Zeremi 6:21 - NYANMIƐN NDƐ'N 1998

²¹ I sɔ'n ti Anannganman'n wan yoo: «N wa fa ninnge wie mun n ´sie nvle sɔ'n i nunfuɛ'm be atin'n su n ´fa yi be ase. Man siɛ mun nin be mma mun, nin be tranfuɛ mun, nin be janvuɛ mun, be kwlakwla be wu.»

Zeremi 6:21 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Ezai 8:14

Ɔ wa yo kɛ sua sa, yɛ ɔ wa yo kɛ yɛbuɛ bɔ bé ja'n ɔ kpla su'n sa, ɔ wa yo kɛ yɛbuɛ b'ɔ yi sran ase'n sa, ɔ ´yo sɔ man Izraɛl akpasua nnyɔn'n. Ɔ wa yo kɛ tɛ nin aya sa ɔ man Zerizalɛmfuɛ mun.

Ezai 8:15

Sran kpanngban be ´bo tanngan, be ´tɔ yɛbuɛ'n su, yɛ be lika'n wie ´bubu, be ´tɔ aya nun yɛ ɔ ´tra be .»

Zeremi 13:14

N ´yo man be jaso be wiengu wun, siɛ mun nin ba mun be ´kun be wun. N su yaci-man sran fi lɛ. N su si-man wie aunnvuɛ mlɔnmlɔn, n ´nunnun be kwlaa'n kpan.› » Anannganman'n yɛ ɔ kan sɔ-ɔ.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 18:23

Anannganman, ɔ bɔbɔ a si cicilɛ nga b'a cici kɛ be ´kun min'n. I sɔ'n ti sɛ be yi ɔ kpatalɛ tɛ'n, nán sɔ nun. Nán nunnun bé sa tɛ'n nan ɔ jaso ɔ nyrun lɛ. Nán be kwla jran ɔ nyrun. Man bé wun ya tran ɔ klun tititi.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ezekiɛl 3:20

Sɛ sran kpa kun yaci sa kpakpa'm be yolɛ nan ɔ yo sa tɛtɛ mun'n, n ´suɛ i bo aya, kpɛkuun ɔ ´wu. Sɛ w'a se-mɛn i kɛ ɔ `kaci i sa'n, ɔ ´wu i sa tɛ nun. I sa kpakpa ng'ɔ yoli be laa'n, mín wla su kpɛn-man bé su kun. Yɛ wɔ yɛ e nin wɔ e lɛ i-ɔ.

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Saun Yolɛ 26:37

Be ´tu be ´si be wiengu kɛ be su wanndi be kwlafuɛ wie nyrun sa, i kusu wuun sran fi su-man bé su. Be su kwla jran-man be nga be nin be be kun'n be nyrun.

Rɔmfuɛ Mun 11:9

Yɛ David seli kɛ: «Man bé cɛn dilɛ'n yo kɛ aya sa, man ɔ yo kɛ zɔ sa, be tɔ nun nan be `nyan bé sa tɛ'n i akatua !

Rɔmfuɛ Mun 9:33

bɔ be klɛli i wun ndɛ kɛ: «An `nian, n ´fa yɛbuɛ kun sie Siɔn lɔ, ɔ ´kpla sran'm bé ja. Yɛbuɛ sɔ'n ti dan, sran'm be ´fin ase su. Sanngɛ sran ng'ɔ lafi i su'n, i nyin su gua-man ase .»

1 Piɛr 2:8

Ɔ ti yɛbuɛ b'ɔ kpla sran'm bé ja, ɔ ti yɛbuɛ dan kun bɔ sran'm be fin ase su.» Bé ja'n kplɛli i yɛlɛ kɛ b'a fa-man Nyanmiɛn ndɛ'n su, afin kɛ Nyanmiɛn'n sieli be liɛ'n sɔ-ɔ .