Zeremi 7:26 - NYANMIƐN NDƐ'N 1998

²⁶ Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Zeremi 7:26 ပူးပေါင်းရင်းမြစ်များ

1 Famiɛn Mun 14:22

Zidafuɛ'm be yoli sa bɔ Anannganman klo-man be'n. Be sa tɛ yolɛ nun'n, be kunnin i ya trali be nannan mun.

1 Famiɛn Mun 14:9

Yɛ a nantili tɛ trali be kwlaa nga be dunnin mmua ɔ nyrun mun. A yili ninnge mun, yɛ a kloli aaba fa yoli amuɛn ba mun kɛ a ´fa klɔklɔ min, kpɛkuun a kacili ɔ sin sili min.

2 Famiɛn Mun 17:14

Sanngɛ b'a tie-man ndɛ nga be kan kleli be'n. Be yoli nyin kekle kɛ bé nannan'm bɔ b'a lafi-man Anannganman be Nyanmiɛn'n i su'n be sa.

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

2 Be Nyoliɛ 33:10

Anannganman kannin ndɛ kleli Manase nin i sran mun, sanngɛ b'a fa-man su.

2 Be Nyoliɛ 33:23

Ɔ'a bu-mɛn i wun fɔ Nyanmiɛn nyrun kɛ i si Manase liɛ'n sa. I sa tɛ ng'ɔ yoli ɔ tratrali i si liɛ'n su.

Neemi 9:29

A jrannin bé wun kɛ be sa be sin be fa ɔ mmla'n su sanngɛ wuntulɛ'n ti b'a tie-man ɔ́ nuan ndɛ'n. Ɔ nuan ndɛ b'ɔ man sran ng'ɔ fa su'n i nguan'n, be yili i blo. B'a kan-man be wun ase, be keteli be anwlɛn'n, bé nyin ɔ'a yi-man wɔ.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Ezai 5:4

?Like onin cɛ yɛ ɔ fata kɛ n yo i min vinyi fie sɔ'n su bɔ m'an yo-man-an? ?Yɛ ɔ yo sɛ ti yɛ n lafili su tankaan kɛ ɔ wa su mma kpa bɔ mma tɛ yɛ ɔ suli nin-ɔn?

Zeremi 11:8

sanngɛ b'a sie-man bé su nan se kɛ tielɛ yɛ be ´tie-ɔ. Bé klun klo like liɛ nga be waan be ´yo'n yɛ be yoli-ɔ. Kɛ n kɛn i lele bɔ b'a fa-man su'n, yɛ min kusu n niannin aenguɛ sɔ'n nun sa ng'ɔ ti bɔ n `fa yo be'n yɛ n fa yoli be-ɔ.› »

Zeremi 16:12

Amun kusu sa tɛ nga amun yoli'n, ɔ trali amún si'm be liɛ'n. Amun waan amun klun klo akunndan liɛ'n cɛ yɛ amun ´fa su-ɔ. Ɔ lɛ-man amun nun kun. Ndɛ nga n kan'n, amun tie-man.

Zeremi 17:23

N kan kleli be-ɔ, b'a sie-man be su b'a tie-man, b'a kpɛ-man bé nyin wa nan se kɛ tilɛ yɛ be ´ti-ɔ.›

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 22:21

Blɛ nga sa fi nian ju-man'n yɛ n kan kleli wɔ-ɔ. A waan: ‹N tie-man.› Kɛ ɔ fin ɔ kaan nun lele'n, kɛ a yoli sɔ-ɔ. N kan ndɛ n kle wɔ-ɔ, a ti-man.

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Zeremi 25:7

Sanngɛ nga n kan kleli amun'n, amu'an ti-man. An fali amún sa nuan ninnge mun amun kunnin min ya, ɔ man kusu sa nyannin amun.›

Zeremi 26:5

Amun `sie amún su min sufuɛ bɔ yɛlɛ min nuan ijɔfuɛ bɔ n sunmannin be amun sin'n be ndɛ bɔ be kan'n i bo. N sɔtɔli be sunmanlɛ nan andɛ sa-a, sanngɛ amun waan nán amun yɛ amun ko tie-ɔ.

