Zeremi 9:2 - NYANMIƐN NDƐ'N 1998

² «B'a sa cɛiin ato bualɛ'n ti kɛ ta bɔ b'a cuɛn nun bɔ be su wa to'n sa. Kwlalɛ nga be kwla'n, nán nanwlɛ'n i fanngan nun-ɔn, ato'n i fanngan nun-ɔn. Sa tɛ nga be yo'n, be si-mɛn i nuan. Be si-man min.» Anannganman'n yɛ ɔ kan sɔ-ɔ.

Zeremi 9:2 ပူးပေါင်းရင်းမြစ်များ

Ezai 59:3

Afin amún sa'm be su ti sran'm be mmoja ngunmin, yɛ sɛ n ´kwla se'n, sa tɛtɛ'm b'a yo amun sama'm be fiɛn. Kɛ amun tike amún nuan, ato yɛ amun fa amun nuan sɔ'n bua-a, yɛ gblɛ yɛ amun fa kpɛ-ɔ.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 12:6

Wɔ akpasua sufuɛ mun be yo wɔ atɛ. Wɔ awlofuɛ mun bɔbɔ be yo wɔ atɛ wie. Be wlawla sran mun kɛ be yo wɔ like. Ɔ man sɛ be kan ndɛ fɛfɛ kle wɔ'n, nán fa su.»

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 4:22

«Ee! Min nvlefuɛ'm be ti sinnzin o. Be si-man min. Be lɛ-man akunndan, be si-man ngwlɛlɛ. Sɛ ɔ ti sa tɛ yolɛ liɛ'n, be si i wun ngwlɛlɛ, sanngɛ sa kpa'n liɛ'n, be si-mɛn i yo.»

Zeremi 5:1

Anannganman waan: «An `wlan-wlan Zerizalɛm akpɔ'm be su. An `nian-nian, an `usa usa. An `nian anyia lika'm be nun. Sɛ amun wun sran wie b'ɔ fa mmla su bɔ nanwlɛ atin'n yɛ ɔ kunndɛ fa'n, n ´yaci Zerizalɛm i wun sa'n n cɛ i .»

Zeremi 5:11

Yɛlɛ kɛ i Zida nvle nin o, i Izraɛl nvle nin o be nin min b'a nanti-man klanman.» Anannganman yɛ ɔ kan sɔ-ɔ.

Zeremi 5:2

Sran'm be ta nda be se kɛ: «N kan Anannganman'n» ato yɛ be buɛ i sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:2

Like nga be yo i siɛn'n yɛlɛ be wiengu'm be amuɛn wualɛ nin be lakalakalɛ, nin be kunlɛ, nin bé bo ninnge'm be wualɛ, nin sran'm be bɔbɔ be wualɛ, ɔ nin be wiengu'm bé yi nin bé wun'm bé bo kunndɛlɛ. Sran kunlɛ'n yɛ be jin su sa mlɔnmlɔnmlɔn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 5:7

Be lakali Anannganman'n. I lakalɛ bɔ be ´lɛkɛ i'n, yɛlɛ gua su ba bɔ be wuli be'n. Ɔ man kusu anglo kunngba nun'n, be mɛn'n nin be ninnge'm be ´saci mlɔnmlɔn.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:4

Be kwlaa be kunndɛ be wiengu'm bé yi mun nin bé wun mun. Be ti kɛ fur sa, kɛ kpaun tɔnfuɛ'n ko trɔ nun sin bɔ ɔ'a lo kpa'n, kpɛkuun ɔ nian-man lɔ kun lele san kpaun ng'ɔ boli'n ɔ'a wla.

Mise 6:12

Klɔ nga su anyanbeunfuɛ mun, sa tɛtɛ'n yɛ be waan be `fa man be nan be yo-ɔ. Klɔ sufuɛ mun bé nuan nun ndɛ'n ti nnyɔn-nnyɔn, gblɛ'n yɛ be waan be `fa man be nan be kpɛ-ɔ.

Sofoni 3:4

I su Nyanmiɛn nuan ijɔfuɛ mun'n, be kwla lafi-man bé su fa-man like wla-man be sa nun kɛ be `yo, be yo-man like nga be kle be'n. I su Nyanmiɛn nyrun jranfuɛ'm be yo Nyanmiɛn i ninnge'm be finfin. Be fa-man mmla'n su .

Malasi 2:11

Zidafuɛ'm be fɔnnin Nyanmiɛn wun, be yoli sa tɛtɛ Izraɛl mɛn wunmuan'n nun, be yoli sa tɛtɛ Zerizalɛm lɔ. Yɛlɛ kɛ be yoli Anannganman i anwlɛn su like'n i finfin. Be jali nvle nun bla nga be sɔ amuɛn mun .

Malasi 2:14

Kpɛkuun amun usa kɛ: «?Nan nguɛ sa-a?» Sa ti b'ɔ yo sɔ'n, yɛlɛ amun gbanflɛn nun bla'n i jalɛ nun. I jalɛ nun'n amun tali nda Anannganman nyrun kɛ amun kunndɛ-man bla uflɛ, nan i yɛ ɔ ti amun ukafuɛ-ɔ, nan i yɛ amun wunnin i-ɔ, kpɛkuun amu'an buɛ-mɛn i ndɛ nun kun.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

Jɔlɛ Difuɛ Mun 2:10

Zozie i wiengu'm be wa wieli wu. Be sinfuɛ nga be wa jasoli su'n be si-man Anannganman. Be si-man sa ng'ɔ yoli mannin Izraɛl'n.