Zeremi 7:6 - NYANMIƐN NDƐ'N 1998

⁶ sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Zeremi 7:6 ပူးပေါင်းရင်းမြစ်များ

2 Famiɛn Mun 21:6

Ɔ fɛli i wa'n yili tɛ nga be yrɛ i nnɛn'n kɔlikɔli'n, ɔ yili wunnzue fanunfanun mun. Ɔ lɛ i sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n fa fɔkɔli i anwlɛn.

2 Famiɛn Mun 24:4

Sran nga b'a yo-man like fi, b'ɔ Manase kunnin be'n, sɛ e ´kwla se'n, be mmoja'n yili Zerizalɛm'n klɔ'n. I sɔ'n ti, Anannganman waan ɔ yaci cɛ-man be.

Jue Mun 106:38

Be kunnin sran nga b'a yo-man sa'n. Sran nga b'a yo-man sa sɔ mun yɛlɛ be mma yasua mun nin be mma mmla mun. Be kunnin be be fa sɔli Kanaan amuɛn mun. Be fali be sran kunlɛ sɔ'n be sacili be mɛn'n.

Nyanndra Mun 23:10

Lalafuɛ like nga be fa jali awɛ'n, nán tu i bo, nán wlu aika mma'm be fie'n nun kɛ a ´ko de fie sɔ'n bé sa nun .

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Zeremi 13:10

Nvle tɛfuɛ nga, sran nga n kan ndɛ n kle be-ɔ ɔ gua bé su sin, bɔ be akunndan liɛ ng'ɔ o bé ti nun'n kunngba yɛ be si i'n, bɔ amuɛn mun yɛ be waan be fa man be nan be sɔ'n, nan be koto be bo'n, nvle sɔ'n, ɔ ´yo kɛ bé bo kplo nga be fa be yo like-ɔ ɔ yo-man ye kun yɛ'n sa.

Zeremi 19:4

Afin be kacili be sin be sili min. Be yoli lele man a wun lika nga-a, a si-mɛn i kun. Be yrali ansans mannin amuɛn wie mun bɔ bé si mun nin Zida famiɛn mun be si-man be laa'n nan se kɛ be bɔbɔ. Sran nga b'a yo-man sa'n, b'a kun be lele be mmoja'n ɔ'a yi lika sɔ'n.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 2:34

Aunnvuɛfuɛ nga w'a fite-man be su kɛ be su yo sa'n bɔ sanngɛ a kunnin be'n, be mmoja'n guagua lele ɔ gua ɔ tralɛ'n i nuan su'n nun.

Zeremi 26:15

Sanngɛ man amun wun i wlɛ kɛ sɛ amun kun min'n, wuun amu'an kun min ngbɛn, m'an yo-man sa, ɔ man kusu amun ´fɛ i su afɛ'n, amun o, klɔ nga o, i sufuɛ mun o, amun ´fɛ i su afɛ'n. Afin nanwlɛ, Anannganman'n yɛ ɔ sunmannin min amun sin kɛ n kan ndɛ sɔ'n kwlakwla n kle amun-ɔn.»

Zeremi 26:23

Be ko trali Iri Ezipt lɔ be fa bali famiɛn Zozakim ja su nan ɔ'a yo man b'a kun i nin tokofi, nan b'a yi i fuɛn'n sran nga be lɛ-man nyrun'n be kunman'n nun.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Zeremi 7:5

Sɛ an yaci ajalɛ tɛtɛ nin nyoliɛ tɛtɛ'n, sɛ an yo ng'ɔ fata'n be man be wiengu'n,

Zeremi 7:9

Awie wualɛ nin sran kunlɛ, nin sran'm bé yi'm be kunndɛlɛ'n, ɔ nin nda talɛ ato nun'n, yɛ ɔ ti amun junman-an. Amun sɔ amuɛn nga be flɛ i Baal'n. An fa amún wun wla amuɛn bɔ amun si-man be laa bɔ ngbɛn'n bé sa nun.

Ngwlɛ Yilɛ 4:13

Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.

Ezekiɛl 18:6

ɔ di-man amuɛn aliɛ nga be di i oka'n su'n wie. Ɔ sɔ-man amuɛn nga Izraɛlfuɛ'm be sɔ'n wie. Ɔ kunndɛ-man i wiengu yi. Yɛ ɔ nin bla nga i sa a bu'n be si-man sua.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Saun Yolɛ 19:33

Sɛ aofuɛ wie ɔ wa tran amun klɔ'n su'n, nán amun di i lufle.

Saun Yolɛ 25:17

Nán amun di amun niaan kun lufle, amun nyin `yi min. Afin min yɛ n ti Anannganman amun Nyanmiɛn nin-ɔn.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

Matthieu 27:4

yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

Mmla'n 11:28

Sɛ kusu amu'an ti-man Anannganman amun Nyanmiɛn'n i mmla'n, nan amun yaci atin nga n ´kle amun ndɛkɛn yɛ'n i lɛ amun ko sɔ amuɛn bɔ amun si-man be laa'n, amun ´sokpa.

Mmla'n 24:17

Nán amun bu aofuɛ annzɛ aika ba'n i ndɛ kwlɛ. Nán amun fa angboti bla'n i kondro'n wla aowa.

Mmla'n 27:19

«Sran ng'ɔ bu aofuɛ annzɛ aika ba, annzɛ angboti bla be lufle'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 8:19

Sɛ amún wla fi Anannganman amun Nyanmiɛn'n nan amun su amuɛn'm bé su amun sɔ be'n, nan amun koto bé bo'n, n ´kan kle amun ndɛkɛn weiin kpa kɛ amun ´wie wu.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.