Zeremi 8:11 - NYANMIƐN NDƐ'N 1998

¹¹ Be fa min nvlefuɛ'm bé kannin'n i fualɛ'n fa yo ngowa. Be waan: ‹Sa fi su ju-man. Lika'n ti fɔun.› Kusu wuun lika'n ti-man fɔun.

Zeremi 8:11 ပူးပေါင်းရင်းမြစ်များ

1 Famiɛn Mun 22:13

Sran nga be sunmɛnnin i kɛ ɔ ko flɛ Mise'n seli Mise kɛ: «Wunnzue yifuɛ'm be kan ndɛ fɛ yɛ be kle famiɛn nin-ɔn. Be kwlaa be ndɛ'n ti kunngba. I sɔ'n ti, ɔ kusu, kan nga be kan'n wie, kan ndɛ fɛ kle famiɛn'n.»

1 Famiɛn Mun 22:6

Izraɛl famiɛn'n yiali i wunnzue yifuɛ ko ju ya nnan mun. Ɔ usali be kɛ: «?N wɔ Galaad mɛn'n nun lɔ n ko kun alɛ Ramɔt lɔ annzɛ nán n wɔ?» Be tɛli i su kɛ: «Kɔ! Anannganman ´fa Ramɔt klɔ'n man wɔ!»

Zeremi 14:13

Yɛ n tɛli su kɛ: «Ee! Anannganman Nyanmiɛn kpli, Nyanmiɛn nuan ijɔfuɛ'm be seli be kɛ: ‹Alɛ su tɔ-man amun su. Awe su kpɛn-man amun su. Nyanmiɛn'n ´yo man amun ´nyan fɔundi dan lika nga nun wa.› »

Zeremi 23:17

Be se be bɔ be bu-man min like fi'n be kɛ: ‹Anannganman waan: Amun ´di alaje.› Be se be bɔ be klun sa'n cɛ yɛ be waan be ´yo'n, bɔ be su mlin'n be kɛ yoo: ‹Sa su nyan-man amun.›

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 8:15

E waan wuun lika'n ´tɔ fɔun o, kannzu sa tɛ'n yɛ ɔ su ju-ɔ. E waan wuun e su wa yo juejue o, kannzu sa sroesroe yɛ ɔ su ju-ɔ.

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Mise 2:11

Sɛ sran wie kpɛ i ti nun se kɛ: «Nyanmiɛn waan: ‹Amun ´nyan nzan nin nzan kekleekle mun'n,› i sɔ sran finfinfuɛ liɛ'n yɛ an bu i Nyanmiɛn nuan ijɔfuɛ-ɔ .»

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.