Zeremi 6:30 - NYANMIƐN NDƐ'N 1998

³⁰ Be flɛ be kɛ sika b'ɔ lɛ-man nyrun. Be lɛ-man nyrun Anannganman i sa nun.

Zeremi 6:30 ပူးပေါင်းရင်းမြစ်များ

2 Famiɛn Mun 17:20

Anannganman yili Izraɛlfuɛ'm be kwlaa be ase. Ɔ guali bé nyin ase. Ɔ fali be wlali nvle wie'm bé sa nun kɛ be fɛn bé bo ninnge mun. I sin ɔ fuannin be.

Jue Mun 119:119

Asiɛ'n su klunwifuɛ mun'n, a kpalo be yi wla'n nun, i sɔ'n ti yɛ n klo sa nga a fa sie min nyrun nin-ɔn.

Jue Mun 53:5

Sa tɛ yofuɛ'm be wun-man sa wlɛ. Be di min nvlefuɛ'm be lufle pɔɔ, ɔ waan aliɛ yɛ b'a nyɛn i yɛ be su di sa. Be kpan flɛ-man min mlɔnmlɔn.

Nyanndra Mun 25:4

Kɛ be ko yi sika'n i nun fiɛn'n, i ba'n b'ɔ ka lɛ'n yɛ ajuin difuɛ'n fa di i junman nin-ɔn.

Ezai 1:22

Ɔ'a yo sa-a ɔ waan jɛtɛ ufue wie yɛ ɔ'a kpa sa. Ɔ'a yo sa-a ɔ waan nzan yɛ nzue ɔ'a bu i ti sa.

Ezai 1:25

Zerizalɛmfuɛ mun, e nin amun y'a nyɛn. N ´tu amun nun fiɛn'n kɛ be fa kpetre sanmlan be fa tu like nun fiɛn'n sa.

Zeremi 14:19

«?Nan Zida i blo yɛ a yi i mlɔnmlɔn-ɔn? ?Ɔ konvi li yɛ ɔ'a tu Siɔn su-ɔ? ?Ɔ yo sɛ ti yɛ a bo ye nin kannin ng'ɔ tu be-ɔ be nyɛn-mɛn i wun ayre nin-ɔn? Y'a minndɛ fɔundi'n lele ngbɛn. E minndɛ juejue yolɛ'n, sanngɛ sa ng'ɔ ba'n ɔ yo sro.

Zeremi 23:33

Nan yoo: ‹Sɛ min nvlefuɛ mun annzɛ Nyanmiɛn nuan ijɔfuɛ sɔ mun annzɛ Nyanmiɛn nyrun jranfuɛ sɔ'm be nun kun usa wɔ kɛ: ?Nguɛ sa yɛ Anannganman'n ɔ'a siesie kɛ ɔ ´fa yi é su-ɔ? Kan sa sɔ'n kle be. Se be kɛ: Anannganman'n waan: N ´yi amun ase.›

Zeremi 7:1

Anannganman'n kannin ndɛ kleli Zeremi.

Zeremi 7:29

«Zidafuɛ mun, an `kpɛkpɛ amún ti muɛn b'ɔ kle kɛ min liɛ yɛlɛ amun'n, nan an `guɛ i blo. An ´to sɛ jue kpɔlɛ nga be su ti treketreke'n be su. Afin m'an yi amun blo. Yɛlɛ kɛ amun ti akpasua kun bɔ amu'an fɔkɔ mín anwlɛn.»

Ngwlɛ Yilɛ 5:22

?Nan e blo mlɔnmlɔn yɛ a yili-ɔ? ?A ´fa e wun ya lele kpe nun?

Ndɛ Nga Nyanmiɛn I Nuan Ijɔfuɛ Oze Kannin'n 9:17

Min Nyanmiɛn ɔ wa yi be man gua, b'a tie-mɛn i nuan nun ndɛ'n ti ɔ wa yi be man gua. Wlan-wlanlɛ finfin'n sa yɛ be wa wlan-wlan mɛn uflɛ'm be nun-ɔn.

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Matthieu 5:13

«Amun yɛ an ti kɛ njin sa mɛn'n nun-ɔn. ?Sanngɛ sɛ njin'n i ta'n kpɔ'n, nguɛ yɛ be ´fa yo nan ɔ'a yo fɛ ekun-ɔn? Ɔ yo-man sa fi ye kun, san blo yɛ be ´yi i-ɔ, yɛ sran'm be ´tiatia su.

Rɔmfuɛ Mun 11:1

Ɔ man n se kɛ yoo: ?Nyanmiɛn yili i sran'm be blo? Cɛcɛ! Afin n kusu n ti Izraɛlfuɛ, yɛ n fin Abraam osu'n nun Bɛnzamɛn akpasua'n su .