Zeremi 7:30 - NYANMIƐN NDƐ'N 1998

³⁰ Anannganman'n waan: «Sa nga Zidafuɛ'm be yoli'n, ɔ'a yo-man min fɛ mlɔnmlɔn. Be fali be tete ninnge'm be sieli i sua bɔ min dunman'n wo su'n nun, be fali fiɛn kɛnnin i.

Zeremi 7:30 ပူးပေါင်းရင်းမြစ်များ

2 Famiɛn Mun 21:3

Sraka yiwlɛ lika bɔ be o kpɔlɛ'm be su nga i si Ezekias bubuli be'n, ɔ wa kplannin be uflɛ. Ɔ kplannin sraka yiwlɛ mun mannin Baal, ɔ takali waka nga be sɔ'n kɛ nga Izraɛl famiɛn bɔ be flɛ i Akab'n yoli'n sa. Ɔ kotoli nglo lɔ ninnge'm bé bo, ɔ suli be.

2 Famiɛn Mun 21:4

Anannganman dun mmua kɛnnin i laa kɛ: «Zerizalɛm wa yɛ n ´yi mín wun nglo-ɔ.» Sanngɛ Manase kplannin amuɛn sɔwlɛ mun Anannganman i sua'n nun.

2 Famiɛn Mun 21:7

Ɔ takali waka nga be sɔ'n Anannganman i sua'n nun. Sanngɛ wuun Anannganman dun mmua seli David nin i wa Salomɔn be laa kɛ: «Sua nga yɛ n niannin n fali-ɔ, Zerizalɛm klɔ'n yɛ n fɛli i Izraɛl nvle'n kwlaa nun kɛ n ´yi mín wun nglo lɛ tititi-ɔ.

2 Famiɛn Mun 23:12

Ɔ bubuli amuɛn sɔwlɛ nga be o Akaz i nglo sua'n i ti su gbagblagba'n su'n. Zida famiɛn mun yɛ be yoli amuɛn sɔwlɛ sɔ mun-ɔn. Ɔ bubuli amuɛn sɔwlɛ nga Manase kplannin be Anannganman i sua'n i awlo klun nnyɔn'm be nun'n. Ɔ fufuli be nun kan be kplan lɛ'n, kpɛkuun ɔ isali ninnge nga be fufuli be nun'n, ɔ ko guali be Sedrɔn kongo'n nun lɔ.

2 Be Nyoliɛ 33:15

Amuɛn mun nin amuɛn kun wie b'ɔ fali be sieli Anannganman i sua'n nun lɔ'n, ɔ yili be lɔ. Amuɛn sɔwlɛ ng'ɔ kplannin be oka nga Anannganman i sua'n wo su'n i su'n, ɔ nin ng'ɔ kplannin be Zerizalɛm klɔ'n nun'n, ɔ bubuli be kwlaa'n. Ɔ ko guali be buebue'n blo klɔ'n sin lɔ.

2 Be Nyoliɛ 33:3

Sraka yiwlɛ lika nga be o kpɔlɛ'm be su'n bɔ i si Ezekias nunnunnin be'n, ɔ wa yoli be uflɛ. Ɔ kplannin Baal i sɔwlɛ mun, ɔ nin waka bɔ be sɔ be'n mun. Ɔ kotoli nglo lɔ ninnge'm bé bo, ɔ suli be.

2 Be Nyoliɛ 33:7

Ɔ yoli amuɛn kun fa sieli Nyanmiɛn i sua'n nun. Sanngɛ Anannganman dun mmua seli David nin i wa Salomɔn be laa kɛ: «Sua nga yɛ n niannin n fali-ɔ. Zerizalɛm klɔ'n yɛ n fɛli i Izraɛl nvle'n kwlaa nun kɛ n ´yi mín wun nglo lɛ tititi-ɔ.

Ezai 66:4

n kusu'n, be like tɛtɛ nga be yo'n i su sa yɛ n ´fa yo be-ɔ. Sa kekle'm bɔ be sro be'n, n ´fɛ i kwlakwla n ´yi bé su. Afin kɛ n flɛli be'n, be nun kun sa ɔ'a tɛ-man min su, n kannin ndɛ n kleli be, sanngɛ b'a tie-man. Sa ng'ɔ ti min nyrun sa tɛ'n, yɛ be yoli-ɔ. Like nga n klo-mɛn i'n, yɛ be yoli-ɔ.»

Zeremi 16:18

N ´dun mmua m ´man bé sa tɛ'n i akatua sɔ fa nnyɔn min mɛn bɔ be yoli i fiɛn'n ti, ɔ nin be tete like bɔ be lɛ-man nguan bɔ be fa bali min lika'n nun'n ti.»

Zeremi 23:11

Anannganman'n wan yoo: ‹Min nuan ijɔfuɛ mun nin min nyrun jranfuɛ'm be kwlaa b'a saci. Be yo sa tɛ'n lele be fa wlu mín sua'n nun.

Zeremi 32:34

Be ko fali be tete ninnge mun be sieli i sua nga min dunman'n wo su'n nun be fa sacili i.

Zeremi 32:35

Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.

Ezekiɛl 7:20

Be fali be ninnge kpakpa mun fa dili tutre. Be yoli amuɛn bɔ be ti tete like'n, bɔ be ti sroesroe kpa'n. I sɔ'n ti n wa yo man bé nyin ´tu i sɔ ninnge'm be su.

Ezekiɛl 8:3

Ɔ fɛ i sa sɔli mín ti ndrɛ'n. Kpɛkuun aolia nun like nga Nyanmiɛn yili i nglo kleli min sɔ'n i nun'n, n wunnin i kɛ i Wawɛ'n ɔ'a man mín su. Yɛ ɔ fali min ɔli Zerizalɛm. N ´wun mín wun-ɔn, n wo sua'n i klun lɔ anuan ng'ɔ o klɔ'n i nglo lɔ lika liɛ'n nun'n i nyrun lɛ lika nga be takali waka sran lɛ'n. Waka sran bɔ be sieli i lɛ sɔ'n ɔ ti kɛ nzowa yɛ be kpɛli Nyanmiɛn sa .

Daniɛl 11:31

Ɔ ´sunman sonja wie mun, be wa fa Nyanmiɛn i sua'n be ´yo i fiɛn. Tɛ nga be yi fa man Nyanmiɛn cɛn kwlakwla'n, be ´tannin i atin. Be ´fa like sacifuɛ'n i tete like'n be ´sie i Nyanmiɛn sɔwlɛ'n su .

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»