Zeremi 9:11 - NYANMIƐN NDƐ'N 1998

¹¹ Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Zeremi 9:11 ပူးပေါင်းရင်းမြစ်များ

Neemi 4:2

Nan b'a gugu kɛ bé bo `yo kun nan be nin ye bɔ e ti Zerizalɛmfuɛ mun'n e `kun nan be `sanngan e nun.

Jue Mun 107:43

Man sran b'ɔ ti ngwlɛlɛfuɛ'n ɔ bu sa sɔ'm be akunndan kpa nan ɔ wun kɛ Anannganman i klun ti ufue.

Jue Mun 44:19

nán kɛ e nin wɔ e nun-man nun kun ti-ɔ, nán kɛ e yacili wɔ atin'n ti-ɔ.

Jue Mun 79:1

Jue nga ti Azaf liɛ. I waan: Ee Nyanmiɛn, aofuɛ wie'm b'a fa ɔ lika'n, b'a yo ɔ́ sua'n i fiɛn, yɛ b'a bubu Zerizalɛm klɔ wunmuan'n, ɔ'a kaci kɛ yɛbuɛ kwle sa.

Ezai 13:22

Gboklo'm be ´nyan tranwlɛ klɔ'n nun sua dandan'm be nun, yɛ nsoso'm be ´nyan tranwlɛ sua kpakpa'm be nun. Babilɔni i blɛ'n wa mantan, ɔ su ba, be su tu-mɛn i cɛn'n kɔ-mɛn i sin kun.

Ezai 25:2

Afin wɔ man klɔ'n ɔ'a yo kɛ yɛbuɛ kwle bɔ i nun yɛbuɛ'm be tian be wiengu su'n sa, klɔ'n bɔ i wun ti siwa'n ɔ'a saci. Be wun-man aofuɛ'm be sua kpakpa mun klɔ'n nun kun. Be su kplan-man klɔ sɔ'n i uflɛ kun.

Ezai 34:13

Famiɛn'm bé sua'm be wa kaci susrɛ. Flɔn nin owie-owie'm be ´fifi fiawlɛ sua'm be nun. Nsoso mun yɛ be ´tran sua sɔ'm be nun-ɔn, klɔnsoklo mun yɛ be ´la lɛ-ɔ.

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Zeremi 1:15

Nian, n wa flɛ famiɛn diwlɛ ng'ɔ o Izraɛl mɛn'n i nglo lɔ'n i nun nin akpasua kunngun'm be nun sran mun kɛ be bla. Be wa kpɛ be ngblaliɛ mun Zerizalɛm anuan'n nun Zerizalɛm klɔ'n i talɛ'm be wun sɛsɛsɛ ɔ nin Zida klɔ'm be talɛ'm be wun.

Zeremi 10:22

An `tie nganniɛn ng'ɔ tɛ ba'n. Mɛn i sannganlɛ like kun fin mɛn'n i nglo lɔ lika'n nun su ba. Ɔ wa nunnun Zida klɔ mun. Be ´kaci nsoso'm be lawlɛ.

Zeremi 16:10

«Sɛ a kan ndɛ nga kwlaa kle nvle nga nunfuɛ mun nan be usa wɔ kɛ: ‹?Ɔ yo sɛ ti yɛ Anannganman'n kan nyrɛnnɛn sa nga mun kwlaa kle ye nin-ɔn? ?Nguɛ sa yɛ e yoli-ɔ? ?Fɔnlɛ sɛ yɛ e fɔnnin Anannganman e Nyanmiɛn'n i wun-ɔn?›,

Zeremi 25:11

Mɛn nga ´nunnun mlɔnmlɔn. Nvle sɔ'm be kwlakwla be nunfuɛ'm be ´su Babilɔni famiɛn'n afuɛ ableso .›

Zeremi 25:18

N fa mannin Zerizalɛmfuɛ mun nin Zida klɔ'm be nunfuɛ mun. N fa mannin famiɛn mun nin be awlo lɔ sran dandan mun, nan be nunnun, nan sɛ sran'm be wun be-ɔ, be `bo kitika, be `fa be di flɛn, be `fa be bo sannzan .

Zeremi 26:18

«Ezekias b'ɔ ti Zida famiɛn'n i blɛ su'n, Mise b'ɔ fin Mɔresɛt'n ɔ kannin Nyanmiɛn nuan ndɛ kleli Zidafuɛ'm be kwlaa kɛ: ‹Anannganman b'ɔ sie mɛn wunmuan'n wan yoo: Siɔn ´yo kɛ asiɛ bɔ b'a funndan nun sa. Zerizalɛm ´kaci kɛ yɛbuɛ yɛ b'a tiɛn i nuan'n sa, yɛ oka nga Nyanmiɛn i sua'n wo su'n ɔ ´kaci bo.›

Zeremi 26:9

?Wan yɛ ɔ tuli wɔ kɛ a se kɛ Anannganman'n waan: ‹Sua nga ´yo kɛ Silo fa yoli'n sa nan ɔ ´nunnun, nan sran su tran-man su kun nin-ɔn?› » Yɛ be kwlaa be ´kpɛ sin yia Zeremi Nyanmiɛn i sua'n i awlo'n nun-ɔn.

