Zeremi 7:7 - NYANMIƐN NDƐ'N 1998

⁷ i liɛ n ´yaci amun lika nga nun wa. N ´yaci amun mɛn nga n fa mannin amun nannan mun b'ɔ ti amun liɛ titi'n i nun.

Zeremi 7:7 ပူးပေါင်းရင်းမြစ်များ

2 Be Nyoliɛ 33:8

Sɛ Izraɛlfuɛ'm be fa min mmla fanunfanun nga Moiz fa mannin be min dunman nun'n su'n, n su mian-man be kɛ be `tu mɛn nga n fa mannin bé nannan mun'n nun.»

Ezipt Lɔ Tulɛ'n 22:22

Sɛ amun yo be tɛtɛ'n, be ´flɛ min kɛ min Anannganman n de be, yɛ n kan kle amun kɛ n ´ti bé flɛlɛ'n.

Ezai 1:19

Sɛ amun sie amun su amun tie ndɛ nga n kan n kle amun'n, amun ´di mɛn nga nun ninnge kpakpa mun.

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 26:13

Nan i ti an `kaci amun nzuɛn'n nin amun aeliɛ mun. An `tie Anannganman amun Nyanmiɛn'n i aniɛn'n nan sa ng'ɔ kɛnnin i kɛ ɔ ´fa yo amun'n, ɔ'a fa fli amun.

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 4:1

Anannganman'n wan yoo: «Izraɛl, sɛ a sa ɔ sin ba min sin'n, sɛ a yi ɔ tete ninnge mun min nyrun lɛ'n, a su wanndi-man kun.

Sofoni 3:7

Min waan sɛ n ´yo sɔ nan Zerizalɛmfuɛ'm be ´sro min o. Bé nyin nglo-nglo nga n wlali'n, min waan wuun sɛ be ´wun i wlɛ o. Sa nga n ko yo'n, n yoli, sanngɛ sa tɛtɛ yolɛ'n yɛ bé wun kpɛ su-ɔ.»

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.