Zeremi 9:15 - NYANMIƐN NDƐ'N 1998

¹⁵ N ´yo man be bo sanndi nvle nga bé si'm be bɔbɔ be si-man be'n, nan se kɛ be yɛ be ´si be'n, be nun. N ´fa alɛ'n n su be su lele san be ´wie nunnun.»

Zeremi 9:15 ပူးပေါင်းရင်းမြစ်များ

Jue Mun 60:3

Ee Nyanmiɛn, a yili e blo, a sanngannin e nun, a fali é wun ya sɔ, sanngɛ fa e sie e osu'n nun.

Jue Mun 69:21

Min anwlɛn'n kpɛ min klun nzowa'n dunman nun. N kwla sin-man min osu kun. M'an minndɛ kɛ sran wie si min aunnvuɛ lele ngbɛn. N nyan-man sran fi b'ɔ ´fɔnvɔ min-ɔn.

Jue Mun 75:8

Afin jɔlɛ difuɛ'n yɛlɛ Nyanmiɛn. Sran nga i waan ɔ ´kɛn i ase'n, ɔ kɛn i ase, nga i waan ɔ ´mɛn i su'n, ɔ mɛn i su.

Jue Mun 80:5

?Anannganman, wɔ bɔ a ti mɛn wunmuan'n i Nyanmiɛn'n, cɛn onin ko yɛ e bɔ e ti ɔ nvle'n i nunfuɛ'n e srɛlɛ'n ɔ ´yaci wɔ ya kunlɛ-ɔ?

Ezai 2:17

Klɔ sran'n i wun dandan yolɛ'n ɔ ´kan ase, i wun tulɛ'n ɔ ´go nun. Anannganman kunngba cɛ yɛ be ´mɛnmɛn i cɛn sɔ'n nun-ɔn.

Ezai 2:22

Amun `yaci amún wla'n klɔ sran su fa gualɛ, afin i nguan'n ti tika kpe kan sa. ?Wan yɛlɛ sran?

Zeremi 23:15

Ɔ man ndɛ bɔ Anannganman b'ɔ sie mɛn wunmuan'n kan man Nyanmiɛn nuan ijɔfuɛ sɔ mun'n yɛ. I waan: «N wa man be kondu man be di, n ´gua nzue'n nun duwlɛ man be nɔn, afin sa tɛ nga ɔ'a tru mɛn wunmuan nun yɛ'n ɔ fin Zerizalɛm lɔ be nga be tɔn be wun suɛn kɛ be ti min nuan ijɔfuɛ mun.»

Zeremi 24:10

M man alɛ'n ´tɔ be su, awe'n ´kpɛn be su, tukpacɛ b'ɔ sa ndɛndɛ'n ´tɔ be su lele san be ´nunnun be ´tu lika nga n fa mannin be nin be nannan mun'n nun.› »

Zeremi 25:15

An `se kɛ sɛ, Anannganman b'ɔ ti Izraɛl famiɛn'n seli min kɛ yoo: «Min ya'n ti dan kɛ klowa bɔ nzan'n ɔ'a yi i piɛ'n sa, klowa sɔ'n yɛ ɔ o yɛ, sɔ nun. Fa man nvle nga n ´sunman wɔ be nun'n be nunfuɛ'm be kwlaa man be nɔn.

Zeremi 44:27

N su yo-man amun kpa mlɔnmlɔn, nyrɛnnɛn yɛ n ´fa yi amun su-ɔ. Amun Zidafuɛ nga amun wo Ezipt wa yɛ'n, wie'n ´kun amun kwlaa kpan! Sɛ nán alɛ'n yɛ ɔ di amun'n, awe'n yɛ ɔ ´kun amun-ɔn.

Zeremi 49:37

N ´yo man Elamfuɛ'm be ´usu be kpɔfuɛ'm be nyrun. Be ´usu be bɔ be klo be nin wie'n be nyrun. Bé wun ya dan bɔ m'an fa'n ti n ´fa nyrɛnnɛn'n n ´yi be su. N ´fa alɛ'n n ´su be su lele san be wie wu.

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Ngwlɛ Yilɛ 3:15

Klunngbɔ nin aklunfian ɔ'a fa kun min kpo.

Ngwlɛ Yilɛ 3:19

Min nyrɛnnɛn nin min nyrun bɔ n wun i'n, kɛ mín wla kpɛn su'n, ɔ yo kɛ b'a saci like b'a man min sa.

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Ezekiɛl 5:2

Kɛ klɔ'n i utulɛ blɛ'n ko sin'n, bubu nun nsan, yrɛ i bue kun sin nun klɔ'n i afiɛn. Fɛ i bue kun ekun nan fa ɔ tokofi'n fa finfin su sin yia klɔ'n. Yɛ sanndi i bue kun ng'ɔ ka lɛ'n nun man aunngban'n fa wɔ, kpɛkuun n ´su i su nin min tokofi'n.

Mmla'n 28:36

Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .

Mmla'n 29:18

Sran ng'ɔ ti ndɛ nga'n, nán ɔ lɛkɛ i wun se kɛ: «Kannzɛ sɛ n yo nyin kekle lele n guɛ i ti nin i bo'n, sa fi su nyan-man min,» afin sɛ sran kun saci sran uflɛ ti nun'n fa ukɛ i bɔbɔ su'n,

Sa nglô yile 8:11

Nzraama sɔ'n, be flɛ i kondu, ɔ man nzue ng'ɔ tɔli nun'n, ɔ yoli wi. Sran kpanngban kpa be wuli, afin be nɔnnin nzue sɔ'n b'ɔ kacili kɛ duwlɛ sa'n.