Zeremi 52:8 - NYANMIƐN NDƐ'N 1998

⁸ Babilɔni sonja'm be suli famiɛn Sedesias su, be ko toli i lika kpɛtɛkplɛɛ ng'ɔ o Zeriko wun lɔ'n nun. I sonja'm be yacili i lɛ be bo sanndili.

Zeremi 52:8 ပူးပေါင်းရင်းမြစ်များ

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 32:4

Famiɛn Sedesias su fin-man Babilɔnifuɛ'm bé sa nun fite-man. Be ´trɛ i be wlɛ i Babilɔni famiɛn'n i sa nun, Sedesias nin i be ´ijɔ. Be nyinma nnan'n ´yia nun.

Zeremi 34:21

N ´fa Zida famiɛn Sedesias nin i awlo lɔ sran dandan'm n ´wlɛ i be kpɔfuɛ nga be sunnzun be nin wie'n bé sa nun. N ´fa be n ´wla Babilɔni famiɛn'n i sonja bɔ b'a wla trɔ be su kɔ'n bé sa nun.

Zeremi 37:17

Le kun kpɛkuun famiɛn Sedesias ɔ'a sunman sran i sin kɛ ɔ bla. I waan ɔ bla famiɛn sua'n nun lɔ nan ɔ `usɛ i sa nvialiɛ nun. Yɛ ɔ usɛli i kɛ: «Sɛ Anannganman'n kannin mín wun ndɛ wie kleli wɔ o!» Zeremi waan: «Ɛɛn! Ɔ kannin ɔ wun ndɛ kleli min. I waan be ´tra wɔ be ´wla Babilɔni famiɛn'n i sa nun.»

Zeremi 37:18

Yɛ Zeremi usali famiɛn'n kɛ: «?Nan sanngɛ nguɛ sa cɛ yɛ n yoli amun-ɔn, a nin ɔ awlo lɔ sran dandan mun, ɔ nin Zidafuɛ mun bɔ yɛ man an tra min be wla min bisua-a?

Zeremi 38:23

Be ´tra ɔ́ bo bla nin ɔ mma'm be kwlaa be ko man Babilɔnifuɛ mun, a su fin-man nun fite-man. Babilɔni famiɛn'n ɔ ´tra wɔ lomuɛn, ɔ ´fa sin yi i klɔ'n nun.› »

Zeremi 39:5

Babilɔni sonja'm be suli be su. Kan be ko trali Sedesias'n yɛlɛ Zeriko lika kpɛtɛkplɛɛ nun. Nan b'a trɛ i b'a fɛ i b'a ba Nɛbikadnɛzar sin Ribla, Amat mɛn'n nun. Nan sa fanunfanun nga Nɛbikadnɛzar ko fa ko yo i'n, ɔ'a fa yo i.