Zeremi 52:26 - NYANMIƐN NDƐ'N 1998

²⁶ Nɛbizaradan b'ɔ ti gladi difuɛ'm bé kpɛn'n, ɔ fali be kwlaa sɔ'n ɔli Babilɔni famiɛn'n i nyrun Ribla lɔ.

Zeremi 52:26 ပူးပေါင်းရင်းမြစ်များ

2 Famiɛn Mun 23:33

Ezipt famiɛn bɔ be flɛ i Neko'n trɛli i ɔli Ribla. Amat mɛn'n nun lɔ klɔ kun-ɔn. Ɔ cicili i nin jrɔkɔ. Ɔ man ɔ'a yo-man famiɛn kun, i ti ɔ'a tran-man Zerizalɛm kun. I sin'n, Ezipt famiɛn'n miannin Zidafuɛ mun kɛ be tannin lapo be mɛn i. Lapo sɔ'n i nuan'n yɛ: jɛtɛ ufue tɔnun nsan nin sika ɔkwlɛ kilo ablasan.

2 Famiɛn Mun 25:20

Nɛbizaradan b'ɔ ti gladi difuɛ'm bé su kpɛn'n fali be kwlaa sɔ'n ɔli Babilɔni famiɛn'n i nyrun Ribla lɔ.

2 Famiɛn Mun 25:8

Nɛbizaradan ti gladi difuɛ'm be su kpɛn, i kunngba'n ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun su yɛ ɔ bali sɔ nin-ɔn, wuun anglo'n ɔ'a di le nso.

Zeremi 39:5

Babilɔni sonja'm be suli be su. Kan be ko trali Sedesias'n yɛlɛ Zeriko lika kpɛtɛkplɛɛ nun. Nan b'a trɛ i b'a fɛ i b'a ba Nɛbikadnɛzar sin Ribla, Amat mɛn'n nun. Nan sa fanunfanun nga Nɛbikadnɛzar ko fa ko yo i'n, ɔ'a fa yo i.

Zeremi 39:9

Klɔ'n nunfuɛ nga be kali klɔ'n nun lɛ'n be nga be fali bé wun ko mannin Babilɔnifuɛ mun'n, ɔ nin ajuin difuɛ mun'n, Nɛbizaradan b'ɔ ti gladi difuɛ'm be kpɛnngbɛn'n fali be ɔli.

Kalɛ 34:11

Kɛ ɔ fɛ i lɛ'n, man ɔ wɔ Ribla bue liɛ'n su lɔ, Ain i wia afiliɛ lɔ. Kpɛkuun man ɔ wɔ mmua lɔ nan ɔ ko sin ndroliɛ ng'ɔ o Kinerɛt fɛtɛ'n i wia afiliɛ lɔ'n i nuan su tɛɛn.