Zeremi 7:10 - NYANMIƐN NDƐ'N 1998

¹⁰ Kpɛkuun amun kunngba'n an ba min nyrun sua bɔ min dunman yɛ ɔ o su'n nun. An ko se kɛ: Y'a fite nun. An ´se sɔ nan amu'an kwla yo amun tete sa sɔ'n ekun.

Zeremi 7:10 ပူးပေါင်းရင်းမြစ်များ

1 Famiɛn Mun 9:3

Anannganman seli i kɛ: «Aunnvuɛ srɛlɛ nga a srɛli'n, n tili. Sua bɔ a kplannin'n, m'an sie i ngunmin. N ´tran nun tititi. Mín nyin ´ta su yɛ n ´yo amun ye tititi.

2 Famiɛn Mun 21:4

Anannganman dun mmua kɛnnin i laa kɛ: «Zerizalɛm wa yɛ n ´yi mín wun nglo-ɔ.» Sanngɛ Manase kplannin amuɛn sɔwlɛ mun Anannganman i sua'n nun.

2 Be Nyoliɛ 33:4

Anannganman dun mmua kɛnnin i laa kɛ: «Zerizalɛm wa yɛ n ´yi mín wun nglo tititi-ɔ.» Sanngɛ Manase kplannin amuɛn sɔwlɛ mun Anannganman i sua'n nun.

2 Be Nyoliɛ 33:7

Ɔ yoli amuɛn kun fa sieli Nyanmiɛn i sua'n nun. Sanngɛ Anannganman dun mmua seli David nin i wa Salomɔn be laa kɛ: «Sua nga yɛ n niannin n fali-ɔ. Zerizalɛm klɔ'n yɛ n fɛli i Izraɛl nvle'n kwlaa nun kɛ n ´yi mín wun nglo lɛ tititi-ɔ.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Ezai 48:2

Amun bɔ Nyanmiɛn i klɔ'n i dunman'n wo amun su'n, amun bɔ amun kisa Izraɛl Nyanmiɛn bɔ i dunman yɛlɛ Anannganman b'ɔ sie mɛn wunmuan'n i su'n, amun `tie ndɛ nga.

Zeremi 32:34

Be ko fali be tete ninnge mun be sieli i sua nga min dunman'n wo su'n nun be fa sacili i.

Zeremi 34:15

Amun kusu ndɛ amu'an kaci amun ajalɛ'n, amun yoli ng'ɔ yo min klanman'n. Amun waan amun ´yaci amun niaan'm be nun. Amún nuan ɔ'a sɛ amún wun min nyrun sua nga min dunman'n wo su'n nun wa.

Zeremi 44:9

?Sa tɛtɛ nga amún si'm be yoli'n nin nga bɔ Zida famiɛn'm be yoli'n nin nga bé yi'm be yoli'n nin nga amun bɔbɔ amun yoli'n, ɔ nin nga amún yi'm be yoli i Zida mɛn nun'n nin Zerizalɛm mmuɛ'm be nun'n, amun wla yɛ ɔ'a fi su-ɔ?

Zeremi 7:11

?Sua kpa bɔ min dunman'n wo su'n, ɔ ti amun nyrun kɛ awiefuɛ'm be fiawlɛ sa ? N wun i sɔ.› » Anannganman'n yɛ ɔ kan sɔ-ɔ.

Zeremi 7:14

I ti'n, sa kunngba nga n fa yoli Silo'n yɛ n ´fa yo sua nga min dunman'n wo su yɛ'n bɔ i su yɛ an lafi'n, ɔ nin lika nga n fa mannin amun nin amun nannan mun nin-ɔn .

Zeremi 7:30

Anannganman'n waan: «Sa nga Zidafuɛ'm be yoli'n, ɔ'a yo-man min fɛ mlɔnmlɔn. Be fali be tete ninnge'm be sieli i sua bɔ min dunman'n wo su'n nun, be fali fiɛn kɛnnin i.