Zeremi 29:19

Sa ti bɔ n ´yo be sɔ'n yɛlɛ min ndɛ bɔ n kan kleli be bɔ b'a tie-man'n.» Anannganman'n yɛ ɔ kan sɔ-ɔ. Ɔ kɛn i ekun kɛ: «N sunmannin min sufuɛ bɔ yɛlɛ min nuan ijɔfuɛ mun be sin, n sɔtɔli be sunmanlɛ-ɔ nán andɛ-ɔ. Sanngɛ be waan nán be yɛ be ko ti-ɔ.

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 34:14

kɛ sɛ sran kun i niaan Ebre kun ko fɛ i wun mɛn i kɛ ɔ ´yo i afanniɛn'n, kɛ ɔ su i afuɛ nsiɛn'n, i afuɛ nso su'n man ɔ yaci i nun nan ɔ wɔ. E nin be e kɛnnin i sɔ sanngɛ b'a di-man su. B'a nian-man ndɛ nga n kannin'n su b'a yo-man.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 44:16

«Ndɛ nga ɔ waan Anannganman'n ɔ'a fa wla ɔ́ nuan kɛ a `kan kle ye yɛ'n, e su fa-man su.

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Zeremi 6:17

N sieli sasafuɛ mun klɔ'n su kɛ be `se be kɛ: «An `sie amún su, awɛ'n tɛ.» Sanngɛ be waan: «E sie-man é su.»

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Zeremi 9:13

Baal bɔ bé si'm be kleli be'n, be waan i su cɛ yɛ be ´su-ɔ.»

Ezekiɛl 12:2

«Klɔ sran, a o sran bɔ bé nyin su ti kekle'n be afiɛn. Be lɛ nyinma, ɔ fata kɛ be wun ase, sanngɛ be wun-man ase, be lɛ su kɛ be ´fa ti sa, sanngɛ be su sɔ'n wo lɛ ngbɛn ɔ ti-man sa. Afin be ti sran bɔ bé nyin ti kekle .

Ezekiɛl 12:3

Klɔ sran, fa ninnge bɔ sran nga be ´fɛ i kɔ kanga-a ɔ fa'n, nan wia klengle kpa'n nun bé nyin bo lɛ, kɔ lika uflɛ. Jaso lika nga a o nun'n nun lɛ kɔ lika uflɛ, kɔ be nyrun lɛ. Sɛ wienun-ɔn be ´wun i sɔ'n wlɛ nan be ´si kɛ be ti sran bɔ be nyin ti kekle o.

Ezekiɛl 20:30

I sɔ'n ti, kan kle Izraɛlfuɛ'm be kɛ: ‹Anannganman Nyanmiɛn'n wan yoo: ?Nán fiɛn kunngba nga amún si'm be yoli'n nin tete amuɛn kpanngban bɔ be sɔli'n yɛ amun ´nian su be yo wie lɛ-ɔ?

Daniɛl 9:6

Ɔ sufuɛ nga be ti ɔ́ nuan ijɔfuɛ bɔ be kannin ɔ́ nuan su ndɛ kleli e famiɛn mun nin e famiɛn i awlo lɔ sran dandan mun, nin e nannan mun, ɔ nin nvle'n nunfuɛ'm be kwlaa'n, y'a sie-man é su bé nuan bo.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Zakari 7:11

Sanngɛ b'a sie-man be su, be yoli nyin kekle.

Malasi 3:7

ajalɛ kunngba nga amún si nin amun nannan'm be tuli'n, yɛ amun wo su lɛ-ɔ. Ndɛ nga n kan kleli amun'n, ɔ guali amún su sin, amu'an fa-man su. Amun `fa amún wun be `mantan min nan n kusu n `fa mín wun m `mantan amun. Min Anannganman b'ɔ n sie mɛn wunmuan'n yɛ n kɛn i sɔ n kle amun-ɔn. Sanngɛ amun ko usa kɛ yoo: ‹?E sin salɛ sɛ yɛ ɔ waan e `sa-a?›

Matthieu 21:38

Sanngɛ kɛ vinyi fie sunianfuɛ'm be wunnin i wa'n, be seli be wiengu kɛ: ‹I aja difuɛ'n yɛ, an bla man e kun i nan e fɛ i ninnge mun.›

Matthieu 23:32

Sɛ ɔ ti sɔ'n, like nga amún si'm be boli i bo'n, an `guɛguɛ i bo.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Mmla'n 8:20

Sɛ amu'an ti-man Anannganman amun Nyanmiɛn'n i nuan ndɛ'n, amun ´wu kɛ nvle nga kɛ amun ´ba'n Anannganman yoli man be wuli'n sa.