Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremi 7:29 - NYANMIƐN NDƐ'N 1998

29 «Zidafuɛ mun, an `kpɛkpɛ amún ti muɛn b'ɔ kle kɛ min liɛ yɛlɛ amun'n, nan an `guɛ i blo. An ´to sɛ jue kpɔlɛ nga be su ti treketreke'n be su. Afin m'an yi amun blo. Yɛlɛ kɛ amun ti akpasua kun bɔ amu'an fɔkɔ mín anwlɛn.»

အခန်းကိုကြည့်ပါ။ ကော်ပီ




Zeremi 7:29
27 ပူးပေါင်းရင်းမြစ်များ  

Anannganman yili Izraɛlfuɛ'm be kwlaa be ase. Ɔ guali bé nyin ase. Ɔ fali be wlali nvle wie'm bé sa nun kɛ be fɛn bé bo ninnge mun. I sin ɔ fuannin be.


Yɛ Zɔb jasoli-ɔ. Ɔ titili i wun tralɛ'm be nun. I sin, ɔ kpuli i ti'n su, yɛ ɔ bubu guali asiɛ wun gblo! Ɔ kotoli,


I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.


«M'an yi min awlo'n m'an man gua. M'an yi min aja'n i ase. M'an yi like nga n klo i lele tratra su'n m'an wla min kpɔfuɛ'm be sa nun.


«?Nan Zida i blo yɛ a yi i mlɔnmlɔn-ɔn? ?Ɔ konvi li yɛ ɔ'a tu Siɔn su-ɔ? ?Ɔ yo sɛ ti yɛ a bo ye nin kannin ng'ɔ tu be-ɔ be nyɛn-mɛn i wun ayre nin-ɔn? Y'a minndɛ fɔundi'n lele ngbɛn. E minndɛ juejue yolɛ'n, sanngɛ sa ng'ɔ ba'n ɔ yo sro.


«I kpɛnngbɛn o, i bakan o, be wa wu mɛn nga nun. Be su sie-man be, be su bobo-man bé wun kannin yɛ be su yi-man bé ti be dunman nun.


Man ɔ́ nyin'n su, nian oka mun nian. ?Ninfan cɛ yɛ w'a fa-man ɔ́ wun a man-man-an? A trannin atin'n nuan yɛ a minndɛli ɔ sran mun kɛ kakajefuɛ mun sa. A fa ɔ tekle bolɛ'n nin wɔ aeliɛ tɛtɛ'n saci mɛn'n.


Nganniɛn kun tɛ oka'm be su, Izraɛlfuɛ mun yɛ be sun be kpata min-ɔn. Sunlɛ bɔ be sun'n yɛlɛ kɛ be tuli ajalɛ tɛ. Be wla fili min Anannganman b'ɔ n ti be Nyanmiɛn'n.


Gaza lɔ sran'm b'a kpu bé ti'n su, afin sɛ o be su. Askalɔn nin lika nga be mɛntɛn i lɛ'm be nun ɔ'a tɔ srolo! N se kɛ yoo: ‹Nan sɛ'n b'ɔ o amun su'n ti amun ´bobo amun wun kannin sa tititi?


B'a kpu bé ti'm be su tɔɔn! B'a yi be akanza mun wauun! B'a bobo bé sa'm bé wun kannin sa nán sa yolɛ-ɔ. Bajɛ tralɛ'n wo be wun sɛsɛsɛ.


Be flɛ be kɛ sika b'ɔ lɛ-man nyrun. Be lɛ-man nyrun Anannganman i sa nun.


Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»


Anannganman b'ɔ sie mɛn wunmuan'n yɛ ɔ kan sɔ-ɔ. «An `bu bla nga sunlɛ yɛ ɔ ti be junman'n be ko flɛlɛ akunndan. An `ko flɛ be nga be si sun kpa'n man be bla.


?Nan e blo mlɔnmlɔn yɛ a yili-ɔ? ?A ´fa e wun ya lele kpe nun?


Anannganman seli min kɛ n `yi ngwlɛ Izraɛl wlengbi be ti


«Klɔ sran, yi ngwlɛ Tir famiɛn'n i su, se i kɛ ndɛ nga min Anannganman Nyanmiɛn n kan'n yɛ: ‹Ɔ ngwlɛlɛ dan nin ɔ klanman b'ɔ lɛ-man wunsu'n ti'n, a yoli sran kun bɔ be fa ɔ nzuɛn nin-ɔn ɔ ti kpa.


Izraɛlfuɛ mun, an `sie amún su be `tie amún wun sɛ jue nga n ´to i yɛ'n.


Amun mma bɔ amun klo be'n ti, an `yi amún ti mun. Amun `kpu amun ti'm be su, amun `kpu be su treketreke kɛ apɛtɛkuasi liɛ'n sa, afin be su wa tra amun mma mun ´kɔ mɛn wie nun.


Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.


Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.


Nanwlɛ, i kwlaa sɔ'n ɔ ti ajulisufuɛ nga'm be ndɛ .»


Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?


Piɛr kannin ndɛ fanunfanun kleli be, ɔ yiyili nun weinwein, ɔ tuli be fɔ dan kpa kɛ be `yi bé wun ajulisufuɛ tɛtɛ nga'm be nun.


Sɛ b'a saci'n, ɔ fin-mɛn i, ɔ fin be lika. Be ti nvle kun bɔ be ti tɛ lele tra su, gblɛ'n ɔ'a yi be piɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