Zeremi 52:12 - NYANMIƐN NDƐ'N 1998

¹² Nɛbizaradan ti gladi difuɛ'm be su kpɛn, i kunngba'n ɔ ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun'n su yɛ ɔ bali sɔ nin-ɔn, wuun anglo'n ɔ'a di le blu.

Zeremi 52:12 ပူးပေါင်းရင်းမြစ်များ

Bo Bolɛ 37:36

Madianfuɛ'm be kusu be fali Zozɛf be ɔli Ezipt, be yoli i atɛ Ezipt famiɛn'n i mantanfuɛ kun i sa nun. Be flɛ bian sɔ'n kɛ Potifar. Ɔ ti gladi difuɛ'm be su kpɛn.

2 Famiɛn Mun 24:12

Zozakin fin klɔ'n nun fiteli, ɔ nin i nin, nin i sufuɛ mun, nin i sonja'm bé su kpɛn mun, ɔ nin i awlo lɔ sran dandan mun. Be wa fali bé wun mannin Babilɔni famiɛn'n. Yɛ ɔ trali be yoli i kanga-a. Kɛ ɔ ´yo sɔ'n, wuun Nɛbikadnɛzar yoli famiɛn ɔ'a di i afuɛ mɔcuɛ.

2 Famiɛn Mun 25:8

Nɛbizaradan ti gladi difuɛ'm be su kpɛn, i kunngba'n ti famiɛn'n i sonja'm be su kpɛn'n kun. Le kun ɔ wa wluli Zerizalɛm klɔ'n nun. Kɛ ɔ ´ba sɔ'n, wuun Nɛbikadnɛzar yoli Babilɔni famiɛn ɔ'a di afuɛ blu-nin-ngwlan. Afuɛ blu-nin-ngwlan su'n i anglo nnun su yɛ ɔ bali sɔ nin-ɔn, wuun anglo'n ɔ'a di le nso.

Ɛsdras 5:12

kpɛkuun e nannan'm be klɔklɔli nglo lɔ Nyanmiɛn'n, nan ɔ'a yi i sa be su, nan ɔ'a fa be ɔ'a wla Nɛbikadnɛzar b'ɔ ti Babilɔni famiɛn'n i sa nun. Nɛbikadnɛzar ɔ ti Kaldefuɛ. Famiɛn sɔ'n buli sua sɔ'n, ɔ trali sran mun lomuɛn ɔli Babilɔni, ɔ fali be yoli i kanga,

Neemi 2:3

Yɛ n seli famiɛn'n kɛ: «Nannan, man wie wla fi wɔ! Min nyrun bɔ m mlan'n yɛlɛ kɛ b'a bubu klɔ nga be sieli min nannan'm be su'n . Yɛ b'a wɔ i anuan'm be nun.»

Jue Mun 79:1

Jue nga ti Azaf liɛ. I waan: Ee Nyanmiɛn, aofuɛ wie'm b'a fa ɔ lika'n, b'a yo ɔ́ sua'n i fiɛn, yɛ b'a bubu Zerizalɛm klɔ wunmuan'n, ɔ'a kaci kɛ yɛbuɛ kwle sa.

Zeremi 1:3

Ɔ kannin ndɛ kleli i ekun famiɛn Zozias b'ɔ ti Zida famiɛn'n i wa bɔ be flɛ i Zozakim'n i blɛ su lele fa juli Zozias i wa Sedesias b'ɔ ti Zida famiɛn'n i sielɛ'n i afuɛ blu-nin-kun'n i anglo nnun'n su. Ɔ kannin ndɛ kleli i lele juli blɛ bɔ be trali Zerizalɛmfuɛ mun be lomuɛn ɔli'n.

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Zeremi 39:11

Sa nga Nɛbikadnɛzar b'ɔ ti Babilɔni famiɛn kan kleli Nɛbizaradan b'ɔ ti gladi difuɛ'm be kpɛnngbɛn kɛ be `fa yo Zeremi'n yɛ. I waan:

Zeremi 39:9

Klɔ'n nunfuɛ nga be kali klɔ'n nun lɛ'n be nga be fali bé wun ko mannin Babilɔnifuɛ mun'n, ɔ nin ajuin difuɛ mun'n, Nɛbizaradan b'ɔ ti gladi difuɛ'm be kpɛnngbɛn'n fali be ɔli.

Zeremi 52:14

Babilɔni sonja nga be nin gladi difuɛ'm be su kpɛn'n bali'n, be bubuli talɛ ng'ɔ si Zerizalɛm klɔ'n i wun'n i ngba.

Zeremi 52:29

I afuɛ blu-nin-mɔcuɛ su'n, ɔ trali sran ya mɔcuɛ nin sran ablasan-nin-nnyɔn Zerizalɛm ɔli.

Daniɛl 1:1

Kɛ Zozakim b'ɔ ti Zida famiɛn'n ɔ trannin bia'n su'n, i afuɛ nsan su'n, Nɛbikadnɛzar b'ɔ ti Babilɔni famiɛn'n, ɔ nin i sonja'm be bali kɛ be nin Zerizalɛmfuɛ'm be ´kun. Be kpɛli be ngblaliɛ'n sin yiali klɔ'n.

Daniɛl 2:14

Daniɛl kannin ndɛ kleli Arzɔk b'ɔ ti famiɛn'n i sonja nga be di i gladi'm bé su kpɛn'n b'ɔ bali Babilɔni lɛ kɛ ɔ ´kun sa sifuɛ mun'n. Ɔ kɛnnin i ngwlɛlɛ su.

Zakari 8:19

«Se Zidafuɛ'm be kɛ min Anannganman bɔ n sie mɛn wunmuan'n min waan afuɛ nuan kun nun anglo nnan nin anglo nnun'n su nglɛmun nga be ci'n, ɔ nin anglo nso nin anglo blu'n su nglɛmun nga be ci'n, be `yaci i cilɛ. Siɛn'n, be `fa i sɔ anglo liɛ mun yo cɛn be di. Sanngɛ amun `fa nanwlɛ dilɛ'n `cici amún ti, an `klo fɔundi'n.»