmla'n 8:17

Nán amun si amun wue nun se kɛ: «E bɔbɔ e wunmiɛn nin é sa kekle yɛ man e kwla nyannin e wun-ɔn.»