Zeremi 7:17 - NYANMIƐN NDƐ'N 1998

¹⁷ ?Like nga be yo i Zida klɔ'm be su'n nin Zerizalɛm akpɔ'm be su'n, ɔ bɔbɔ ɔ́ nyin ta-man nun?

Zeremi 7:17 ပူးပေါင်းရင်းမြစ်များ

Zeremi 1:16

Sa tɛ kwlaa nga be yoli'n ti'n bé fɔ nga n kannin kɛ m ´bu be'n, m ´bu, yɛlɛ kɛ be kacili be sin sili min: be yrali ansans mannin amuɛn mun, be bɔbɔ be yoli amuɛn mun, kpɛkuun be bli bé nyin be kotoli be bo.

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Zeremi 32:32

Izraɛlfuɛ mun nin Zidafuɛ'm b'a yo sa tɛ'n b'a fɔkɔ min anwlɛn'n wie pɛ, be famiɛn mun o, be famiɛn'n i awlo lɔ sran dandan mun o, min nyrun jranfuɛ bɔ be o be lɔ mun o, min nuan ijɔfuɛ bɔ be o be lɔ mun o, be nin Zida nin Zerizalɛmfuɛ'm be kwlakwla.

Zeremi 44:17

E liɛ nga e waan e ´yo'n yɛ e ´yo-ɔ. E ´yra ansans'n e ´man nyanmiɛn su lɔ famiɛn bla'n. E ´gua nzan e ´mɛn i kɛ e nin é si mun e fa yo i titi'n sa, e yo i kɛ e famiɛn mun nin e famiɛn i awlo lɔ sran dandan mun be fa yo i Zida klɔ'm be su nin Zerizalɛm mmuɛ'm be nun'n sa. Laa bɔ e yo i sɔ'n, e mian-man aliɛ wun, ninnge'n sin yia ye, e nun-man nyrɛnnɛn nun kɛ nga sa.

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 6:27

«Zeremi, m'an fa wɔ m'an sie min nvle'n nun kɛ sika tɔnfuɛ sa. Sie be wafa'n i nzɔliɛ, yi be nun fiɛn'n kɛ be fa yi sika nun fiɛn'n sa.»

Zeremi 7:16

«Zeremi, nán srɛ nvle nga nunfuɛ'm be ti kun. Nán sun flɛ min, nán kpata min be dunman nun. Nán bo wɛ, afin n su di-man su.

Zeremi 7:18

Nian! Ba kanngan'm be ko isa yie yɛ bé si'm be fa trɔ sin-ɔn. Be nin'm be kusu be fɔtɔ sanmlɛn yɛ be fa tɔn gato be man amuɛn nga be flɛ i Astarte, bɔ i suan dunman yɛlɛ Nyanmiɛn Su Famiɛn Bla nin-ɔn.»

Ezekiɛl 14:23

Amun awlaboɛ'n su yo-man dan kun, afin kɛ amun ´wun be nzuɛn'n nin bé sa nga be yo be'n, amun ´wun i wlɛ kpa kɛ kannzu nán ngbɛn ti yɛ n kleli klɔ sɔ'n i nyrɛnnɛn'n nin-ɔn.» Anannganman Nyanmiɛn'n yɛ ɔ kan sɔ-ɔ.