Zeremi 6:20 - NYANMIƐN NDƐ'N 1998

²⁰ ?Ansans nga an ko fɛ i Seba'n, ɔ fata min nguɛ? ?Ayre fanninfannin nga amun ko fɛ i mɛn wie nun mmua lɔ ba'n, ɔ fata min nguɛ? Nnɛn nga an fa yi tɛ nga be yrɛ i nnɛn'n kɔlikɔli'n, be yo-man min klanman. Amun sraka'm be jɔ-man min klun.

Zeremi 6:20 ပူးပေါင်းရင်းမြစ်များ

2 Samiɛl 15:12

Kɛ Absalɔm ´yi tɛ'n, ɔ sunmannin sran Gilo kɛ ɔ ko flɛ Asitɔfɛl b'ɔ ti David i afɔtuɛ manfuɛ'n. Sran nga be jin Absalɔm sin'n be su sɔn, kpɛkuun cicilɛ nga be cicili'n, ɔ yoli dan ɔli i nyrun tititi.

1 Famiɛn Mun 10:10

Seba famiɛn bla'n fali sika ɔkwlɛ b'ɔ ´ju tɔnun nsan nin sin, ɔ nin parfɛn kpanngban kpa, ɔ nin yɛbuɛ kpakpa mun, ɔ fa mannin famiɛn'n. Kɛ ɔ fin lɛ'n, be nian wun-mɛn i kɛ be blɛli famiɛn Salomɔn i parfɛn kpanngban kɛ nga Seba famiɛn bla'n fa bali'n sa.

Jue Mun 40:6

Anannganman min Nyanmiɛn, abonuan sa nga a yoli'n, be sɔnnin. Yɛ akunndan kpakpa nga a bu i e wun'n, be sɔnnin. Like fi nin wɔ sɛ-man. Min waan n ´di sa sɔ'm be wun lalo n ´sin. Be sɔnnin dan, n kwla ka-man be ngba.

Jue Mun 66:3

Amun `se i kɛ: «Nanwlɛ, ninnge nga a yo be'n be ti abonuan. Kɛ ɔ kpɔfuɛ'm be wun kɛ a kwla sakpa'n, be kwla tu-man bé wun kun.

Ezipt Lɔ Tulɛ'n 30:23

«Fa parfɛn nga be ti kpakpa mun: mir kilo nnun, sinamɔm b'ɔ bɔn fannin'n i kilo nnyɔn nin sin, kanɛl b'ɔ bɔn fannin'n i kilo nnyɔn nin sin,

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Ezai 1:11

Anannganman wan yoo: «?Amun tɛ kpanngban bɔ amun yi'n, ɔ yo nzu ye yɛ ɔ man min-ɔn? Bua nene nga amun fa yi tɛ bɔ be yra be nnɛn'n kɔlikɔli'n, yɛ nannin nga b'a kpɛ cro bɔ amun fa yi bo kun yolɛ i su tɛ'n be lui'n, i kwlaa sɔ'n ɔ'a flan min. Nannin tola mun, nin bua nga b'a kpɛ cro'n mun, ɔ nin boli kpakpuɛ mun, bɔ amun fa yi afiɛn siesielɛ tɛ'n be mmoja'n, n kunndɛ-mɛn i kun.

Ezai 60:6

Nyɔnngɔnmɛn bɔ bé wiasin'n lɛ kpɔlɛ nnyɔn'n, sran'm be ´fa kpanngban kpa be ba, nnɛn sɔ'm be ´yi ɔ mɛn'n, yɛ nga bɔ bé wiasin'n lɛ kpɔlɛ kunngba'n, be ´fa wie kusu fin Madian nin Efa be ´ba. Sebafuɛ'm be ´fa sika ɔkwlɛ nin ansans be ´ba. Nyanmiɛn i sa dandan ng'ɔ yoli be'n be su jue tolɛ ti yɛ be fa ba sɔ-ɔ .

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Zeremi 14:10

Nvle nga nunfuɛ'm be wun ndɛ bɔ Anannganman kan'n yɛ: «Be akunndan'n ti nnyɔn-nnyɔn ngboko. Bé nyin kan-man ase. Anannganman'n klo-mɛn i sɔ'n. I nyin wo bé sa tɛ'm be su. Ɔ ´bu be fɔ bé sa tɛ'n ti.»

Zeremi 14:12

Sɛ be ci nglɛmun be kpata min bɔbɔ-ɔ, n su sie-man mín su. Sɛ be yi tɛ nga be yrɛ i nnɛn'n kɔlikɔli nin o, sɛ be yi sraka be mannin min o, n su sɔ-man nun. N ´fa alɛ nin awe, nin tukpacɛ b'ɔ sa ndɛndɛ'n n ´wiewie be.»

Ezekiɛl 20:39

Yɛ amun Izraɛlfuɛ mun, min Anannganman Nyanmiɛn n waan yoo: Amun `wɔ nan sran kun ko sɔ i amuɛn mun, sanngɛ i sin'n amun lɛ-man atin kɛ amún nyin su yi-man min. Amun ´yaci amuɛn'm be like manlɛ bɔ amun fa saci min dunman'n.

Ezekiɛl 27:22

Seba nin Raɛma aata difuɛ'm be nin wɔ di aata. Be fa parfɛn kpakpa mun, nin yɛbuɛ kpakpa mun, ɔ nin sika ɔkwlɛ be fa kaci ɔ parfɛn'n.

Ndɛ Nga Nyanmiɛn I Nuan Ijɔfuɛ Oze Kannin'n 8:13

Nnɛn dilɛ klolɛ ti kɛ be jin min sɔlɛ'n su sa. Sanngɛ i sɔ tɛ nga be ´yi i lɛ'n, ɔ ti min nyrun sɔ saa. Nán kɛ ń wla wa fi bé sa tɛ sɔ nin-ɔn. N ´tu be fɔ. Be wa sa be sin Ezipt lɔ ekun.

Ndɛ Nga Nyanmiɛn I Nuan Ijɔfuɛ Oze Kannin'n 9:4

Ɔ man Efraimfuɛ'm be su kwla gua-man nzan man-man Anannganman'n kun. Anannganman su sɔ-man be tɛ nga be yi'n be nun kun. Aliɛ nga be ´di'n, ɔ wa kaci kɛ sɛ bo aliɛ sa, sran ng'ɔ di'n, fiɛn ´kɛn i. Be ´di aliɛ man be ku'n, sanngɛ be su kwla fa-man aliɛ sɔ'n be wlu-man Anannganman'n i sua'n nun lɔ.

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.