Zeremi 6:23 - NYANMIƐN NDƐ'N 1998

²³ Ta nin cua o sonja sɔ'm bé sa nun. Be yo be ninnge liɛ sinnzin su, be si-man aunnvuɛ. Nganniɛn nga be yo'n ɔ tɛ kɛ jenvie yɛ ɔ su bo sa. B'a fu b'a tran be nnɛn kpanngɔ'm be su. B'a jranjran tɔɔn! A wun be sa-a, ɔ waan sran kunngba-a. Siɔnfuɛ mun be nin be su wa kun.»

Zeremi 6:23 ပူးပေါင်းရင်းမြစ်များ

Ezai 10:32

Ndɛkɛn kpɔfuɛ'm be ´ju Nɔb, be ´jran lɛ, be ´fa be sa be ´wlanwlan be bɔ be o Siɔn oka'n su'n, be ´wlanwlan Zerizalɛmfuɛ mun bɔ be o kpɔlɛ'n su'n.

Ezai 13:18

Be ´fa be ta'm be ´to gbanflɛn'm bé wun, be ´gua be ase fɛiin, be su yaci-man ba nɔnman'm be lɛ. Ba kanngan'm be su yo-man be annvɔ.»

Ezai 17:12

Ee! Be nian kɛ sran kpanngban kpa be su kplin-ɔn, be kplinlɛ'n ɔ tɛ kɛ jenvie'n yɛ ɔ su bo sa. Be nganniɛn'n ɔ tɛ kɛ nzue dan b'ɔ sonji kekle kpa b'ɔ klu wuu'n sa.

Ezai 19:4

N ´fa Eziptfuɛ mun n ´wla siefuɛ bɔ be like yolɛ yo ya kpa'n be sa nun. Famiɛn b'ɔ ti wlɛfuɛ kpa'n yɛ ɔ ´sie be-ɔ.» Ndɛ nga Anannganman b'ɔ sie mɛn wunmuan'n ɔ kan'n yɛ ɔ o lɛ-ɔ.

Zeremi 25:32

Anannganman b'ɔ sie mɛn wunmuan'n wan yoo: «Nyrɛnnɛn'n tɔ nvle kun su, kpɛkuun ɔ sa nvle uflɛ. Aunngban dan kpa kun fin asiɛ'n i tiwa lɔ ɔ su wa tu ba.»

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 4:13

«Amun `nian, e kpɔfuɛ'n yɛ ɔ ´fu kɔ kɛ nyanmiɛn ble'n sa yɛ. I kakaklolo'm be tu kɛ seke sa, i nnɛn kpanngɔ'm be wanndi tra anunman nyin. Be `de ye o! Y'a wie mlin!»

Zeremi 4:16

An `kan kle sran'm be kwlaa, an `se Zerizalɛm kɛ: ‹Amun kpɔfuɛ'm be fin mɛn mmua mmua kun nun be su ba. Be su kpan alɛ kpanlɛ Zida klɔ'm be ti.

Zeremi 4:29

Kɛ klɔ'n nunfuɛ'm be ti nnɛn kpanngɔ fufuɛ nin ta tofuɛ'm be ngan'n, be kwlaa be lɛ wanndilɛ. Be ko fia susrɛ'm be nun. Be ko fu yɛbuɛ'm be su. Klɔ ngbɛn'n nannan lɛ, sran fi nun-man su kun.

Zeremi 5:16

Kɛ be cua'm be kan sran'n, san i wie. Lɔ sonja'm be ti sonja kpakpa ngunmin.

Zeremi 50:41

Nvle kun fin nglo lɔ lika'n nun lɔ ɔ o balɛ. I sɔ nvle liɛ'n ɔ ti dan, yɛ i famiɛn'm be kwlaa, b'a jaso asiɛ'n i bue kun lɔ be o balɛ.

Zeremi 50:42

Bé sa nun ta nin cua. Be yo wlɛ, be si-man sran aunnvuɛ. Kɛ be kpan sa'n, ɔ waan jenvie'n yɛ ɔ su bo-ɔ. Be o be nnɛn kpanngɔ'm be su. B'a jranjran tɛɛn cɛ! Babilɔni, be nin wɔ yɛ b'a ba kunlɛ-ɔ.

Zeremi 6:4

Be kpan se kɛ: ‹Man e nin be e ko kun. Man e wɔ wia jran. Cuekee! Sɛnzɛ'n su kɔ tɔlɛ, e wawɛ'm be su yo tɛnndɛn.

Zeremi 8:16

E kpɔfuɛ'm be nnɛn kpanngɔ'm be nganniɛn'n yɛ ɔ ´tɛ Dan lɔ lɛ-ɔ. Kɛ be nnɛn kpanngɔ'm be kpan sa'n, asiɛ wunmuan'n keje. B'a ba lɔ ninnge'n kwlaa nunnunlɛ: mɛn'n nin i nun ninnge mun o, klɔ'n nin i nun sran mun o, b'a ba be nunnunlɛ.

Ezekiɛl 21:31

Min Anannganman n wan yoo: «Be ´de wɔ famiɛn nzɔliɛ'n. Be ´de wɔ famiɛn kle'n. Lika'n ɔ'a kpɛ i wun, afin be nga be kan bé wun ase'n, be ´man be su, yɛ be nga be man bé wun su'n, be wa kan be ase.

Mmla'n 28:49

Anannganman ´yo man nvle wie nunfuɛ'm bɔ amun ti-man be aniɛn'n, be ´fɛ i mɛn'n i bue kun lɔ lele be wa tɔ amún su. Be ´jra amún su kɛ anunman nyin su jra like su sa.