Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremi 7:31 - NYANMIƐN NDƐ'N 1998

31 Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

အခန်းကိုကြည့်ပါ။ ကော်ပီ




Zeremi 7:31
23 ပူးပေါင်းရင်းမြစ်များ  

Be fali be mma'm be yili tɛ, be yrali be. Be yili wunnzue wafa-wafa'n kwlaa. Be fali bé wun mannin ninnge nga be yo-man Anannganman fɛ'n be yolɛ. Ɔ man be kunnin i ya.


Zozias sacili Tɔfɛt b'ɔ o Inɔm i wa'n i lika b'ɔ o kongo'n nun lɔ'n, kɛ ɔ ´yo nan sran fi ɔ'a fa-man i wa bla annzɛ yasua ɔ'a yrɛ-mɛn i ɔ'a yi-man sraka ɔ'a man-man Mɔlɔk'n ti .


Be nga be yi sraka sraka yiwlɛ lika sɔ'm bé nun'n, Zozias kpɛli be kwlaa be kɔmin sraka yiwlɛ'm bé su. I sin ɔ wɔli sran uflɛ wie'm be owie'm be nun sraka yiwlɛ sɔ'm be su. Kpɛkuun ɔ sɛli i sin ɔli Zerizalɛm.


Ɔ yrali ansans fa yili sraka Inɔm i mma'm be kongo'n nun lɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i mma mun yili tɛ. Be yrali be.


Ɔ fɛli i mma mun yili tɛ Inɔm i wa'n i kongo'n nun lɔ. Be yrali be mlɔnmlɔnmlɔn. Ɔ yili wunnzue fanunfanun mun. Ɔ sieli sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n, ɔ fa be fɔkɔli i anwlɛn.


Be trɔli sin kun ɔ'a cɛ. Famiɛn'n i bɔbɔ liɛ o nun. Sin sɔ'n i trɔwlɛ'n ti klukluklu, ɔ ti tɛtrɛ, yɛ ɔ ti kploun, be ´fa yie kpanngban kpa yɛ be ´trɔ-ɔ. Anannganman i bue nun kpukpuwa'n yɛ ɔ ´sɔ i nuan-an. Ɔ wa yo kɛ sufru kpanngban yɛ ɔ su jue sa.


Amun kunndɛ amún wun terebɛnt waka'm bé bo nin waka nga nnya o bé su'n be kwlaa bé bo. Amun kpɛ ba kanngan'm be kɔmin nzue ba'm bé nuan nin yɛbuɛ buɛ'm be nun.


Nan `fin klɔ nun fite. A ´kɔ'n, sin Sɛ Bue Anuan'n nun. Kɔ Inɔm kongo'n i wun lɔ. A ju lɔ'n, n ´fa ndɛ n ´wla ɔ́ nuan yɛ a ´kan-an.


«?Ɔ yo sɛ yɛ man a kwla se kɛ: ‹M'an yo-man fiɛn, m'an ko sɔ-man Baal nin-ɔn?› Sanngɛ wuun ɔ osu'n yɛ ɔ o kongo nun lɔ kɛ nyɔnngɔnmɛn talua wie b'ɔ sin kɔ wa sin kɔ wa'n sa.


Be ko fali be tete ninnge mun be sieli i sua nga min dunman'n wo su'n nun be fa sacili i.


Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.


«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?


N yacili be lɛ, be yoli bé wun fiɛn, tɛ nga be fa be talua ba'm be kwlaa be yili be nun. N waan n ´fa be n wla awlaboɛ'n nun, kɛ ɔ ´yo nan b'a si jrɛiin kɛ min yɛ n ti Anannganman'n ti .»


Kɛ e ´se yɛ'n, amun tɛ yo amún wun fiɛn yɛlɛ kɛ amun tɛ sɔ amuɛn, yɛ amun kun amun mma mun be fa sɔ amuɛn mun. ?Izraɛlfuɛ mun, amun lafi su kɛ n ´yaci min wun lɛ kɛ amun usa min sa? Cɛcɛ, n ti Nyanmiɛn bɔ min nyin o su'n, n su yaci-man min wun lɛ kɛ amun usa min sa.› » Anannganman Nyanmiɛn yɛ ɔ kan sɔ-ɔ.


Nán man amun fa amun mma mun be ko yi tɛ be man amuɛn nga be flɛ i Mɔlɔk'n, afin sɛ ɔ yo sɔ-ɔ, ɔ ti min dunman'n i sacilɛ. Min yɛ n ti Anannganman amun Nyanmiɛn nin-ɔn.


?Bua nene kaka yɛ Anannganman kunndɛ-ɔ? ?Ngo kaka yɛ Anannganman kunndɛ-ɔ? ?Nyin kekle bɔ e yoli i su, ɔ nin sa tɛ bɔ e yoli'n ti e `fa e klun ba klikli nga e wuli be'n e `mɛn i nan ɔ'a guɛ i ya'n i ase?»


Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.


Atrɛkpa-a, ɔ ko sɔ amuɛn wie mun, ɔ ´koto bé bo, annzɛ ɔ ´koto wia, annzɛ anglo, annzɛ nzraama'm bé bo. Nán nga Anannganman kan kleli amun kɛ amun yo'n yɛ ɔ o lɛ-ɔ.


Nán amun nun wie fɛ i wa yasua annzɛ i wa bla ɔ yi i sin nun kɛ ɔ fa sɔ amuɛn. Nán amun nun wie di bae annzɛ ɔ yi wunnzue.


Ɔ fu Inɔm kongo'n i kpɔlɛ'n Zɛbisfuɛ'm be kpɔlɛ'n i ngua lɔ ndroliɛ'n nun kan Zerizalɛm klɔ'n wo lɛ'n, ɔ sin oka ng'ɔ o Inɔm kongo'n i wia atɔliɛ'n i ti su, kpɛkuun ɔ sin Rɛfafuɛ'm be kongo'n i nglo lɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