Zeremi 52:20 - NYANMIƐN NDƐ'N 1998

²⁰ Nyanmiɛn i sua'n i ja nnyɔn bɔ be ti mlomlo'n, nin aaba kpongbo dan kluklu'n, ɔ nin aaba nannin blu-nin-nnyɔn nga be fa kakaklolo'm be nzɔliɛ'n sie su bɔ famiɛn Salomɔn fali be sieli Nyanmiɛn i sua'n nun lɔ'n, b'a kwla sunnzun-man be. Ɔ man b'a si-man kɛ be nɔnnin'n fa ti'n.

Zeremi 52:20 ပူးပေါင်းရင်းမြစ်များ

1 Famiɛn Mun 7:25

Be fali aaba be yoli nannin tola blu-nin-nnyɔn. Be nun nsan bé nyin kaci nglo lɔ, nsan bé nyin kaci wia atɔliɛ lɔ, yɛ nsan bé nyin kaci ngua lɔ, yɛ nsan bé nyin kaci wia afiliɛ lɔ. Kpongbo'n taka nannin tola'm bé su. Be kwlaa bé bo'n wo kpongbo'n i bo.

1 Famiɛn Mun 7:47

Salomɔn man be fali ninnge sɔ mun sieli Anannganman i sua'n nun. Ninnge sɔ'm be sɔnnin kpa. I ti Salomɔn man b'a sunnzun-man be. Ɔ man b'a si-man aaba nga be fa yoli be'n i nɔnnin'n i nuan.

2 Famiɛn Mun 25:16

Nyanmiɛn i sua'n i ja nnyɔn'n bɔ be ti mlomlo'n, nin aaba kpongbo dan kluklu'n, ɔ nin kakaklolo'm be nzɔliɛ'n, bɔ Salomɔn fa be sieli Nyanmiɛn i sua'n nun lɔ'n, b'a kwla sunnzun-man be. Ɔ man b'a si-man kɛ be nɔnnin'n fa ti'n.

1 Be Nyoliɛ 22:14

Nian, junman nga n dili'n yɛ ɔ o yɛ: n nyannin sika ɔkwlɛ tɔnun akpi nsan (3.000), nin jɛtɛ ufue tɔnun akpi-akpi ablasan (30.000), ɔ nin aaba nin blalɛ kpanngban kpa, be si-mɛn i tɔnun'n nuan, yɛ n nyannin waka mun, nin yɛbuɛ mun. Sɛ ɔ yo-ɔ, kunndɛ wie uka su.

2 Be Nyoliɛ 4:18

Salomɔn man be yoli ninnge sɔ mun kpanngban kpa, i ti b'a kwla si-man aaba nga be fa yoli be'n i nɔnnin'n nuan.

Zeremi 52:17

Babilɔnifuɛ'm be sacili Nyanmiɛn i sua'n i ja mlomlo nga be fali aaba yoli be mun. Sua ja sɔ'm be o Nyanmiɛn i sua'n i nyrun lɛ. Be sacili kakaklolo'm be nzɔliɛ mun nin aaba kpongbo dan ng'ɔ o Nyanmiɛn i sua'n i awlo'n i klun lɛ'n. Kpɛkuun be fali aaba'n kwlaa ɔli Babilɔni.