Zeremi 7:4 - NYANMIƐN NDƐ'N 1998

⁴ Nán amun lafi ndɛ finfin nga be kɛn i yɛ'n su be se kɛ: Wa yɛ Anannganman i sua'n wo-ɔ, Anannganman i sua'n, Anannganman i sua'n.

Zeremi 7:4 ပူးပေါင်းရင်းမြစ်များ

1 Famiɛn Mun 9:7

i liɛ'n, n ´kan amun bo mɛn nga n fa mannin amun'n i nun, yɛ sua nga n fali min dunman sieli su'n, n su bu-mɛn i like fi kun, kpɛkuun nvle'm be nunfuɛ'm be kwlaa be ´yo amun finfin, be ´srisri amun.

Ezai 48:2

Amun bɔ Nyanmiɛn i klɔ'n i dunman'n wo amun su'n, amun bɔ amun kisa Izraɛl Nyanmiɛn bɔ i dunman yɛlɛ Anannganman b'ɔ sie mɛn wunmuan'n i su'n, amun `tie ndɛ nga.

Ezai 59:4

Gblɛ sa'm be su yɛ amun kwlaa amun jran be sanman be wiengu-ɔ. Yɛ amun kwlaa amun bua ato jɔlɛ difuɛ'm be nyrun. Amun lafi ninnge ngbɛn-ngbɛn'm be su yɛ amun kan ndɛ bɔ ti-man ndɛ nin-ɔn. Amun bu klunwi yolɛ'n i akunndan, kpɛkuun i agualiɛ su'n, sa tɛtɛ'n yɛ amun yo-ɔ.

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Zeremi 28:15

Yɛ Nyanmiɛn nuan ijɔfuɛ Zeremi seli Nyanmiɛn nuan ijɔfuɛ Anania kɛ: ‹Anania, sie ɔ́ su tie, Anannganman'n ɔ'a sunman-man wɔ. W'a yo man sran'm b'a gua be wla ase ngbɛn.›

Zeremi 29:23

Sa ti b'ɔ ´yo sɔ'n yɛlɛ kɛ be boli tete Izraɛl nvle'n nun. Be kunndɛli be wiengu'm bé yi mun, yɛ m'an sunman-man be kpɛkuun be ɔli kɛ be su ijɔ mín nuan. N si i kwlakwla ng'ɔ o lɛ'n nun, ɔ yoli min nyrun.› » Anannganman'n yɛ ɔ kan sɔ-ɔ.

Zeremi 29:31

«Sunman sran man ɔ ko se be nga be trali be lomuɛn wa ɔli'n be kɛ Sɛmaɛza b'ɔ ti Neselamfuɛ'n i wun ndɛ yɛ: i ndɛ ng'ɔ kan kle amun'n, ɔ kɛn i ngbɛn, m'an sunmɛn-mɛn i. Amún wla b'ɔ cici ti ngbɛn.»

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 7:14

I ti'n, sa kunngba nga n fa yoli Silo'n yɛ n ´fa yo sua nga min dunman'n wo su yɛ'n bɔ i su yɛ an lafi'n, ɔ nin lika nga n fa mannin amun nin amun nannan mun nin-ɔn .

Ezekiɛl 13:19

Ɔrz sa buɛ kun nin kpaun sin kanngan wie'm be ti an yo min finfin min sran'm be nyrun. An bua ato kle min sran mun, yɛ be kusu be lafi amun su-ɔ. Kpɛkuun an kun be ng'ɔ fata-man kɛ be wu'n, yɛ an yaci be nga be nin nguan nun tranlɛ fata-man'n be lɛ.›

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Sofoni 3:11

«Cɛn sɔ nun'n sa nga amun yoli min'n, fɔnlɛ nga amun fɔnnin min wun'n, amun su fɛ-mɛn i su afɛ'n kun, afin be nga be tu bé wun beblebe'n, n ´kan be bo amun wun lɛ. Kpɛkuun amun ´yaci amun wun tulɛ min Nyanmiɛn min oka'n su.

JÉSUS-CHRIST I DYASIN FE'N BO LUC KLELI'N 3:8

An `yo sa kpa b'ɔ kle kɛ amu'an kaci amun nzuɛn'n, kɛ waka kpa su mma kpa'n sa. Nán an bu amun anwlɛn'n nun se kɛ: ‹E nannan yɛlɛ Abraam!› Afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun.