Zeremi 6:26 - NYANMIƐN NDƐ'N 1998

²⁶ «Min sran mun, an `wla bajɛ tralɛ. An `la kondo ndutre nun. An `yo sɛ kɛ amun wa klikli'n ɔ'a wu sa. An `to sɛ jue ng'ɔ kle sunlɛ kpa'n, yɛlɛ kɛ like sacifuɛ'n su wa fu amun nun ɔ ´tɔ amun su.»

Zeremi 6:26 ပူးပေါင်းရင်းမြစ်များ

Bo Bolɛ 21:16

Kpɛkuun ɔ ko trannin klɛ nun. Ɔ nin ba'n be afiɛn'n ti kɛ ta nga be to'n i juwlɛ kun sa, afin i waan: «Nán mín wa'n wu min nyrun,» ɔ ko trannin klɛ nun yɛ ɔ sun-ɔn.

Zɔb I Nyrɛnnɛn Wunlɛ 15:21

Nganniɛn ng'ɔ ti'n, ɔ yo sro. Ɔ ti i tilɛ lɛ, kpɛkuun abɔlɛfuɛ wie ɔ'a fu i nun ɔ'a tɔ i su.

Zɔb I Nyrɛnnɛn Wunlɛ 2:8

I sɔ'n ti Zɔb fa talie bue yɛ ɔ fa fuɛnfuɛn i wun-ɔn. Yɛ ɔ ti nzuɛn'n nun.

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Ezai 22:4

I sɔ'n ti n wan yoo: «Nán amun nian min kun, amun `yaci min lɛ man n sun piaan kpa. Nán amun se kɛ amun ´fɔnvɔ min nyrɛnnɛn b'ɔ tɔli min nvle nunfuɛ'm bé su'n ti.

Ezai 3:24

Ninnge kplɔwa'm be nvan'n ɔ ´sin parfɛn'n i bɔnlɛ'n i osu. Be ´fa nyanman be ´yo bé bo kplo. Be su yo-man bé ti'm be kun , be ´yi be treketreke. Be su wla-man cɛn dilɛ tralɛ kun, bajɛ tralɛ yɛ be ´wla-a. Be wunnɛn'n su nzɔliɛ'm be su yo-man nyɛnmɛn kun, be ´yo kɛ sin osu sa.

Ezai 30:13

amun fɔnlɛ sɔ'n, ɔ ti kɛ klɔ'n i wun talɛ nglo-nglo b'ɔ kpaci kplala kpɛkuun ɔ wunndun'n sa. I tɔlɛ'n ɔ fu sran'm be nun, ɔ jranjran-man.

Ezai 32:11

Amun bla mun bɔ amun bu i kɛ amu'an nyan amun ti'n, man srɛ kun amun. Amun bla mun bɔ amun fa amun wla gua amun bɔbɔ su'n, amun `usu. Amun `yi amún wun tralɛ'n gua, amun `kpa amún wun, amun `fa tannin b'ɔ ti sɛ nzɔliɛ like'n `ci amun afiɛn.

Zeremi 12:12

Ninnge fɛnfuɛ'm be fin aawlɛ flɛnnɛn'n nun lɔ oka treketreke'm be kwlaa be su be ba, Anannganman i tokofi'n ɔ'a di mɛn'n i bue kun wa lele ɔ'a kpɛn i bue kun lɔ. Sran fi su fite-man nun.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 14:17

«Se be kɛ yoo: ‹Mín nyinmuɛn'n bu kɔnguɛ nin wia nun. Nán ɔ yaci bulɛ le. Afin nyrɛnnɛn dan kpa ɔ'a tɔ min nvle'n bɔ sɛ ɔ ti bla-a, wuun n ´se kɛ ɔ nian si-man bian le'n su. Kannin ng'ɔ ɔ'a tu i'n ti-man blɛblɛ.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 18:22

Kɛ bɔ b'a kpɛ min bo kunman kɛ be ´tra min'n, bɔ b'a sua aya min bo nan n `tɔ nun'n ti, sunman sonja mun man be ko fu be nun nan be ti kpankpanlɛ be awlo'm be nun.

Zeremi 30:5

I waan: «Awlaboɛ nganniɛn tɛ, srɛ kun sran sɔ nga be kpan'n. Bé wla ti-man ase guawa.

