Zeremi 52:7 - NYANMIƐN NDƐ'N 1998

⁷ Babilɔnifuɛ'm be kpɛli klɔ'n i wun talɛ'n nun toklo. Kɔnguɛ'n, alɛ kunfuɛ'm be kwlaa be fin klɔ'n nun fiteli, nan b'a wanndi. Be sinnin anuan ng'ɔ o famiɛn'n i fie'n i wun lɛ'n nun. Ɔ o talɛ nnyɔn'm be afiɛn nun. Be fali lika kpɛtɛkplɛɛ'n i atin'n. Sanngɛ kɛ ɔ ´yo sɔ'n, wuun Babilɔnifuɛ'm b'a sin b'a yia klɔ'n .

Zeremi 52:7 ပူးပေါင်းရင်းမြစ်များ

2 Famiɛn Mun 25:4

Babilɔnifuɛ'm be kpɛli klɔ'n wun talɛ'n nun toklo. Kɔnguɛ'n, famiɛn Sedesias nin i alɛ kunfuɛ'm be kwlaa be fin klɔ'n nun fiteli, nan b'a wanndi. Be sinnin anuan ng'ɔ o famiɛn'n i fie'n i wun lɛ'n nun. Ɔ o talɛ nnyɔn'm be afiɛn'n nun. Be fali lika kpɛtɛkplɛɛ'n i atin'n, sanngɛ kɛ ɔ ´yo sɔ'n, wuun Babilɔnifuɛ'm b'a sin b'a yia klɔ'n.

Zeremi 34:22

N wa ijɔ n ´kle sonja sɔ mun, n ´yo man be sa bé sin be ba klɔ nga su. Be nin i sufuɛ mun be wa kun, be ´fa klɔ'n, be ´fa sin ´yi nun. N ´yo man Zida klɔ'm be ´tɔ srololo, sran fi su ijɔ-man su kun.› »

Zeremi 39:2

Sedesias i sielɛ'n i afuɛ blu-nin-kun'n i anglo nnan'n i cɛn ba ngwlan su yɛ be fitili klɔ i wun talɛ nin-ɔn.

Zeremi 49:26

Damas gbanflɛn'm be ´tɔ klɔ'n i gua'n su sa flɛnnɛnnɛn! Cɛn sɔ nun'n, i alɛ mma'm be ´wu sekeseke !» Anannganman b'ɔ sie mɛn wunmuan'n yɛ ɔ kan sɔ-ɔ.

Zeremi 51:32

Be jinjin atin'm be su sɛsɛsɛ. Klɔ'n i kekle lika'n, b'a fa sin b'a yi nun. E alɛ kunfuɛ'm be si-man wie se kun.»

Zeremi 6:5

E `jaso e `wɔ kɔnguɛ E `ko bubu bé sua kpakpa mun.›

Ezekiɛl 12:12

Bé su kpɛn b'ɔ o be su'n, ɔ ´fɛ i trɔ'm ´bo i wati su yɛ ɔ ´jaso klɔ'n nun lɛ kɔ. Be ´fiti talɛ'n, kpɛkuun be ´fɛ i fite toklo'n nun, ɔ ´kɛtɛ i nyrun kɛ ɔ ´yo nan i nyinma'n ɔ'a wun-man lika'n ti.

Ezekiɛl 12:4

Siesie ɔ ninnge mun kɛ ajalɛ tulɛ ninnge sa. Siesie be wia klengle kpa'n nun be nyrun lɛ nan kɔ bé nyin bo lɛ nnɔsua. Kɔ kɛ sran nga be tra be lomuɛn'n be fa kɔ'n sa.

Ezekiɛl 33:21

Kɛ be trali ye lomuɛn'n, i afuɛ blu-nin-kun su'n, anglo blu su'n i cɛn ba nnun su'n, sran kun bɔ kɛ be utuli Zerizalɛm klɔ'n ɔ fiteli nun'n, ɔ wa seli min kɛ: «Klɔ'n ɔ'a bo!»

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Amɔs 4:3

Be ´fa amun sin klɔ'n i wun talɛ toklotoklo'm be nun, be ´fa amun kɔ amun nyrun ndɛnman su trelele be ´ko gua amun blo Ɛrmɔn oka bue liɛ'n su lɔ.» Anannganman'n yɛ ɔ kan sɔ kle amun-ɔn.

Mmla'n 28:25

Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.

Mmla'n 32:30

?Sran kunngba cenje kwla fuan sran akpi? ?Sran nnyɔn cɛ be kwla fuan sran akpi blu? N ´tɛ su kɛ: Ɛɛn! Sɛ min Anannganman bɔ n ti kɛ yɛbuɛ sa bɔ be talo min'n, sɛ n fa be n wla be kpɔfuɛ'm be sa nun'n, be kwla yo be sɔ.