Zeremi 7:15 - NYANMIƐN NDƐ'N 1998

¹⁵ N ´yi amun ase kɛ n fa yili amun niaan Efraimfuɛ'm be ase'n sa.»

Zeremi 7:15 ပူးပေါင်းရင်းမြစ်များ

2 Famiɛn Mun 17:23

I sɔ'n ti, Anannganman niannin ndɛ ng'ɔ fa wlɛli i sufuɛ bɔ be kɛn i nuan su ndɛ'n, ɔ fuannin Izraɛlfuɛ mun. Be fali be ɔli Asiri. Mɛn sɔ'n wo be liɛ'n i wun mmua kpa. Be tɛ o lɔ lele ndɛ.

2 Famiɛn Mun 24:20

Sa ti bɔ sa kekle'm be tɔli Zerizalɛmfuɛ mun nin Zidafuɛ'm be su'n yɛlɛ kɛ Anannganman fali ya dan kpa. Ɔ man ɔ fuannin be, ɔ klo-man kɛ ɔ wun be kun. Sedesias jasoli Babilɔni famiɛn'n wun.

2 Be Nyoliɛ 15:9

Izraɛlfuɛ kpanngban be bali famiɛn Aza sin, be wa trɛnnin i mɛn'n nun lɛ wie, afin be wunnin kɛ Anannganman i Nyanmiɛn'n jin i sin. Be fin Efraim, nin Manase, ɔ nin Simeɔn akpasua'm be su yɛ be bali-ɔ. Famiɛn'n flɛli be nin Zidafuɛ mun, ɔ nin Bɛnzamɛnfuɛ'm be kwlaa.

Jue Mun 51:11

Yi ɔ nyin mín sa tɛ'n su, nunnun sa nga n yoli'n kwlaa.

Ezai 7:16

I sin ka nan ɔ'a si like ng'ɔ ti-man kpa'n nin ng'ɔ ti kpa'n be ngbaciɛ'n, sran'm be ´jaso famiɛn nnyɔn nga be kle wɔ yalɛ'n be mɛn'n nun.

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 23:33

Nan yoo: ‹Sɛ min nvlefuɛ mun annzɛ Nyanmiɛn nuan ijɔfuɛ sɔ mun annzɛ Nyanmiɛn nyrun jranfuɛ sɔ'm be nun kun usa wɔ kɛ: ?Nguɛ sa yɛ Anannganman'n ɔ'a siesie kɛ ɔ ´fa yi é su-ɔ? Kan sa sɔ'n kle be. Se be kɛ: Anannganman'n waan: N ´yi amun ase.›

Zeremi 23:39

i ti n wa yi amun ase mlɔnmlɔn. N ´fuan amun min nyrun wa, yɛ klɔ bɔ n fa mannin amun nin amun nannan mun'n n ´nunnun i.

Zeremi 3:8

Ɔ wunnin kɛ tekle nga Izraɛl b'ɔ ti kɛ bian safuɛ'n sa'n boli'n ti n ko mɛnnin i yralɛ fluwa n yacili i'n. Sanngɛ Zida b'ɔ kunndɛ bian min bo'n, srɛ ɔ'a kun-mɛn i. I kusu ko boli i tekle liɛ.

Zeremi 52:3

Sa ti bɔ sa kekle'm be tɔli Zerizalɛmfuɛ mun nin Zidafuɛ'm be su'n yɛlɛ kɛ Anannganman fali ya dan kpa. Ɔ man ɔ fuannin be, siɛn'n ɔ klo-man kɛ ɔ wun be kun.

Zeremi 9:19

Bla mun, an `tie Anannganman i ndɛ'n. Man amún su'n ti ng'ɔ kan'n. An `kle amun mma bla'm be sunlɛ ng'ɔ o yɛ'n, amun `fa ngwlɛ yilɛ sɔ'n kle be wiengu kɛ:

Ezekiɛl 23:31

A nantili ɔ niaan bla i atin'n su. I sɔ'n ti, a wa nɔn ɔ niaan bla i klowa'n nun wie.

Ezekiɛl 33:25

Yoo, kan ndɛ nga min Anannganman Nyanmiɛn n ´kɛn i yɛ'n kle be. Se be kɛ: ‹Amun di nnɛn ɔ nin i mmoja'n, amun sɔ amuɛn mun, amun kun sran mun. ?Ɔ yo sɛ ti yɛ amun kwla kan kɛ mɛn ɔ ti amun liɛ nin-ɔn ?

Ndɛ Nga Nyanmiɛn I Nuan Ijɔfuɛ Oze Kannin'n 1:4

Anannganman seli Oze kɛ: «Flɛ i kɛ Zizreɛl, afin sɛ ɔ di le nnyɔn kun'n, n wa kle Zei anunman'm be nun, sran nga be kunnin be Zizreɛl lɔ'n ti. Kpɛkuun n wa yo man Izraɛl mɛn'n nun sran fi su yo-man famiɛn kun .

Ndɛ Nga Nyanmiɛn I Nuan Ijɔfuɛ Oze Kannin'n 12:1

Anannganman'n wan yoo: «Efraimfuɛ'm be fa be ato'n sin yia min pɛ! Izraɛlfuɛ'm be fa lakalɛ'n sin yia min. Zidafuɛ'm be yɛ be nin min tɛ nanti-ɔ, yɛ be fa bé wun mantan min bɔ n ti Nyanmiɛn bɔ min nzuɛn nin klɔ sran liɛ'n ti-man kun nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:13

Efraimfuɛ'm be yako! Nian, be su wanndi min. Nyrɛnnɛn nga be wa wun i'n ti beblebe ngbɛn, afin bé nyin ɔ'a yi-man min. Blɛ nga min waan n ´de be'n, kpɛkuun be tɔnnin min suɛn.

Ndɛ Nga Nyanmiɛn I Nuan Ijɔfuɛ Oze Kannin'n 9:13

Efraimfuɛ mun bɔbɔ, kɛ n niɛn i lɛ'n, be wu be wa liɛ'n fa yo alɛ nnɛn. Be su fa be minndɛ sran ng'ɔ ´kun be mun.»

Ndɛ Nga Nyanmiɛn I Nuan Ijɔfuɛ Oze Kannin'n 9:3

Efraimfuɛ mun, amun su kwla ka-man Anannganman'n i mɛn'n nun. Amun ´sa be sin Ezipt lɔ, yɛ amun ko di aliɛ ng'ɔ ti fiɛn'n Nyanmiɛn nyrun. Asiri lɔ yɛ amun ko di i sɔ nin-ɔn .

Ndɛ Nga Nyanmiɛn I Nuan Ijɔfuɛ Oze Kannin'n 9:9

An yoli sa tɛtɛ'n lele ɔ'a bobo su kɛ Gibea blɛ su'n sa, i sɔ sa tɛ liɛ'n, Anannganman'n su bu-man nnya gua-man su, ɔ ´tu amun fɔ sa tɛ sɔ'm be ti .

Zonas 2:4

A to min yili jenvie'n nun, a to min yili nzue dan sɔ'n i bunman'n nun, yɛ ɔ kpalo min kɔ wa, ɔ kpalo min kɔ wa.