Zeremi 4:11

Kpɛkuun Anannganman'n ´se Zerizalɛmfuɛ'm be kɛ: «Aunngban klakla'n ng'ɔ fin aawlɛ flɛnnɛn'n nun ba kpɔlɛ'm be su'n, ɔ wa fita min nvle'n su. Nán aunngban kanngan ng'ɔ ´fita-a, be fa kpaja ninnge'm be nun nin-ɔn.

Zeremi 4:20

E ´ti-ɔ, be waan lika nga ɔ'a nunnun o, nga kusu ɔ'a nunnun o! Mɛn wunmuan'n ɔ'a wie saci. E nyin bɔ e ´bo i sa-a, e tannin sua'm b'a wie saci, yɛ e lawlɛ'm b'a saci.

Zeremi 4:8

I ti-ɔ, an `wla bajɛ tralɛ. An `sun, an `man sunlɛ jue'n su, afin é wun ya dan bɔ Anannganman fali'n, ɔ nian wie-mɛn i klun.

Zeremi 6:14

Be ´fua min nvlefuɛ'm bé kannin nin-ɔn, be fa yo ngowa. Be waan sa fi su ju-man. Be waan lika'n ti fɔun, kusu wuun lika'n ti-man fɔun.

Zeremi 8:19

Ee, min nvlefuɛ'm be o mɛn wie nun mmua lɔ be sun se kɛ: «?Nan Anannganman'n nun-man Siɔn wa kun? ?Siɔn i famiɛn'n nun-man wa kun?» « ?Ɔ yo sɛ ti yɛ be fa be amuɛn'm be fɔkɔ min anwlɛn nin-ɔn, ɔliɛ like finfin sɔ'n bɔ be fin mɛn uflɛ nun'n?»

Zeremi 8:21

Kannin ng'ɔ tuli min nvlefuɛ mun'n ɔ'a bo min wla dan. N wo afɛ nun. N wun-man min wun fɛ kun.

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Ngwlɛ Yilɛ 1:16

I ti yɛlɛ muɛn bɔ n kplo bɔ min nyinma ɔ'a blo mín ti nun kankankan'n. Min fɔnvɔfuɛ'n b'ɔ ko man min wunmiɛn'n, ɔ'a wanndi min. Min mma'm be liɛ a wie, min wunmiɛn ju-man min kpɔfuɛ'n i liɛ'n nun.

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Ngwlɛ Yilɛ 3:16

Ɔ yoli man m'an bobo aunnyan n je nun. Ɔ yoli man m'an la kondo ndutre nun.

Ngwlɛ Yilɛ 3:48

Sa yalɛ sɔ ng'ɔ tɔli min nvle'n su'n ti, min nyinmuɛn nzue'n ɔ bu sɔ puu!

Ngwlɛ Yilɛ 4:10

Ɔliɛ bla ta bɔ be klo-man be mma mun aɔwi'n, be bɔbɔ be tɔnnin be mma mun kplɔkplɔkplɔ! Be fa be yoli nnɛn be dili awe dan bɔ bli be nun'n i dunman nun .

Ngwlɛ Yilɛ 4:3

Ɔliɛ nsoso mun bɔbɔ be man be mma'm be nyɔnflɛn. Sanngɛ min nvle i nun mmla mun be klunwi liɛ'n nga b'a yo'n ɔ waan klɔnsoklo bɔ be o aawlɛ flɛnnɛn nun lɔ'n sa.

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Zonas 3:6

Kɛ famiɛn'n tili ndɛ sɔ'n, ɔ jasoli i famiɛn bia'n su, ɔ yili i tralɛ'n, ɔ wlali bajɛ tralɛ yɛ ɔ trannin nzuɛn nun.

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

JÉSUS-CHRIST I DYASIN FE'N BO LUC KLELI'N 7:12

Kɛ be wa ju klɔ i anuan'n nun lɛ'n, be ´nian-an, be nin saka kun su ba. Bla kun bɔ i wun wuli'n i wa yasua kunngba cɛ'n ɔ'a wu yɛ be nin i su ba-a. Be nin klɔ'n su sran lɔuun kpa yɛ be ba-a.

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.

Jacques 5:1

Anyanbeunfuɛ mun, an `sie amún su! Nyrɛnnɛn b'ɔ wa tɔ amún su'n ti'n, an `bo awuyomo, yɛ an `sun!