Zeremi 9:19 - NYANMIƐN NDƐ'N 1998

¹⁹ Bla mun, an `tie Anannganman i ndɛ'n. Man amún su'n ti ng'ɔ kan'n. An `kle amun mma bla'm be sunlɛ ng'ɔ o yɛ'n, amun `fa ngwlɛ yilɛ sɔ'n kle be wiengu kɛ:

Zeremi 9:19 ပူးပေါင်းရင်းမြစ်များ

Ezai 32:9

Amun bla mun bɔ amun bu i kɛ amu'an nyan amun ti'n, amun `jaso nan amun `tie ndɛ nga n kan'n! Amun talua mun bɔ amun fa amun wla gua amun bɔbɔ su'n, amun `fa amun su sie min nuan bo!

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 2:14

«?Izraɛl ti kanga? ?Ɔ ti afanniɛn ba? ?Cɛcɛ, yɛ ɔ yo sɛ ti yɛ man be trɛ i be kɔ kɛ be su di afɛn sa nin-ɔn?

Zeremi 4:13

«Amun `nian, e kpɔfuɛ'n yɛ ɔ ´fu kɔ kɛ nyanmiɛn ble'n sa yɛ. I kakaklolo'm be tu kɛ seke sa, i nnɛn kpanngɔ'm be wanndi tra anunman nyin. Be `de ye o! Y'a wie mlin!»

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 7:15

N ´yi amun ase kɛ n fa yili amun niaan Efraimfuɛ'm be ase'n sa.»

Zeremi 7:19

Anannganman wan yoo: «?Like nga be yo i lɛ'n, min yɛ be su yo min-ɔn? Be bɔbɔ yɛ be su yo be wun-ɔn. Ɔ ti be bɔbɔ be nyrun nyannzuɛn.»

Zeremi 7:29

«Zidafuɛ mun, an `kpɛkpɛ amún ti muɛn b'ɔ kle kɛ min liɛ yɛlɛ amun'n, nan an `guɛ i blo. An ´to sɛ jue kpɔlɛ nga be su ti treketreke'n be su. Afin m'an yi amun blo. Yɛlɛ kɛ amun ti akpasua kun bɔ amu'an fɔkɔ mín anwlɛn.»

Ngwlɛ Yilɛ 4:15

Kɛ be ´tɔtɔ be ba'n, sran'm be kpan kɛ: «Amun `cia bé wun! Sran nga be ´ba lɛ'n be ti fiɛn. Amun `cia bé wun ! Nán amun kan be!» Be wanndi sa ngbɛn be wun-man lika nga be wɔ-ɔ. Sɛ be ju nvle wie nun'n, lɛfuɛ'm be se kɛ: «Sran kɛ nga sa mun'n nán e mɛn liɛ nun wa yɛ be ka-a.»

Ngwlɛ Yilɛ 5:2

Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Ezekiɛl 27:2

«Wɔ, klɔ sran, yi ngwlɛ Tir klɔ'n i su.

Saun Yolɛ 18:25

I sɔ fiɛn liɛ'n, ɔ sacili be mɛn'n, ɔ man min nin mɛn sɔ'n i nunfuɛ mun y'a nyɛn i lele san n ´kan bé bo be mɛn sɔ'n nun.

Saun Yolɛ 18:28

Kɛ ɔ ko yo nan m'an kan-man amun bo mɛn sɔ'n nun kɛ n kannin be nga be dunnin mmua amun nyrun'n bé bo sa'n ti'n, nán amun kan fiɛn'n i uflɛ ekun.

Saun Yolɛ 20:22

Mmla nga n fa man amun'n, amun `nian bé su, yɛ amun `di bé su kpa. Sɛ an fa su'n, mɛn nga n su fa amun kɛ amun ko tran lɔ'n, n su yi-man n sa amún su.

Mise 2:10

An `sin be wɔ! Pɔɔ dilɛ'n wieli! Sa tɛ nga amun yoli'n i su afɛ nga an wa fɛ'n, be flɛ-mɛn i afɛ.»

Mise 2:4

Blɛ sɔ nun'n, be ´fa amun be ´kpɛ flɛn, be ´kpɛ amun wun nyrɛnnɛn jue. Jue sɔ'n be ´to be ´se kɛ yoo: «B'a wie é bo ninnge'm be fa mlɔnmlɔn, b'a de e mɛn nunfuɛ'm bé sa nun asiɛ'n kwlaa kpan. Be nga be kan e bo e fie'm be su'n, be bɔbɔ be kunngba'm be bli bé nyin be cɛ nun be fa. ?Ɔo, nguɛ sa ti yɛ man be kuankuan é bo weinwein sɔ-ɔ?»

Mmla'n 28:29

Wia klakla kpa nun'n, amun ´fuafua amún sa kɛ anyansifuɛ'm be sa. Like nga amun ´yo'n, ɔ su yo-man ye amún sa nun. Yalɛ yɛ be ´kle amun sa lelele-ɔ, amún bo ninnge'n yɛ be ´fɛn i sa tititi-ɔ, amun su nyan-man sran b'ɔ ´de amun-ɔn.