Zeremi 6:12 - NYANMIƐN NDƐ'N 1998

¹² Bé sua'm be ´yo sran uflɛ'm be liɛ. Be fie mun nin bé yi mun be ´yo sran uflɛ liɛ wie. Mín sa ´kan mɛn nga nunfuɛ'm be kwlaa.» Anannganman'n yɛ ɔ kan sɔ-ɔ.

Zeremi 6:12 ပူးပေါင်းရင်းမြစ်များ

1 Be Nyoliɛ 21:16

Kɛ David ´nian'n, anz'n o nyanmiɛn'n nin asiɛ'n be afiɛn ɔ'a tinngɛ i tokofi'n Zerizalɛm ndɛnman. Yɛ David nin Izraɛl kpɛnngbɛn mun bɔ bajɛ tralɛ o bé wun, be tɔli nan b'a utu bé nyin ase.

Ezai 10:4

San bisuafuɛ'm be afiɛn kunngunlɛ nin be nga b'a kun be'n be afiɛn tɔlɛ yɛ ɔ nin amun a ka-a. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin amun ´nyɛn i tititi.

Ezai 5:25

I sɔ'n ti Anannganman fali ya i sran'm bé wun. I sa kannin be. Oka'm be kejeli, sran'm be saka'm be tru klɔ'n nun atin'm be nun kɛ wla sa. Sanngɛ ɔ nin i sɔ'n ngba'n, Anannganman i ya'n ɔ'a jɔ-man, ɔ nin be tɛ nyɛn i tititi.

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Ezai 9:17

Afin sa tɛ'n ɔ jue kɛ sin b'ɔ yra susrɛ mun nin owie mun'n sa. Sin sɔ'n, ɔ man bo'm be sɔ, yɛ sin wɛnsrɛn'n ɔ ´fu nyanmiɛn su lɔ lukuu.

Zeremi 15:6

Anannganman'n waan: «A yili min ase. A kacili ɔ sin sili min. Yɛ n kusu e nin wɔ e yiali nun-ɔn. Yɛ n nunnunnin wɔ-ɔ, afin kɛ n ko si wɔ aunnvuɛ'n yɛ n sili-ɔ.

Zeremi 21:5

M bɔbɔ min yɛ e nin amun e ´kun-ɔn. E nin amun e ´kun kekle kpa. N ´nian amún wun ya dan nga m'an fa'n su yɛ e nin amun e ´kun-ɔn.

Zeremi 38:22

‹Bla nga be ka Zida famiɛn'n i awlo nun'n, be ´fa be kwlaa be ko man Babilɔni famiɛn'n i awlo lɔ sran dandan mun. Kpɛkuun bla sɔ'm be wa se wɔ kɛ yoo: Be nga be kannin fɔundi ndɛ kleli wɔ'n, be sili wɔ laka o, nja. Be nyannin wɔ. Be lakali wɔ lele bɔ be ´nian-an a wun-man ɔ wun fɛ'n, kpɛkuun b'a yi bé ja.

Zeremi 38:23

Be ´tra ɔ́ bo bla nin ɔ mma'm be kwlaa be ko man Babilɔnifuɛ mun, a su fin-man nun fite-man. Babilɔni famiɛn'n ɔ ´tra wɔ lomuɛn, ɔ ´fa sin yi i klɔ'n nun.› »

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ngwlɛ Yilɛ 2:8

Anannganman guguli kɛ ɔ ´bubu Zerizalɛm wun talɛ'n. Kɛ ɔ sunnzunnin i nin nyanman'n, b'ɔ boli Izraɛl'n bubulɛ'n bo'n, ɔ kɛli i ja nun bubuli i ngba. Klɔ'n i wun talɛ wafa nnyɔn'n, kɛ be wun be be sa'n, b'a wun-man like nga be fali be'n kun-ɔn.

Ngwlɛ Yilɛ 3:3

Kɛ aliɛ'n ´cɛn b'ɔ ´san'n, min bolɛ kunngba yɛ ɔ si i-ɔ.

Ngwlɛ Yilɛ 5:11

Be nin Siɔn lɔ bla mun be lali kekle nun. Be nin Zida klɔ'm bé su talua mun be lali kekle nun.

Ngwlɛ Yilɛ 5:2

Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Ngwlɛ Yilɛ 5:3

E lɛ-man si kun. E nin'm b'a ka angboti. Y'a ka e liɛ aika.

Ezekiɛl 35:3

Se be kɛ Anannganman Nyanmiɛn wan yoo: ‹E nin amun e lɛ i. Edɔm, n ´yi min kwlalɛ bɔ n kwla'n i nglo ɔ́ su. N ´saci wɔ, yɛ a ´kaci aawlɛ flɛnnɛn.

Ezekiɛl 7:24

N wa fa nvle-nvlefuɛ wie mun bɔ be si-man aunnvuɛ'n m ´ba nan be wa de bé sua mun bé sa nun. Be nga be waan be ti tinwa kpa'n, n ´kuakua be. Be amuɛn sua'm be ´saci.

Mise 2:4

Blɛ sɔ nun'n, be ´fa amun be ´kpɛ flɛn, be ´kpɛ amun wun nyrɛnnɛn jue. Jue sɔ'n be ´to be ´se kɛ yoo: «B'a wie é bo ninnge'm be fa mlɔnmlɔn, b'a de e mɛn nunfuɛ'm bé sa nun asiɛ'n kwlaa kpan. Be nga be kan e bo e fie'm be su'n, be bɔbɔ be kunngba'm be bli bé nyin be cɛ nun be fa. ?Ɔo, nguɛ sa ti yɛ man be kuankuan é bo weinwein sɔ-ɔ?»

Sofoni 1:13

Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»

Sofoni 1:4

«Zida nvle'n nin Zerizalɛmfuɛ mun be wa wun min. Baal wun ninnge ng'ɔ ka wa'n, n ´yi, i sufuɛ nin i nyrun jranfuɛ'm be dunman liɛ'n ´mlin mlɔnmlɔnmlɔn.