Zeremi 52:31 - NYANMIƐN NDƐ'N 1998

³¹ Kɛ be fali Zozakin b'ɔ ti Zida famiɛn'n ɔli'n, i afuɛ ablasan-nin-nso'n su'n, Babilɔni famiɛn'n bɔ be flɛ i kɛ Evil-Mɛrɔdak'n, ɔ sili i aunnvuɛ nan ɔ'a yi i bisua'n nun ɔ'a fite. Afuɛ sɔ'n i anglo blu-nin-nnyɔn'n su yɛ ɔ yili i-ɔ. Kɛ ɔ ´yo sɔ'n, wuun anglo'n ɔ'a di le ablaɔn-nin-nnun. Afuɛ kunngba nga Evil-Mɛrɔdak yoli famiɛn'n, i nun yɛ ɔ yili Zozakin-ɔn.

Zeremi 52:31 ပူးပေါင်းရင်းမြစ်များ

Bo Bolɛ 40:13

Ɔ'a ka cɛn nsan Ezipt famiɛn'n wa yo man a ´nyan kɔmin. A wa di ɔ junman laa'n ekun. A ´fa Ezipt famiɛn'n i klowa'n a ´wlɛ i sa nun kɛ a fa yo i laa bɔ be nian yi-man ɔ junman nun'n sa.

Bo Bolɛ 40:20

Le nsan'n su'n, kɛ Ezipt famiɛn'n di i awuliɛ cɛn'n, ɔ flɛli i mantanfuɛ'm be kwlaa kɛ be wa di like, nan ɔ'a man nzan sufuɛ'm be su kpɛnngbɛn'n nin kpaun tɔnfuɛ'm be su kpɛnngbɛn'n bé sa su i mantanfuɛ'm be nyrun.

Zɔb I Nyrɛnnɛn Wunlɛ 22:29

Nyanmiɛn man wun tufuɛ'm be like nga be siesie kɛ be ´yo'n, ɔ kpi ase. Sanngɛ ɔ uka be nga be kan bé wun ase'n.

Jue Mun 27:6

Kpɛkuun min yɛ m'an nyan kɔmin min kpɔfuɛ nga be sin yia min'n be nyrun yɛ. N ´yi sraka Anannganman i sua'n nun n ´fa mɛn i. M ´bo awɛ, n ´to jue, m ´mɛnmɛn i.

Jue Mun 3:3

Sran kpanngban be kan min wun ndɛ se kɛ: «Nga, Nyanmiɛn su de-mɛn i!»

Nyanndra Mun 21:1

Famiɛn'n i klun akunndan'n, ɔ ti kɛ nzue ba sa. Kan Anannganman tinndin i sa'n lɛ'n, lɛ yɛ ɔ kɔ-ɔ.

Zeremi 37:1

Zozias i wa Sedesias'n yɛ ɔ trannin Zozakim i wa Zekɔnias'n i osu-ɔ. Nɛbikadnɛzar b'ɔ ti Babilɔni famiɛn'n yɛ ɔ fɛ i sieli Zida famiɛn-ɔn.