Zeremi 6:24 - NYANMIƐN NDƐ'N 1998

²⁴ Kɛ e tili jasin sɔ'n, e sa sin bubuli ye, ye akunndan'n sanngannin, e klun kanndannin ye, yɛ srɛ kunnin ye kɛ bla b'ɔ su wa wu ba'n sa.

Zeremi 6:24 ပူးပေါင်းရင်းမြစ်များ

Jue Mun 48:6

Kɛ be wunnin Anannganman i klɔ'n cɛ'n, be boli bli, srɛ'n kunnin be dan nan b'a wanndi.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Ezai 28:19

Blɛ'n kwlaa b'ɔ ´ba'n, ɔ ´kan amun. Afin ɔ ´ba nglɛmun kwlaa, ɔ ´ba wia'n nun, yɛ ɔ ´ba kɔnguɛ. Kɛ be ´ti i ngan'n, kpɛkuun srɛ ´kun be.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 30:6

Amun `usa-usa be nian, sɛ yasua ɔ'a cinnjin ɔ'a wu ba le o. ?Yɛ wuun ɔ yo sɛ ti yɛ yasua'm be lɛ be wi'n nun kɛ wunnzɛfuɛ bɔ ba wulɛ ɔ'a to i sa nin-ɔn? ?Ɔ yo sɛ ti yɛ be nyrun'n wa yo sukusuku sɔ-ɔ?

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 48:41

Be klɔ'm b'a tɔ. Be klɔ nga be si be wun'n b'a tɔ. Siɛn'n Moab safunyrɛn'm be wla ɔ'a bo yɛ srɛ kun be kɛ wunnzɛfuɛ wie b'ɔ o ba wulɛ su'n sa.

Zeremi 49:24

Damasfuɛ mun be tra be anwlɛn-ɔn ɔ tra-man kun. B'a kaci bé ja sin be o wanndilɛ. Bé wun'n usu-man be ngowa. Be anwlɛn'n si kpukpukpu kɛ wunnzɛfuɛ bɔ i ku nun su yo i ya'n sa.

Zeremi 50:43

Kɛ Babilɔni famiɛn'n tili i sɔ ndɛ liɛ'n, i sa sin bubuli i. Srɛ'n ɔ'a kun i kpo. I klun'n kɛnndɛn i kɛ wunnzɛfuɛ wie bɔ i ba wulɛ ɔ'a ju sa.

Ezekiɛl 7:17

Bé sa'm be kwlaa be ´kpɔ. Bé ja nannglunman'm be ´sisi be wiengu.

Daniɛl 5:9

Kɛ ɔ yoli sɔ'n, srɛ kunnin famiɛn Bɛlsazar trali su, kpɛkuun i nyrun'n kacili. I sran dandan'm be kwlaa bé wla boli bé wun.

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.