Zeremi 7:34 - NYANMIƐN NDƐ'N 1998

³⁴ N ´yo man Zida klɔ'm be su nin Zerizalɛm akpɔ'm be su bo srolɛ nin aklunjuɛ jue tolɛ'n ɔ ´wie. Gbanflɛn nga b'a ja bla uflɛ uflɛ'n nin talua nga b'a ja bian uflɛ uflɛ'n be jue tolɛ'n ɔ ´wie. Afin mɛn'n ɔ ´wie nunnun.»

Zeremi 7:34 ပူးပေါင်းရင်းမြစ်များ

Zɔb I Nyrɛnnɛn Wunlɛ 3:7

Man kɔnguɛ kun sɔ'n i kusu ɔ yo kɛ bla klun kpanfuɛ sa, nán be kpan aklunjuɛ kpanlɛ fi cɛn sɔ'n nun!

Jue Mun 78:63

Sin kunnin be gbanflɛn mun, be talua'm b'a nyan-man yasua bɔ be ´bo flɛ be kun-ɔn .

Ezai 1:7

Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 3:26

Ɔ nunfuɛ'm be kwlaa be ´bo awuyomo, be ´yi ngwlɛ. Be ´sun kɛ bla bɔ i ninnge ng'ɔ lɛ i'n i kwlaa ɔ'a fi i sa, b'ɔ tran asiɛ ba kpa'n su sun'n sa.

Ezai 6:11

Yɛ n usali kɛ: «?Anannganman, lele cɛn onin yɛ sa sɔ'm be ´wie-ɔ?» Yɛ ɔ tɛli su kɛ: «Ɔ ´yo sɔ lele san klɔ'm be ´wie saci. Ɔ ´yo sɔ lele san klɔ mun nin sua'm be nun sran'm be ´wie, san asiɛ ng'ɔ sacili'n i su ´tɔ koun.»

Zeremi 16:9

Afin Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n i wan yoo: «Nian su, n wa yo man cɛn dilɛ kpankpanlɛ'n nin aklunjuɛ kpanlɛ'n, ɔ nin yasua annzɛ bla nga b'a ja be wun uflɛ uflɛ'n be jue tolɛ'n ɔ wa wie wa lika nga nun amun blɛ su. Amún nyin'n ´ta nun.»

Zeremi 22:6

Zida famiɛn'n i sua'n i wun ndɛ nga Anannganman kan'n yɛ: «A ti kɛ Galaad bo nglanman mun annzɛ kɛ Liban oka mun sa min nyrun, sanngɛ n ´yo man a ´kaci kɛ aawlɛ flɛnnɛn sa. Sran fi su tran-man ɔ nun kun.

Zeremi 25:10

N ´yo man bo srolɛ'n nin aklunjuɛ jue'n, nin yasua annzɛ bla nga b'a ja be wun uflɛ uflɛ'n be jue tolɛ'n, nin ble silɛ mannzin'n i tɛlɛ'n, ɔ nin kannin mun bɔ be kpaja'n i kwlakwla sɔ'n ´wie.

Zeremi 27:17

Nán amun tie, an `su Babilɔni famiɛn'n. Sɛ an su i'n, amun ´nyan nguan. ?Kɛ klɔ nga ´nunnun mlɔnmlɔn'n, i klanman liɛ'n yɛlɛ onin?›

Zeremi 33:10

Anannganman'n wan yoo: «Klɔ nga amun waan ɔ'a saci nan sran nin nnɛn fi nun-man su kun'n, Zida klɔ nin Zerizalɛm akpɔ mun bɔ amun waan b'a tɔ srolo man sran nin nnɛn fi nun-man be su kun'n, sran'm be wa bo sro lika sɔ'm be nun, be ´ti be ngan. Be wa ´to aklunjuɛ jue. Yasua annzɛ bla nga b'a ja be wun uflɛ uflɛ'n be ´to jue. Be bɔ be to jue ng'ɔ o yɛ'n, be ´ti be nɛn ekun. Be waan: ‹Man be manman Anannganman b'ɔ sie mɛn wunmuan'n, afin ɔ ti kpa yɛ i klun-ufue'n wo lɛ tititi.› Be nga be fa bo kun yolɛ i su tɛ nnɛn'n be fa ba Anannganman i sua'n nun'n, be ´ti be nɛn'n. Afin mɛn nga nun sran bɔ be trali be lomuɛn'n, n ´fa be m ´ba. N ´fa be n ´sie be osu laa'n nun.» Anannganman'n yɛ ɔ kan sɔ-ɔ.

Zeremi 4:26

Mɛn'n bɔ laa lɔ asiɛ'n yo like ye'n, siɛn'n ɔ'a kaci aawlɛ flɛnnɛn. I klɔ'm be ngba b'a wie nunnun Anannganman'n b'ɔ su ba'n ti, Anannganman i ya dan'n ti.

Zeremi 4:27

Anannganman'n kannin kɛ yoo: «Mɛn wunmuan'n ɔ ´wie saci, sanngɛ n su wie-mɛn i nunnun mlɔnmlɔn.

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Ngwlɛ Yilɛ 5:14

Kpɛnngbɛn'm b'a yaci jɔlɛ diwlɛ lɔ kɔlɛ. Gbanflɛn'm b'a yaci be jru'm be bolɛ.

Ezekiɛl 26:13

N ´jran amun jue tolɛ mun. Be su ti-man jru bolɛ kun.

Ezekiɛl 7:11

Sa ukpo-ukpo yolɛ'n ɔ'a jaso, ɔ ti kɛ klunwi'n i kpɔnman sa. Like fi su ka-man amún sa nun. Be su ti-man amun kpanlɛ kun. Amun sɔnlɛ nga amun sɔnnin'n, ɔ nin i sɔ'n ngba, amun nun kun sa su ka-man lɛ. Be su yi-man ngwlɛ gua-man amun su.

Ndɛ Nga Nyanmiɛn I Nuan Ijɔfuɛ Oze Kannin'n 2:11

I sɔ'n ti, sɛ aliɛ fitelɛ blɛ'n ju'n, n ´yo man ɔ su nyan-man aliɛ. Sɛ ɔ kan nzan kusu-ɔ, nzan'n su kpɛn-man. N ´de mín tannin nin min bɛ'm be kwlaa i sa nun kpɛkuun i wun ´ka ngblɛn.

Ndɛ Nga Nyanmiɛn I Nuan Ijɔfuɛ Oze Kannin'n 2:13

N ´yo man i aklunjuɛ'n ɔ ´wie, ɔ su di-man cɛn kun. I anglo le kun o, i wunmiɛn-delɛ-cɛn o, ɔ nin cɛn uflɛ mun'n ɔ su di-man be kun.

Saun Yolɛ 26:33

N ´fa alɛ n yi amún su, yɛ n ´yo man amun bo sanndi mɛn uflɛ'm be nun. N ´nunnun amun klɔ mun, m ´bo amun mɛn'n.

Mise 7:13

Mɛn'n ɔ ´bo, sran nga be tran nun'n be aeliɛ tɛtɛ'n ti mɛn'n ɔ ´bo.

Sa nglô yile 18:23

be su wun-man kɛ kannin kpaja lɔ kun. Be su ti-man bian nin bla bɔ be su ja bé wun'n be nɛn lɔ kun. Afin i su aata difuɛ'm be yɛ be ti asiɛ'n su aata difuɛ dandan mun-ɔn. Yɛ ɔ fɛli i bae lakalakali nvle-nvlefuɛ'm be kwlaa,