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Ezekiɛl 23:29

Be ´yo wɔ sa tɛtɛ kpa, ɔ bo ninnge nga a dili junman nan w'a nyan be'n, be ´de be. Be ´jra wɔ kplɛn sa kli, yɛ be ´nian-nian wɔ kɛ tekle bla sa. Ɔ tekle nin ɔ wlaka'n ti-ɔ.

Ezekiɛl 23:37

Afin be kunndɛli bian bé wun bo. Yɛ mmoja'n ɔ o bé sa'm be nun. Be fali be amuɛn'm be sacili bé wun sa. I sin, bé wa nga be wuli be'n, be fali be sɔli be amuɛn mun.

Ezekiɛl 23:39

Kɛ bɔ be kpɛ be mma'm be kɔmin be sɔ be amuɛn mun'n, cɛn sɔ nun'n, be kunngba'n be wluli mín sua kpa'n nun lɔ be sacili i.

Ezekiɛl 33:25

Yoo, kan ndɛ nga min Anannganman Nyanmiɛn n ´kɛn i yɛ'n kle be. Se be kɛ: ‹Amun di nnɛn ɔ nin i mmoja'n, amun sɔ amuɛn mun, amun kun sran mun. ?Ɔ yo sɛ ti yɛ amun kwla kan kɛ mɛn ɔ ti amun liɛ nin-ɔn ?

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Ezekiɛl 5:11

‹Ndɛ nga min Anannganman bɔ min nyin o su'n n kan'n yɛ: Amun sulɛ bɔ amun waan an ´su min bɔ an su-man min kpa'n, ɔ nin amun tete ninnge mun, an fa yoli mín sua'n i fiɛn. I sɔ'n ti, n wa nunnun amun, n su si-man amun aunnvuɛ kaan sa, n su yaci-man amun lɛ.

Daniɛl 9:18

Min Nyanmiɛn, sie ɔ́ su nan tie. Tike ɔ́ nyin nan nian e klɔ'n i bubulɛ bɔ ɔ'a bubu'n, klɔ sɔ'n bɔ ɔ dunman'n wo su'n. Kɛ e srɛ wɔ tantrantan kɛ nga sa'n, nán kɛ e nzuɛn'n ti kpa ti yɛ e srɛ-ɔ, ɔ sran klolɛ b'ɔ lɛ-man awieliɛ'n ti-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:9

Sisɛm atin'n su lɔ'n, min nyrun jranfuɛ akpasua kun b'a kaci be liɛ kodiawiefuɛ. Be sa sran'm be nyrun yɛ be kun be-ɔ. I sɔ ndɛ liɛ'n ti kain.

Amɔs 4:5

Kpaun nga kpaun ayre o nun'n, an `yrɛ i be `fa yi bo kun yolɛ'n i su tɛ be fa man min. Amun klun klo like nga amun waan amun ´fa man'n, an `bo i ndolo. Afin nga amun waan be `fa man amun nan amun yo'n yɛ ɔ o lɛ-ɔ.» Anannganman'n yɛ ɔ kan sɔ kle amun-ɔn.

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Malasi 3:15

Y'a wun kɛ be nga be yo bé wun dandan'n be yɛ be di ye-ɔ, sa tɛ yofuɛ'm bé wun fɔuun. Kannzɛ be klɔklɔli Nyanmiɛn o, be o be olɛ lɛ cɛ, ndɛ fi nyan-man be.› »

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»

Jean 18:28

Kɛ be nin i fin Kaif awlo lɔ'n, be fɛ i ɔli Pilat awlo lɔ. Kɛ ɔ ´yo sɔ'n, wuun lika'n nian wie-man cɛn. Kɛ ɔ ´yo nan Zuif'm b'a kan-man fiɛn nan b'a kwla di Delɛ-cɛn wie'n, be bɔbɔ b'a wlu-man lɔ.