Zeremi 6:19 - NYANMIƐN NDƐ'N 1998

¹⁹ Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Zeremi 6:19 ပူးပေါင်းရင်းမြစ်များ

Nyanndra Mun 15:26

Anannganman i nyin ci akunndan tɛ'n. Ndɛ nga sran ti-ɔ, ɔ ukɛ i'n, yɛ ɔ jɔ i klun-ɔn.

Nyanndra Mun 28:9

Sran nga bɔ kɛ be ´kan Nyanmiɛn mmla'n ɔ klo-man kɛ ɔ `ti wie'n, i Nyanmiɛn ng'ɔ srɛ'n bɔbɔ ɔ jɔ-man Nyanmiɛn i klun .

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 5:24

I sɔ'n ti, sɛ be ti waka'n, wuun n ´se kɛ, kɛ sin'n ɔ fa yra awie ja'n sa'n, kɛ sin'n ɔ fa di ijre kee'n sa'n, be olui'n ɔ ´saci, yɛ be nyrɛ'n be ´yo munkun-munkun be ´kaci kɛ ndutre sa. Afin be yili Anannganman b'ɔ sie mɛn wunmuan'n i mmla'n i ase, yɛ be yoli Izraɛl Nyanmiɛn'n i nuan ndɛ'n i finfin.

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Ezai 66:18

Ɔ si be nyoliɛ mun nin be klun akunndan'n. Anannganman waan: «M ba kɛ n wa yia nvle-nvle nga be kan aniɛn wafa-wafa'n kwlaa'n, nan be ´wun min nyrun bɔ n lɛ i'n.

Zeremi 11:11

I sɔ'n ti Anannganman'n wan yoo: «Nyrɛnnɛn nga n wa fa yi be su'n, be su kwla fin-man nun fite-man. Sɛ be kpan flɛ min-ɔn, m ´bu min sukpɔ nun waka.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 19:15

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹An `nian, nyrɛnnɛn sa nga n kɛnnin i ndɛ'n, n wa fa yi i klɔ nga nin i asa'n su klɔ'm be kwlaa be su, bé nyin kekle bɔ be yoli'n bɔ n kan ndɛ-ɔ be ti-man'n ti.› »

Zeremi 19:3

Se kɛ: ‹Zida famiɛn mun nin Zerizalɛm klɔ'n sufuɛ mun, an `tie ndɛ bɔ Anannganman'n kan'n. Anannganman b'ɔ sie mɛn wunmuan'n, Izraɛl Nyanmiɛn'n wan yoo: An `nian, n wa fa nyrɛnnɛn sa kun n ´yi i lika nga su. Nyrɛnnɛn sa sɔ'n, sran kwlaa nga be kɛn i ndɛ kle i'n, ɔ kpiti kpli.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 22:29

Asiɛ, asiɛ, asiɛ, sie ɔ́ su tie Anannganman i nuan su ndɛ'n.

Zeremi 29:19

Sa ti bɔ n ´yo be sɔ'n yɛlɛ min ndɛ bɔ n kan kleli be bɔ b'a tie-man'n.» Anannganman'n yɛ ɔ kan sɔ-ɔ. Ɔ kɛn i ekun kɛ: «N sunmannin min sufuɛ bɔ yɛlɛ min nuan ijɔfuɛ mun be sin, n sɔtɔli be sunmanlɛ-ɔ nán andɛ-ɔ. Sanngɛ be waan nán be yɛ be ko ti-ɔ.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Zeremi 4:16

An `kan kle sran'm be kwlaa, an `se Zerizalɛm kɛ: ‹Amun kpɔfuɛ'm be fin mɛn mmua mmua kun nun be su ba. Be su kpan alɛ kpanlɛ Zida klɔ'm be ti.

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 49:37

N ´yo man Elamfuɛ'm be ´usu be kpɔfuɛ'm be nyrun. Be ´usu be bɔ be klo be nin wie'n be nyrun. Bé wun ya dan bɔ m'an fa'n ti n ´fa nyrɛnnɛn'n n ´yi be su. N ´fa alɛ'n n ´su be su lele san be wie wu.

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Zeremi 6:18

Ɔ man nvle-nvlefuɛ mun, an `tie. Sa ng'ɔ wa ju be su'n, Izraɛl nvle'n nunfuɛ mun, man amún su ti.

Zeremi 8:5

?Yɛ ɔ yo sɛ ti yɛ Zerizalɛmfuɛ'm be nyin kekleke'n ti tantrantan sa-a? B'a fa bé wun b'a mantan ato ninnge mun saa, nán bé wun kpɔcilɛ yɛ be ko kpɔci-ɔ.

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Ndɛ Nga Nyanmiɛn I Nuan Ijɔfuɛ Oze Kannin'n 10:13

Sanngɛ an luali sa tɛ'n, ɔ man kusu an tili abɔlɛ'n i mma kpɛkuun an dili gblɛ'n i mma. Izraɛlfuɛ mun, amun lafili amun bɔbɔ amun wunmiɛn'n su, amun safunyrɛn kpanngban'm be su yɛ amun fali amun wla'n guali-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Amɔs 2:4

Anannganman'n wan yoo: «Zidafuɛ'm bé sa tɛtɛ nga b'a yo'n sɔnnin. Mmla nga n fa mannin be'n, be yoli i finfin. B'a fa-man mín nuan su ndɛ'm be su. Be yacili atin kpa'n be fali uflɛ, i ti be mlinnin. Gblɛ ninnge kɛ amuɛn'm be sa'n, bɔ be nannan'm be yoli'n be su yɛ be su-ɔ. Ɔ man e nin be y'a nyɛn i.

Mise 1:2

Nvle-nvlefuɛ mun, amun kwlaa amun `sie amun su `tie. Asiɛ, a nin be nga be tran ɔ su'n be kwlaa amun `sie amún su kpa! Anannganman'n fin i tranwlɛ lɔ ´ba, ɔ nin amun be wa yia nun.

Mise 6:2

Oka mun nin asiɛ bɔ oka'm be bo'n taka su'n, amun `sie amún su, Anannganman nin i mma'm b'a nyan ndɛ, ɔ'a fa ndɛ ɔ'a mian Izraɛlfuɛ'm bé sa. I waan Izraɛlfuɛ'm b'a yo i sa.

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

Sa nga bé yôli'n 8:22

Ɔ man kaci wɔ akunndan sɔ'n, yɛ kpata e Min Nyanmiɛn'n ɔ klun akunndan tɛ sɔ'n ti, wienun-ɔn ɔ ´yaci,

Mmla'n 30:19

Ndɛ nga n wa kan kle amun ndɛkɛn yɛ'n, nguan'n nin wie'n yɛ m'an ´fa sie amun nyrun lɛ-ɔ. Muae nin sa yalɛ'n yɛ m'an ´fa sie amun nyrun lɛ-ɔ. N bua-man ato. N kan nyanmiɛn nin asiɛ'n. Amun nin amun osu nunfuɛ mun, amun `fa nguan'n nan amun tran nguan nun.

Mmla'n 32:1

Nyanmiɛn su lɔ lika mun, amun `sie amún su amun `tie ndɛ bɔ n su wa kan'n. Asiɛ, ɔ kusu tie mín nuan ndɛ'n.

Mmla'n 4:26

Sɛ amun yo i sɔ sa tɛ liɛ'n, amun ´wu ndɛndɛ kpa mɛn nga amun wa kpɛ Zurdɛn'n be ´kɔ i falɛ lɛ'n nun lɔ, n kan nyanmiɛn nin asiɛ'n. Amun su cɛ-man mɛn sɔ'n nun, amun ´nunnun treketreke.

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»

1 Samiɛl 15:26

Samiɛl tɛli Sail su kɛ: «Min nin wɔ e su san-man nun e kɔ-man. A yili Anannganman i nuan ndɛ'n i blo. Anannganman kusu ɔ'a yi wɔ blo. Ɔ man a su yo-man Izraɛl famiɛn'n kun.»