Zeremi 7:11 - NYANMIƐN NDƐ'N 1998

¹¹ ?Sua kpa bɔ min dunman'n wo su'n, ɔ ti amun nyrun kɛ awiefuɛ'm be fiawlɛ sa ? N wun i sɔ.› » Anannganman'n yɛ ɔ kan sɔ-ɔ.

Zeremi 7:11 ပူးပေါင်းရင်းမြစ်များ

2 Be Nyoliɛ 6:33

kɛ a o ɔ tranwlɛ'n nun nyanmiɛn su lɔ'n, tɛ i su. Yɛ like kwlaa nga aofuɛ sɔ'n srɛ wɔ'n, fa mɛn i. I liɛ'n, asiɛ'n su nvle-nvle'n kwlaa be nunfuɛ mun be ´ti ɔ ngan, yɛ bé nyin ´yi wɔ kɛ Izraɛlfuɛ'm be liɛ'n sa. Be ´si kɛ ɔ dunman'n yɛ ɔ o sua nga su-ɔ.

Ezai 1:12

?Kɛ amun ba tɛ'm be yilɛ'n, wan yɛ ɔ tu amun kɛ amun `nanti-nanti min awlo nun-ɔn?

Ezai 56:7

n ´fa be m ba m bɔbɔ min oka'n su wa, be ´su min min srɛwa sua'n nun, yɛ n ´yo man be klun ´jɔ. Bé tɛ bɔ be yra be nnɛn'n kɔlikɔli'n nin be sraka mun'n, n ´sɔ be nun min sɔwlɛ'n su, afin be ´flɛ mín sua'n kɛ Nvle-nvlefuɛ'm be Kwlaa be Nyanmiɛn Srɛlɛ Sua .

Zeremi 2:34

Aunnvuɛfuɛ nga w'a fite-man be su kɛ be su yo sa'n bɔ sanngɛ a kunnin be'n, be mmoja'n guagua lele ɔ gua ɔ tralɛ'n i nuan su'n nun.

Zeremi 23:24

?Ɔ lɛ kɛ sran kun ɔ'a fia kpa nan n wun-mɛn i? Anannganman'n yɛ ɔ usa sɔ-ɔ. Ɔ usa ekun kɛ: «?Nán min yɛ n wo lika kwlaa nin-ɔn, nyanmiɛn su wa o, asiɛ'n su lɔ o?»

Zeremi 29:23

Sa ti b'ɔ ´yo sɔ'n yɛlɛ kɛ be boli tete Izraɛl nvle'n nun. Be kunndɛli be wiengu'm bé yi mun, yɛ m'an sunman-man be kpɛkuun be ɔli kɛ be su ijɔ mín nuan. N si i kwlakwla ng'ɔ o lɛ'n nun, ɔ yoli min nyrun.› » Anannganman'n yɛ ɔ kan sɔ-ɔ.

Zeremi 7:10

Kpɛkuun amun kunngba'n an ba min nyrun sua bɔ min dunman yɛ ɔ o su'n nun. An ko se kɛ: Y'a fite nun. An ´se sɔ nan amu'an kwla yo amun tete sa sɔ'n ekun.

Ezekiɛl 35:13

Ɔ ijɔlɛ fiaii nun a jasoli mín wun. A kpɛli min nzowa tɛtɛ mun. M bɔbɔ n tili.

Daniɛl 9:18

Min Nyanmiɛn, sie ɔ́ su nan tie. Tike ɔ́ nyin nan nian e klɔ'n i bubulɛ bɔ ɔ'a bubu'n, klɔ sɔ'n bɔ ɔ dunman'n wo su'n. Kɛ e srɛ wɔ tantrantan kɛ nga sa'n, nán kɛ e nzuɛn'n ti kpa ti yɛ e srɛ-ɔ, ɔ sran klolɛ b'ɔ lɛ-man awieliɛ'n ti-ɔ.

Matthieu 21:13

Yɛ ɔ seli be kɛ: «Be klɛli i kɛ: ‹Be wa flɛ ń sua'n lika bɔ sran nin Nyanmiɛn be koko yalɛ nun,› sanngɛ amu'an fa kaci awiefuɛ'm be fiawlɛ .»

Marc 11:17

Kɛ ɔ ´kle be like'n, ɔ se be kɛ: «?B'a klɛ-mɛn i kɛ: Be wa flɛ ń sua'n kɛ nvle-nvle'm be kwlaa be Nyanmiɛn srɛlɛ sua? Sanngɛ amu'an fa kaci awiefuɛ'm be fiawlɛ .»

Jean 2:16

Yɛ ɔ seli okunmomo atɛ yofuɛ'm be kɛ: «An `yi ninnge nga'm be wa! Nán an fa n Si i sua'n kaci aata diwlɛ .»

Hébreu 4:13

Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.