Zeremi 6:29 - NYANMIƐN NDƐ'N 1998

²⁹ Ajuin difuɛ'n ɔ fita i sin nun lele ngbɛn. Sɛ be waan be nian sin'n i lolɛ b'ɔ lo'n ti'n, wuun sunmun'n ɔ klo lele ɔ wie. Be tɔn jɛtɛ ufue'n ngbɛn, nán i nun fiɛn'n yɛ ɔ ko wie-ɔ.

Zeremi 6:29 ပူးပေါင်းရင်းမြစ်များ

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Ezai 49:4

Sanngɛ n liɛ'n, n seli kɛ n kleli mín wun yalɛ ngbɛn, n fali min wunmiɛn'n n dili junman ngbɛn, m'an nyan-man nun like fi. Like ng'ɔ ti min liɛ'n wo Anannganman sa nun, min akatua'n wo Nyanmiɛn wun lɔ.

Zeremi 15:19

Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

Zeremi 9:7

Bé nuan'n ti kɛ cua bɔ duwlɛ wo i ti'n sa. Gblɛ ndɛ mun yɛ be kan-an. Be fa bé nuan'n be fa fɔnvɔ be wiengu mun. Kusu wuun be bu bé wun akunndan tɛ be sua-suali be wun aya.»

Ezekiɛl 24:12

I kwlaa nga be ´yo i lɛ'n, ngbɛn-ɔn! Annganblalɛ kpanngban kɛ nga sa'n, sin'n su kwlɛ-mɛn i tu.

Ezekiɛl 24:13

Zerizalɛm, w'a yo fiɛn ɔ́ sa sukusuku'm be yolɛ'n ti. Min waan n ´yo ɔ saun, sanngɛ w'a kplin-man su. I ti nin-ɔn, a su kwla yo-man saun lele san n ´tu min ya dan'n n gua wɔ su.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Piɛr 4:12

N sran kpa mun, nán man sa ng'ɔ tɔ amún su amun sa nianlɛ'n ti'n, ɔ bo amún nuan. Nán an bu i kɛ ɔ ti sa tɛ.

Jɔlɛ Difuɛ Mun 17:4

Sanngɛ ɔ fali sika'n mannin i nin ekun, nan i nin ɔ'a fa nun jɛtɛ ufue mma ya nnyɔn. Ɔ fa mannin ajuin difuɛ'n nan ɔ'a fa yi sika sran nan ɔ'a klo aaba a guɛ i wun. Yɛ be fa sieli i Mika i sua lɔ-ɔ.