Zeremi 52:17 - NYANMIƐN NDƐ'N 1998

¹⁷ Babilɔnifuɛ'm be sacili Nyanmiɛn i sua'n i ja mlomlo nga be fali aaba yoli be mun. Sua ja sɔ'm be o Nyanmiɛn i sua'n i nyrun lɛ. Be sacili kakaklolo'm be nzɔliɛ mun nin aaba kpongbo dan ng'ɔ o Nyanmiɛn i sua'n i awlo'n i klun lɛ'n. Kpɛkuun be fali aaba'n kwlaa ɔli Babilɔni.

Zeremi 52:17 ပူးပေါင်းရင်းမြစ်များ

1 Famiɛn Mun 7:50

kpongbo mun, laliɛ mun, klowa nga be gua nun like bɔ be fa kpɛntɛn-kpɛntɛn ninnge'm be su, klowa mun, nzuɛn guawlɛ bɔ be fali sika ɔkwlɛ jrɛiin be yoli'n, like nga be fa tra Nyanmiɛn i lika kpa tra su'n i anuan'm be ase'n, ɔ nin like nga be fa tra Nyanmiɛn i sua'n i anuan'm be ase'n, ninnge sɔ'm be ti sika ɔkwlɛ.

2 Famiɛn Mun 20:17

‹Ninnge ng'ɔ o ɔ sua'n nun'n, ɔ nin nga ɔ nannan'm be tiantiannin be nuan lele fa ju ndɛ'n, cɛn kun wa ju bɔ ba kun sa su ka-man lɛ. Be ´fɛ i kwlaa sɔ'n kɔ Babilɔni.

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Zeremi 52:20

Nyanmiɛn i sua'n i ja nnyɔn bɔ be ti mlomlo'n, nin aaba kpongbo dan kluklu'n, ɔ nin aaba nannin blu-nin-nnyɔn nga be fa kakaklolo'm be nzɔliɛ'n sie su bɔ famiɛn Salomɔn fali be sieli Nyanmiɛn i sua'n nun lɔ'n, b'a kwla sunnzun-man be. Ɔ man b'a si-man kɛ be nɔnnin'n fa ti'n.

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Ezekiɛl 40:49

Ala bo nga be wlu nun'n, i tɛnndɛn nun'n ɔ ti mɛtri blu, yɛ i tɛtrɛ nun'n ɔ ti mɛtri nsiɛn. Kɛ be ´wlu lɔ'n, be fu asikalie blu yɛ be kɔ-ɔ. Yɛ sua ja mlomlo nnyɔn be o wluwlɛ'n nun lɛ.

Daniɛl 1:2

Anannganman fali Zozakim b'ɔ ti Zida famiɛn'n wlali i sa nun, yɛ Nɛbikadnɛzar fali Nyanmiɛn i sua'n nun lɔ ninnge bɔ sika ɔkwlɛ ɔ nin jɛtɛ ufue yɛ be fa yoli be'n, be nun wie mun. Ɔ fali be ɔli Babilɔni mɛn'n nun lɔ. Yɛ ɔ sieli ninnge sɔ mun kan ɔ guɛ i amuɛn mma'm be ninnge liɛ'm be lɔ'n .