Zeremi 8:3 - NYANMIƐN NDƐ'N 1998

³ Sran tɛ akpasua sɔ'n, be onga nga be ´ka lɛ'n, lika nga n ´fuan be kɔ'n, sɛ be wuli bɔbɔ'n, ɔ flunman tra kɛ be nyin wo su'n.» Anannganman b'ɔ sie mɛn wunmuan'n yɛ ɔ kan sɔ-ɔ.

Zeremi 8:3 ပူးပေါင်းရင်းမြစ်များ

1 Famiɛn Mun 19:4

I bɔbɔ ɔli aawlɛ flɛnnɛn'n nun lɔ, ɔ nantili cɛn kun. Yɛ ɔ ko trannin waka bɔ be flɛ i genɛ'n i kun bo-ɔ. Siɛn'n, like ng'ɔ kunndɛ'n yɛlɛ wie'n. I waan: «Anannganman, ɔ'a yo kpa sɔ. Fa min nguan'n. N ti-man kpa n tra-man mín si mun.»

Zeremi 23:3

Min bua bɔ m man be bo sanndili mɛnmɛn'n be nun'n, n ´yiayia be nga be ka mun. N ´fa be n sa be sin be tuin'n nun. Be ´wu ba kaka, be ´trɛ.

Zeremi 23:8

sanngɛ be ´se kɛ: ‹N kan Anannganman b'ɔ yiayiali Izraɛlfuɛ nga be bo sanndili Izraɛl mɛn'n i nglo lɔ mɛn'n nin mɛn kun nga'm be nun'n, b'ɔ fali be bali kɛ be tran be mɛn'n nun'n.› »

Zeremi 29:14

afin n ´kplin su kɛ amun `wun min. N ´yi amun nvle nin lika nga be trali amun lomuɛn ɔli nun'n be kwlaa be nun fite. N ´yiayia amun yɛ n ´fa amun sa amun sin lika nga n fuannin amun nun wa ɔli'n i nun.» Anannganman'n yɛ ɔ kan sɔ-ɔ.

Zeremi 29:28

‹An wa cɛ lɔ, an `kplan sua nan an tran nun, an `di fie nan an di i su like nin-ɔn?› ?Ɔ yo sɛ ti yɛ a tɛ-mɛn i su-ɔ?»

Zeremi 40:12

Yɛ be kwlakwla sɔ'n be ´fin lika kunngun nga be bo sanndili nun'n nun be ´ba Zida mɛn'n nun be wa to Gɛdalia Mizpa lɔ-ɔ. Be nzan nin be waka mma nga be ko nyɛnnin i, ɔ ti-man ngowa.

Zeremi 44:2

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹?Nyrɛnnɛn sa nga n fa yili Zerizalɛm nin Zida klɔ kun nga mun be su'n bɔ yɛ man andɛ b'a nunnun treketreke'n, amu'an wun-mɛn i?

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 6:9

Anannganman b'ɔ sie mɛn wunmuan'n waan: «Man be isa-isa Izraɛlfuɛ be onga mun, kɛ b'a ti vinyi mma b'a sin nan be su niɛn-niɛn i ja nun ekun sa. Man be fa bé sa'n wlan-wlan vinyi sama'n su bla kɛ vinyi tifuɛ mun sa.»

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Amɔs 3:1

Izraɛlfuɛ mun, an `tie, amun bɔ Anannganman'n fali amun Ezipt lɔ bali'n, an `tie amún wun ndɛ ng'ɔ o i klun'n:

Zonas 4:3

Nga kwlaa ti kpɛ kpo kun min kpɛkun. Kɛ n ko tran nguan nun'n, ɔ flunman kɛ n wu .»

Mise 2:3

I ti man Anannganman wan yoo: «Sran tɛtɛ kɛ amun sa'n, m'an dun mmua m'an bu amún nyrɛnnɛn klelɛ'n i akunndan m'an sie, an su fin-man nun be fite-man. Siɛn'n, sɛ amun ´nanti-ɔ, amun su kwla-man amún ti'n su man kun, afin i sɔ blɛ liɛ'n ´yo nyrɛnnɛn blɛ.»

Mmla'n 30:1

Muae nin sa yalɛ'n bé wun ndɛ mun yɛ m'an fa sie amun nyrun lɛ-ɔ. Kɛ sa sɔ'n kwlaa ko ju amún su'n, bɔ Anannganman amun Nyanmiɛn'n ko fa amun ko ɔ mɛn uflɛ'm be nun'n, kpɛkuun muae nin sa yalɛ ndɛ nga n fa sieli amun nyrun lɛ'n ɔ wa kpɛn amun klun.

Mmla'n 30:4

Sɛ bɔ be trali amun ɔli mɛn'n i tiwa lɔ'n, Anannganman Nyanmiɛn'n ɔ ko yia amun lɔ, amun ´ba.

Sa nglô yile 6:16

Be se oka nin yɛbuɛ dandan'm be kɛ: «An `tɔ e su, an `fa e fia nan sran ng'ɔ ti bia'n su'n ɔ'a wun-man ye, an `fa e fia nan Bua Gbanflɛn'n ɔ'a fa-man é wun ya .

Sa nglô yile 9:6

Blɛ sɔ'n nun'n, sran'm be ´kunndɛ wie'n, sanngɛ be su wu-man. Be ´fa bé wun man wie'n, sanngɛ ɔ su kun-man be .