Zeremi 9:12 - NYANMIƐN NDƐ'N 1998

¹² Anannganman'n waan: «Be yili mmla nga n fa mannin be'n i ase'n ti-ɔ. B'a tie-man min aniɛn'n ti-ɔ. B'a nian-man su b'a nanti-man'n ti-ɔ.

Zeremi 9:12 ပူးပေါင်းရင်းမြစ်များ

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Ezai 42:23

?Amun nun onin yɛ ɔ ´sie i su sa nga'm be bo b'ɔ ´fa tu i wun fɔ cɛn wie-ɔ?

Zeremi 23:10

«Tekle bofuɛ'm b'a yi mɛn'n piɛ! Tete sa'm be ti sa yalɛ ɔ'a tɔ mɛn'n su. Aawlɛ flɛnnɛn nun nnɛn'm be didiwlɛ'n ɔ'a wu kee! Afin sa tɛtɛ'n yɛ sran'm be kunndɛ i yolɛ-ɔ. Sa tɛ yolɛ'n yɛ be wun kpɛ su-ɔ.

Zeremi 23:16

Anannganman b'ɔ sie mɛn wunmuan'n wan yoo: «Be nga be bu be wun kɛ be ijɔ min nuan'n, be ndɛ nga be ´kan kle amun'n, nán amun fa amún su sie i bo. Aolia nun like nga be ´kɛn i ndɛ kle amun'n, ɔ fin be bɔbɔ be akunndan'n nun. Nán min nuan su ndɛ-ɔ.

Zeremi 23:22

Sɛ ɔ ti kɛ e nin min sran mun e ´koko e yalɛ-ɔ be trɛnnin i bo'n, wuun ndɛ nga e kannin'n be ko kan kleli min sran mun man be yacili ajalɛ tɛ tulɛ'n, wuun be guali be aeliɛ tɛtɛ'm be ase.»

Zeremi 23:28

Sɛ Nyanmiɛn nuan ijɔfuɛ kun cɛn laliɛ'n, m'an se-man kɛ nán ɔ kan. Man ɔ kan. Nga kusu bɔ n kannin ndɛ n kleli i'n, man ɔ nian su kɛn i cɛ. Anannganman'n usa kɛ: «?Awie ja'n nin awie ba'n be ti-man ngunmin-ngunmin?

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Ezekiɛl 14:23

Amun awlaboɛ'n su yo-man dan kun, afin kɛ amun ´wun be nzuɛn'n nin bé sa nga be yo be'n, amun ´wun i wlɛ kpa kɛ kannzu nán ngbɛn ti yɛ n kleli klɔ sɔ'n i nyrɛnnɛn'n nin-ɔn.» Anannganman Nyanmiɛn'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 4:10

Man be di like'n sɛ, sanngɛ nán kɛ be ku yɛ ɔ ´yi ti-ɔ. Man be si tekle'n sɛ, sanngɛ nán kɛ ba yɛ be ´wu i ti-ɔ. Afin m bɔbɔ min Anannganman'n, be yili min nin min mmla'm be ase. Be yacili min lɛ be ɔli be tekle silɛ, be ɔli amuɛn'm bé sin.

Zoɛl 1:11

Fie difuɛ'm bé wun ɔ'a fɔ, vinyi fie difuɛ'm be su fɛfɛ. Ble nin ɔrz bɔ b'a saci'n ti be su fɛfɛ. Like nga afuɛ nuan'n yiali bɔ be nyɛnnin i fie su lɔ'n, i sɔ like'n kwlaa sacili.

Sofoni 3:6

«N nunnunnin nvle wie mun mlɔnmlɔnmlɔn, be sasawlɛ sua mun bɔ be ti nglo sua'n, bɔ be o klɔ'm be cɔnjɔ'm be su'n, m bubuli be. Be akpɔ'm be tɔli srololo, m bubuli be klɔ mun, sran fi ijɔ-man be su kun.

Matthieu 24:15

«I sɔ'n ti, Tete Like bɔ Nyanmiɛn nuan ijɔfuɛ Daniɛl kɛnnin i ndɛ'n, blɛ nga an wun kɛ ɔ o Nyanmiɛn lika nun'n, man be nga be o Zide'n be wanndi ɔ oka'n su lɔ. Man sran ng'ɔ kanngan ndɛ sɔ'n, ɔ bu i akunndan !

Mmla'n 32:29

Sɛ ɔ ti kɛ be si ngwlɛlɛ'n, wuun be ´fa sunnzun ase be ´wun sa ng'ɔ wa ju'n.

Sa nglô yile 1:3

Sran ng'ɔ kanngan ndɛ nga'n, ɔ nin be nga be ti sa nga be wa yo'n be ndɛ'n, bɔ be fa su'n, be liɛ su ti ye! Afin like sɔ'n kwlaa be blɛ'n ɔ'a mantan.