Zeremi 52:3 - NYANMIƐN NDƐ'N 1998

³ Sa ti bɔ sa kekle'm be tɔli Zerizalɛmfuɛ mun nin Zidafuɛ'm be su'n yɛlɛ kɛ Anannganman fali ya dan kpa. Ɔ man ɔ fuannin be, siɛn'n ɔ klo-man kɛ ɔ wun be kun.

Zeremi 52:3 ပူးပေါင်းရင်းမြစ်များ

Bo Bolɛ 4:14

A fuan min asiɛ kpa'n su, n ´ko fia ɔ nyrun mmua, n ´yo finfinfuɛ, n ´wlan-wlan asiɛ'n su ngbɛn. Sran kwlaa ng'ɔ nin min yia nun'n, ɔ ´kun min.»

Bo Bolɛ 4:16

Yɛ Kaɛn jasoli Anannganman i wun lɛ ɔli mmua-a. Ɔ ko trannin Nɔd mɛn'n nun lɔ Edɛni fie'n i wia afiliɛ lɔ.

2 Samiɛl 24:1

Anannganman fali ya Izraɛlfuɛ'm bé wun ekun, ɔ man David cuɛnnin sa yili bé su. Anannganman suli i bo kɛ ɔ ka Izraɛlfuɛ mun nin Zidafuɛ mun.

1 Famiɛn Mun 10:9

Anannganman ɔ Nyanmiɛn'n, bɔ ɔ́ wun yoli i fɛ b'ɔ kpali wɔ kɛ a yo Izraɛl famiɛn'n, n ´yo i mo. Anannganman i klolɛ ng'ɔ fa klo Izraɛlfuɛ mun'n, ɔ lɛ-man awieliɛ. I ti yɛ ɔ fali wɔ sieli famiɛn kɛ ɔ ´yo nan ɔ'a di sran'm be jɔlɛ kɛ ɔ fata sa'n ti.»

2 Famiɛn Mun 17:18

Anannganman wa fali ya dan kpa Izraɛlfuɛ'm bé wun, nan ɔ'a fuan be. San Zida akpasua'n kunngba cɛ yɛ ɔ kali lɛ-ɔ.

2 Famiɛn Mun 17:20

Anannganman yili Izraɛlfuɛ'm be kwlaa be ase. Ɔ guali bé nyin ase. Ɔ fali be wlali nvle wie'm bé sa nun kɛ be fɛn bé bo ninnge mun. I sin ɔ fuannin be.

2 Famiɛn Mun 17:23

I sɔ'n ti, Anannganman niannin ndɛ ng'ɔ fa wlɛli i sufuɛ bɔ be kɛn i nuan su ndɛ'n, ɔ fuannin Izraɛlfuɛ mun. Be fali be ɔli Asiri. Mɛn sɔ'n wo be liɛ'n i wun mmua kpa. Be tɛ o lɔ lele ndɛ.

2 Famiɛn Mun 24:20

Sa ti bɔ sa kekle'm be tɔli Zerizalɛmfuɛ mun nin Zidafuɛ'm be su'n yɛlɛ kɛ Anannganman fali ya dan kpa. Ɔ man ɔ fuannin be, ɔ klo-man kɛ ɔ wun be kun. Sedesias jasoli Babilɔni famiɛn'n wun.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ɛsdras 4:15

Man be nian ɔ́ si'm be bia'n i wun ndɛ fluwa'n nun. Sɛ be nian fluwa sɔ nun'n, be ´wun kɛ klɔ sɔ'n ti nyin kekle klɔ kun b'ɔ kleli famiɛn nin siefuɛ'm be yalɛ kpa. I nunfuɛ'm be boli siefuɛ'm be wun jasolɛ bo-ɔ, nán andɛ sa-a. I sɔ'n ti yɛ klɔ sɔ'n nunnunnin nin-ɔn.

Nyanndra Mun 28:2

Kɛ sannganlɛ'n ko tɔ mɛn kun nun'n, i su ngbɛn'm be sɔn. Sanngɛ sɛ mɛn sɔ'n wo kpɛnngbɛn b'ɔ si ngwlɛlɛ, b'ɔ si sa'n, i sa nun'n, ɔ taka kpa.

Akunndanfuɛ'n 10:16

Mɛn nga i su famiɛn'n ɔ ti mantuan kan'n, i sɔ mɛn liɛ'n wo afɛ nun, afin famiɛn i awlo lɔ sran dandan sɔ mun'n, aliɛ ndɛ fuɛ'n yɛ ɔ ti be cinnjin-ɔn.

Ezai 19:4

N ´fa Eziptfuɛ mun n ´wla siefuɛ bɔ be like yolɛ yo ya kpa'n be sa nun. Famiɛn b'ɔ ti wlɛfuɛ kpa'n yɛ ɔ ´sie be-ɔ.» Ndɛ nga Anannganman b'ɔ sie mɛn wunmuan'n ɔ kan'n yɛ ɔ o lɛ-ɔ.

Ezai 3:1

Nian, e Min Anannganman b'ɔ sie mɛn wunmuan'n, ɔ wa yo man aliɛ'n nin nzue'n bé bo ´tu Zerizalɛm klɔ'n nin Zida nvle'n nun. Ɔ wa yo man like nga be kisa su'n i kwlaa ɔ ´wie sa weiin.

Ezai 36:5

?Kɛlɛ a bu i kɛ ndɛ ngbɛn-ngbɛn bɔ be kan'n yɛ be fa kun alɛ nin-ɔn? Be dun mmua jaja alɛ'n i wafa nga be ko nian su be ko kun'n, kpɛkuun be tra be anwlɛn yɛ be kun-ɔn! ?Nan wan su yɛ a fa ɔ wla'n gua bɔ i ti yɛ a jaso mín wun nin-ɔn?

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 7:15

N ´yi amun ase kɛ n fa yili amun niaan Efraimfuɛ'm be ase'n sa.»