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 4:27

Anannganman'n kannin kɛ yoo: «Mɛn wunmuan'n ɔ ´wie saci, sanngɛ n su wie-mɛn i nunnun mlɔnmlɔn.

Zeremi 44:2

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹?Nyrɛnnɛn sa nga n fa yili Zerizalɛm nin Zida klɔ kun nga mun be su'n bɔ yɛ man andɛ b'a nunnun treketreke'n, amu'an wun-mɛn i?

Zeremi 49:33

«Azɔr klɔ'n ɔ ´kaci nsoso'm be tranwlɛ. Ɔ ´saci mlɔnmlɔn, ɔ su sin-mɛn i osu kun. Sran fi su tran-man su kun. Klɔ sran kun sa su tran-man su kun.»

Zeremi 50:3

Nvle kun fin nglo lɔ lika liɛ'n nun su ba. Sɛ n ´kwla se'n, ɔ nin i be wa yia nun. Ɔ wa saci lika'n, ɔ ´kaci kɛ aawlɛ flɛnnɛn sa! Sran su tran-man su kun. I sran o, i nnɛn o, be ´bo sanndi.

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Zeremi 8:22

?Kannin ayre nun-man Galaad lɔ kun? ?Dɔɔtrɔ nun-man lɔ? ?Ɔ yo sɛ ti yɛ min nvle'n i kannin'n tɛ didi tɛ kɔ kploun sɔ-ɔ ?

Ngwlɛ Yilɛ 1:4

Siɔn i atin'm b'a yo sa nvuɛn-nvuɛn-nvuɛn siɛn'n, sran fi ba-man lɛ kun kɛ ɔ wa di cɛn. Klɔ gua'n ɔ'a tɔ sɔ srololo! I Nyanmiɛn nyrun jranfuɛ'm be fɛfɛ-man ngowa. I talua'm be wla'n ɔ ti bowa dan. Nanwlɛ, klunngbɔ'n ɔ'a yi Siɔn lele ɔ'a kpe nun.

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 3:47

E liɛ'n, nga be yaci i nin ye'n, yɛlɛ sa sroesroe'm bɔ be kun srɛ'n, nin kunman'm be nun tɔlɛ'n, nin e mɛn'n i sacilɛ'n, ɔ nin sa yalɛ b'ɔ tɔ é su'n.

Saun Yolɛ 26:32

Amun mɛn'n i nunnunlɛ tɛ bɔ n ´nunnun i'n ti, ɔ ´yo amun kpɔfuɛ'm be koun.

Mise 1:6

«I sɔ'n ti n ´yo man Samari mɛn'n ɔ ´bubu, ɔ ´kaci vinyi fie diwlɛ. Yɛbuɛ nga be fa kplannin'n be ´ka ijre nun, be ´kondo be ´gua kongo'n nun lɔ, i bo ase wlawlɛ'm be ´fite su .

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .

Mise 6:16

Famiɛn Ɔmri ɔ nin i wa Akab i awlofuɛ'm bé sa tɛtɛ nga be yo'n, i su yɛ amun nian-an. Like nga be yo'n, yɛ amun yo-ɔ. I sɔ'n ti amun klɔ'n ɔ ´bo. Amun kusu bɔ amun wo klɔ'n su'n, srisrilɛ yɛ be ´srisri amun-ɔn. Nyannzuɛn trɔ nga bɔ yɛ ɔ jin min mɛn wunmuan'n i ti su yɛ'n, amun yɛ amun ´suɛ i sɔ nyannzuɛn trɔ liɛ nin-ɔn.»

Mmla'n 29:23

Nvle kun nga'm be nunfuɛ'm be usa bé wun kɛ: «?Ɔ yo sɛ ti yɛ Anannganman yoli mɛn nga sɔ-ɔ? ?Ɔ yo sɛ ti yɛ ɔ fɛli i nunfuɛ'm bé wun ya dan kɛ nga sa-a?»

Sa nglô yile 18:2

Ɔ kpan seli kɛ: «Babilɔni klɔ dan'n ɔ'a saci, ɔ'a saci! Ɔ'a kaci asiɛ usu'm be tranwlɛ, ɔ'a kaci mmusu nin tete anunman bɔ sran'm be kpɔ be'n bé sua,