Zeremi 9:17 - NYANMIƐN NDƐ'N 1998

¹⁷ Man be kan bé wun be wa sun ye. Man e nyinmuɛn nzue'n jranjran é ti nun nan ɔ `bu puu!»

Zeremi 9:17 ပူးပေါင်းရင်းမြစ်များ

2 Be Nyoliɛ 35:25

Zeremi b'ɔ ti Nyanmiɛn nuan ijɔfuɛ'n kpɛli Zozias wulɛ'n su jue. Jue tofuɛ yasua mun nin bla mun be kannin Zozias wun ndɛ be sɛ jue'm be nun lele ɔ'a fa ju ndɛ. Ɔ kacili be nzuɛn Izraɛl mɛn'n nun. Be klɛli jue sɔ mun sɛ jue fluwa'n nun .

Zɔb I Nyrɛnnɛn Wunlɛ 3:8

Man be bɔ be bo cɛn'm be sannzan, man be nga be tinnge Leviatan'n , be bo cɛn sɔ'n i sannzan!

Akunndanfuɛ'n 12:5

Blɛ sɔ'n nun'n be ´sro kpɔlɛ kaan sa'n i su fulɛ, kɛ be ´nanti'n srɛ ´kun be. Bé ti'n ɔ ´fɛn fuaii kɛ amandie i nyrɛ'n sa. Be ´nanti sa yɛklɛyɛklɛ kɛ lalo'n bɔ kpɛnngbɛn'n ɔ'a ti i'n sa. Afin kɛ blɛ sɔ'n ko ju'n, wuun sran kwlaa su kɔ i tranwlɛ b'ɔ ti anannganman'n i nun lɔ. Yɛ ngwlɛ yifuɛ'm be wlan-wlan atin'n nun be sin .

Zeremi 7:29

«Zidafuɛ mun, an `kpɛkpɛ amún ti muɛn b'ɔ kle kɛ min liɛ yɛlɛ amun'n, nan an `guɛ i blo. An ´to sɛ jue kpɔlɛ nga be su ti treketreke'n be su. Afin m'an yi amun blo. Yɛlɛ kɛ amun ti akpasua kun bɔ amu'an fɔkɔ mín anwlɛn.»

Ngwlɛ Yilɛ 2:5

E Min'n ɔ yoli i wun kɛ e kpɔfuɛ sa, ɔ yoli man Izraɛl'n ɔ'a bubu flɛnnɛnnɛn. I mɛn'n nun sua nglanman'm b'a bubu flɛnnɛnnɛn. Ɔ sacili be klɔ nga be sisili be wun'n. Ɔ yoli man be tili sunlɛ nin ngwlɛ yilɛ Zida mɛn nun'n.

Ezekiɛl 27:2

«Wɔ, klɔ sran, yi ngwlɛ Tir klɔ'n i su.

Ezekiɛl 32:16

Be wa yi ngwlɛ nvle'n nun, bla mun yɛ be wa yi ngwlɛ sɔ nin-ɔn. Be ´yi ngwlɛ sɔ'n Ezipt nin i sran kpanngban nga be o nun'n be su.» Anannganman Nyanmiɛn'n yɛ ɔ kan sɔ-ɔ.

Amɔs 5:1

Izraɛlfuɛ mun, an `sie amún su be `tie amún wun sɛ jue nga n ´to i yɛ'n.

Mise 2:4

Blɛ sɔ nun'n, be ´fa amun be ´kpɛ flɛn, be ´kpɛ amun wun nyrɛnnɛn jue. Jue sɔ'n be ´to be ´se kɛ yoo: «B'a wie é bo ninnge'm be fa mlɔnmlɔn, b'a de e mɛn nunfuɛ'm bé sa nun asiɛ'n kwlaa kpan. Be nga be kan e bo e fie'm be su'n, be bɔbɔ be kunngba'm be bli bé nyin be cɛ nun be fa. ?Ɔo, nguɛ sa ti yɛ man be kuankuan é bo weinwein sɔ-ɔ?»

Matthieu 9:23

Kɛ Jésus juli Nyanmiɛn ndɛ suanlɛ nin i srɛlɛ sua'n su kpɛn'n i awlo lɔ b'ɔ wunnin blo bofuɛ mun nin sran bɔ be ´bo awuyomo'n, ɔ seli kɛ:

Marc 5:38

Kɛ be juli bian'n i lika lɔ'n, Jésus wunnin awuyomo bɔ sran'm be bo'n, ɔ nin sunlɛ bɔ be sun'n, ɔ nin kpanlɛ bɔ be kpan'n.