Zeremi 7:25 - NYANMIƐN NDƐ'N 1998

²⁵ Kɛ ɔ fin cɛn bɔ amun nannan'm be tuli Ezipt lɔ lele b'ɔ ´fa ju ndɛ'n, m'an yaci-man min sufuɛ'm be sunmanlɛ amun wun. M boli mín nuan ijɔfuɛ'm be sunmanlɛ bo nán ndɛ-ɔ.

Zeremi 7:25 ပူးပေါင်းရင်းမြစ်များ

2 Be Nyoliɛ 24:19

Anannganman sunmɛnnin i nuan ijɔfuɛ mun kɛ be ko yo nan be sa bé sin blɛ i sin. Nyanmiɛn nuan ijɔfuɛ'm be kannin sa tɛ nga be yo'n i su ndɛ kleli be, sanngɛ sran fi ɔ'a fa-man be ndɛ sɔ'n.

2 Be Nyoliɛ 36:15

Anannganman b'ɔ ti be nannan'm be Nyanmiɛn'n, b'ɔ klo i nvle nunfuɛ mun nin i sua'n, ɔ sunmɛnnin i sran mun kpalɛ sunman kɛ be ko kɛn i nuan su ndɛ'n be kle be.

Ɛsdras 9:7

Kɛ ɔ fɛ e nannan'm be blɛ su lele b'ɔ ´fa ju ndɛ'n, sa tɛ nga y'a yo i ɔ́ wun'n ti dan. I ti yɛ man mɛn'n nun famiɛn'm be trali ye, nin e famiɛn, nin e Nyanmiɛn nyrun jranfuɛ mun e lomuɛn nin-ɔn. Yɛ i ti man alɛ ɔ'a di ye, y'a kaci kanga, e o be nga be fɛn sran'm be bo ninnge'm bé sa nun, nyannzuɛn'n ɔ'a kun ye kpo. I wie yɛ e tɛ o nun ndɛ yɛ.

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Ezai 5:4

?Like onin cɛ yɛ ɔ fata kɛ n yo i min vinyi fie sɔ'n su bɔ m'an yo-man-an? ?Yɛ ɔ yo sɛ ti yɛ n lafili su tankaan kɛ ɔ wa su mma kpa bɔ mma tɛ yɛ ɔ suli nin-ɔn?

Zeremi 11:7

Kɛ ɔ fin cɛn bɔ n fali amun nannan mun Ezipt mɛn'n nun m bali'n yɛ m boli ndɛ nga mun be kan klelɛ'n bo-ɔ. Lele ndɛ n tɛ kan n tɛ kle be. N se be kɛ: An `tie min aniɛn'n,

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Zeremi 25:4

Anannganman'n ɔ sunmannin i sufuɛ mun sanngɛ nán ndɛ-ɔ. Ɔ sunmannin i nuan ijɔfuɛ mun, nán ndɛ-ɔ. Amun waan nán amun yɛ an ko ti-ɔ. Amun waan amun sie-man amún su be tie-man.

Zeremi 29:19

Sa ti bɔ n ´yo be sɔ'n yɛlɛ min ndɛ bɔ n kan kleli be bɔ b'a tie-man'n.» Anannganman'n yɛ ɔ kan sɔ-ɔ. Ɔ kɛn i ekun kɛ: «N sunmannin min sufuɛ bɔ yɛlɛ min nuan ijɔfuɛ mun be sin, n sɔtɔli be sunmanlɛ-ɔ nán andɛ-ɔ. Sanngɛ be waan nán be yɛ be ko ti-ɔ.

Zeremi 35:14

«An `nian, ndɛ nga Zɔnadab b'ɔ ti Rekabfuɛ'n kan kleli i mma'm be kɛ nán be nɔn nzan'n, lele ndɛ be nɔn-man. Nga be nannan'n kan kleli be'n, be fali su. Sanngɛ min liɛ'n, m'an kan ndɛ m'an kle amun lele ngbɛn, nɛ́n i su yɛ an ko fa-a.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Ezekiɛl 2:3

Ɔ seli min kɛ: «Klɔ sran, n su sunman wɔ Izraɛlfuɛ'm be sin. Akpasua tɛ sɔ'm bɔ bé nyin kekle'n ti-man kaan'n, b'a jaso mín wun ekun. Like kunngba nga be nannan'm be fa yoli min'n yɛ be kusu be fa yo min-ɔn. B'a yaci-man min gblɛ kpɛlɛ le, lele yɛ ɔ'a fa ju ndɛ yɛ.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 12:10

M bɔbɔ min Anannganman bɔ kɛ amun tɛ o Ezipt lɔ'n yɛ n yoli amun Nyanmiɛn'n, n wa yo man amun ´tran tannin sua bo ekun kɛ e nin amun e wun wunlɛ klikli nun'n sa .

Amɔs 2:11

N kpali amun mma yasua'm be wie mun n fa yoli min nuan ijɔfuɛ. N kpali amun nvle'n nun gbanflɛn'm be wie mun. N fali be n yoli m bɔbɔ min Nyanmiɛn min liɛ klonglo. ?Izraɛlfuɛ mun, ɔ'a yo-man sɔ?» Anannganman'n yɛ ɔ usa amun sɔ-ɔ !

Malasi 3:7

ajalɛ kunngba nga amún si nin amun nannan'm be tuli'n, yɛ amun wo su lɛ-ɔ. Ndɛ nga n kan kleli amun'n, ɔ guali amún su sin, amu'an fa-man su. Amun `fa amún wun be `mantan min nan n kusu n `fa mín wun m `mantan amun. Min Anannganman b'ɔ n sie mɛn wunmuan'n yɛ n kɛn i sɔ n kle amun-ɔn. Sanngɛ amun ko usa kɛ yoo: ‹?E sin salɛ sɛ yɛ ɔ waan e `sa-a?›

JÉSUS-CHRIST I DYASIN FE'N BO LUC KLELI'N 11:49

I sɔ'n ti'n, Nyanmiɛn b'ɔ si sa'n kwlaa'n, ɔ se kɛ: «M ma sunman min nuan ijɔfuɛ wie mun nin sran wie bɔ n yi be kɛ n ´sunman be'n bé wun lɔ, be ´kle wie'm be yalɛ, be ´kun wie.

Mmla'n 9:7

Nán amún wla fi wafa nga amun fa klɔklɔli Anannganman amun Nyanmiɛn'n aawlɛ flɛnnɛn'n nun lɔ b'ɔ ko fa ya'n su. Man ɔ ka amun klun. Kɛ ɔ fin cɛn bɔ amun fin Ezipt mɛn'n nun lɔ bali'n, bɔ amun ´fa ju lika nga nun wa'n, amu'an yaci-man nyin kekle yolɛ Anannganman su le.