Zeremi 6:10 - NYANMIƐN NDƐ'N 1998

¹⁰ ?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Zeremi 6:10 ပူးပေါင်းရင်းမြစ်များ

Jue Mun 1:2

Sran bɔ i like liɛ ng'ɔ klo i'n yɛlɛ Nyanmiɛn i mmla'n, b'ɔ bu i akunndan kɔnguɛ nin wia su'n, i sɔfuɛ'n i liɛ su ti ye .

Jue Mun 119:16

N fa sa nga a kle'n n yo min anwlɛn su like. N wla fi-man ɔ nuan ndɛ'n su le!

Jue Mun 119:174

Ee Anannganman, n kunndɛ kpa kɛ a de min. Ɔ mmla'm be ti min anwlɛn su like.

Jue Mun 119:24

Sa nga a fa be sie min nyrun'n be yo min fɛ lele tratra su, be ti kɛ min afɔtuɛ manfuɛ sa.

Jue Mun 119:35

Fa min sin atin nga ɔ mmla'n kle'n su, afin n klo i ngboko.

Jue Mun 119:70

Be akunndan'n i su ti katawa, sanngɛ min liɛ'n n fa ɔ mmla'n n yo min anwlɛn su like.

Jue Mun 119:77

Si min aunnvuɛ, yo man n nyan nguan, afin n fa ɔ mmla'n n yo min anwlɛn su like.

Jue Mun 40:8

I ti min waan: «Sɛ ɔ ti sɔ'n, m bɔbɔ m ba. Min wun ndɛ nga be kannin'n, ɔ o mmla fluwa'n nun.

Ezipt Lɔ Tulɛ'n 6:12

Moiz tɛli i su kɛ: «?Izraɛlfuɛ'm bɔbɔ b'a tie-man mín nuan ndɛ'n, yɛ famiɛn'n i li yɛ ɔ wa tie min bɔ n si-man ijɔ'n min ndɛ nin-ɔn?»

Ezai 42:20

A wunnin ninnge kpanngban kpa, sanngɛ w'a bu-man be akunndan. Ɔ su'm be ti tikewa sanngɛ ɔ'a ti-man ndɛ fi.

Ezai 53:1

?Wan yɛ ɔ lafili sa nga be kan kleli ye'n su-ɔ? ?Wan yɛ Anannganman yili i wun nglo kleli i kɛ ɔ ti kpli-ɔ ?

Zeremi 35:13

«Min Anannganman bɔ n sie mɛn wunmuan'n bɔ n ti Izraɛl Nyanmiɛn'n, min waan a ko usa Zidafuɛ mun nin Zerizalɛmfuɛ'm be kɛ: ‹?Nan an ko fa-man sa nga an ko tu-man amún wun fɔ nun? ?Ndɛ nga n kan kle amun'n, amun ko ti-man?› » Anannganman'n yɛ kan sɔ-ɔ.

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 5:21

‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Zeremi 7:26

Sanngɛ amu'an fa-man bé ti b'a de-man nan se kɛ i su falɛ yɛ amun ´fa-a. An yoli nyin kekle. Amún sa tɛ liɛ'n trali amún nannan'm be liɛ'n.»

Ezekiɛl 3:7

Sanngɛ Izraɛlfuɛ'm be liɛ'n, be su tie-man ɔ ndɛ'n, afin be kunndɛ-man kɛ be ´ti mín nuan nun ndɛ'n, yɛlɛ kɛ bé nyin su ti kekle, yɛ be nzuɛn'n ti tɛ.

Ezekiɛl 33:3

Blɛ bɔ gladi difuɛ'n ɔ ´wun kɛ sonja nga be ti be kpɔfuɛ'm be su ba'n, ɔ ´bo awɛ nan i klɔfuɛ'm be siesie bé wun.

Ezekiɛl 33:9

Sɛ kusu a bo klunwifuɛ'n i jɔ kɛ ɔ yaci i nzuɛn tɛ'n nan i waan ɔ yaci-man'n, ɔ ´wu i sa tɛ'n nun, sanngɛ ɔ liɛ'n a ´nyan ɔ ti.› »

Amɔs 7:10

Amazia b'ɔ ti Betɛl lɔ Nyanmiɛn nyrun jranfuɛ'n ɔ ko mannin Zeroboam ngaliɛ kɛ yoo: «Amɔs kunndɛ kɛ ɔ ´yi wɔ ase Izraɛl nvle'n nun, ndɛ ng'ɔ kan be'n, e mɛn nunfuɛ'm be su kwla yaci cɛ-mɛn i .

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

JÉSUS-CHRIST I DYASIN FE'N BO LUC KLELI'N 11:45

Mmla sifuɛ'm be nun kun seli i kɛ: «Nja, ndɛ nga a kɛn i lɛ'n, a lo e kusu e ngasi.»

JÉSUS-CHRIST I DYASIN FE'N BO LUC KLELI'N 20:19

Kɛ Nyanmiɛn nyrun jranfuɛ dandan mun nin mmla klefuɛ mun be wunnin kɛ be ti yɛ ɔ buli nyanndra sɔ'n, be waan be ´trɛ i lɛ, sanngɛ srɛ kunnin be sran'm bé wun.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Jean 9:40

Kɛ Farizifuɛ wie'm bɔ be nin i o lɛ'n be tili ndɛ sɔ'n, be usɛli i kɛ: «?E kusu e ti anyansifuɛ wie?»

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

Rɔmfuɛ Mun 7:22

Nyanmiɛn mmla'n i sufalɛ'n yo n fɛ min anwlɛn'n nun,

Mmla'n 29:4

Ɔ dunnin amun nyrun mmua aawlɛ flɛnnɛn'n nun, amun tralɛ'm b'a titi-man amún wun, amun ngbabua'm b'a kpɛkpɛ-man amun ja bo.

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

2 Timote 4:3

Afin cɛn wie lele'n, sran'm be su fa-man ndɛ nanwlɛ'n su kun, be ´yo sa ng'ɔ yo be bɔbɔ be fɛ'n, yɛ be ´kunndɛ sran kpanngban kpa kɛ be `kle be like ng'ɔ yo be fɛ'n.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .