Zeremi 51:9 - NYANMIƐN NDƐ'N 1998

⁹ E yoli Babilɔni lele ngbɛn. Nán juejue yɛ ɔ ko yo-ɔ. Nga, man e yaci i lɛ e wɔ é mɛn kunngun'm be nun ke! Anannganman su sa nga ɔ'a tɔ i su yɛ'n, nán kan ngowa sa-a .

Zeremi 51:9 ပူးပေါင်းရင်းမြစ်များ

2 Be Nyoliɛ 28:9

Samari lɔ Nyanmiɛn nuan ijɔfuɛ kun wo lɔ, be flɛ i kɛ Obɛd. Ɔ ko kpali Izraɛl sonja'm bɔ be su sa bé sin be ba Samari'n be atin. Yɛ ɔ seli be kɛ: «Anannganman amun nannan'm be Nyanmiɛn'n fali ya Zidafuɛ'm bé wun. I sɔ'n ti yɛ ɔ yili be mannin amun nin-ɔn, kpɛkuun amun kusu amun kunnin be nyrɛnnɛn kunlɛ. Be kunlɛ sɔ'n i nganniɛn'n fuli lele juli nyanmiɛn su lɔ.

Ɛsdras 9:6

Yɛ n srɛli i n seli kɛ: «Min Nyanmiɛn, nyannzuɛn'n ti dan, m man mín ti'n su n nian ɔ nyrun-ɔn, ɔ yo-man ye. E sa tɛ'm b'a sɔn dan, b'a tra e su fuun! E fɔnlɛ'n ɔ'a tra fɔnlɛ su ɔ'a fu lele ɔ'a ju nyanmiɛn su lɔ.

Ezai 13:14

Kɛ ɔ ko yo sɔ'n, be ´sa bé sin be nvle'n nunfuɛ'm bé sin, be wanndi kɔ bé mɛn'n nun. Be ´yo kɛ wannzannin bɔ b'a wlanwlan be'n be sa. Be ´yo kɛ bua bɔ be lɛ-man sran nian-man be su'n sa.

Ezai 47:15

Nian, be nga bɔ a kleli ɔ́ wun yalɛ suli bé su lele'n, b'ɔ a sinnin bé sin ko yili wunnzue lele i nun bɔ a tɛ yo kaan'n, kɛ be agualiɛ'n ɔ ´yo kɛ ng'ɔ o lɛ'n sa. Be ´wlan-wlan sa vaa, nga ´kɔ wa nga ´kɔ wa, sran fi su de-man wɔ.»

Zeremi 46:16

Ɔ yoli man ɔ sonja'm be nun kpanngban kpa b'a kwla jran-man. Siɛn'n, ndɛ ng'ɔ o bé nuan'n yɛlɛ kɛ: ‹An man e sa e sin é mɛn'n nun, e `wanndi alɛ sroesroe nga bo e wɔ.›

Zeremi 46:21

Sonja nga Eziptfuɛ'm be fali be bɔ be tannin be kalɛ'n, be nian-man be lika ngɔwi. Sanngɛ b'a ju-man nun, be kacili bé ja sin wie. Ɔ lɛ-man be nun kun. Cɛn kekle nun'n, kɛ e nin be e yiali nun'n, be jrannin min nyrun-ɔn ɔ'a yo-man ye.

Zeremi 50:16

An `fuɛn i su ble guafuɛ mun nin i su ble kpɛfuɛ mun. Kɛ alɛ'n yri kpa'n, man be `wanndi wɔ be klɔ. Man be wanndi wɔ be mɛn'n nun.

Zeremi 8:20

Alie fitelɛ blɛ'n ɔ'a sin. Wawa'n ɔ'a wie. Sanngɛ e nian nyan-man é ti.

Ndɛ Nga Nyanmiɛn I Nuan Ijɔfuɛ Oze Kannin'n 7:13

Efraimfuɛ'm be yako! Nian, be su wanndi min. Nyrɛnnɛn nga be wa wun i'n ti beblebe ngbɛn, afin bé nyin ɔ'a yi-man min. Blɛ nga min waan n ´de be'n, kpɛkuun be tɔnnin min suɛn.

Sa nglô yile 18:4

Yɛ n tili sran kun ekun nɛn nyanmiɛn su lɔ, ɔ seli kɛ: «N sran mun, an `fin klɔ'n nun fite nan amu'an yo-man sa tɛ ng'ɔ yo'n wie, an fite nan nyrɛnnɛn ng'ɔ wa tɔ i su'n ɔ'a tɔ-man amun su wie .

Sa nglô yile 18:5

Afin i sa tɛ yolɛ dunman'n ɔ'a ɔ lele ɔ'a ju nyanmiɛn su lɔ, yɛ Nyanmiɛn a bu i nyoliɛ tɛ'n i akunndan .