Zeremi 51:7 - NYANMIƐN NDƐ'N 1998

⁷ Babilɔni o Anannganman'n i sa nun laa kɛ sika ɔkwlɛ klowa sa. Klowa sɔ'n nun nzan'n, ɔ boli asiɛ wunmuan'n. Nvle-nvlefuɛ nga be nɔnnin i sɔ nzan liɛ'n, be boli sa, be wun-man sa wlɛ kun .

Zeremi 51:7 ပူးပေါင်းရင်းမြစ်များ

Ezai 14:4

amun `sro jue ng'ɔ o yɛ'n wɔ Babilɔni famiɛn'n. Amun `se kɛ: Ai! ?Sran ng'ɔ sie sran mun bɔ tin be su'n, i liɛ a wie? ?Mianlɛ bɔ be mian sran mun kplɔlɔlɔ'n, i blɛ'n ɔ'a sin?

Zeremi 13:13

Se be kɛ: ‹Anannganman'n wan yoo: N ´sanngan mɛn nga nunfuɛ'm be nun, i famiɛn nga be ti David famiɛn bia'n su mun o, min nyrun jranfuɛ mun o, min nuan ijɔfuɛ mun o, ɔ nin Zerizalɛmfuɛ'm be kwlaa, n ´sanngan be nun. Be ´yo kɛ nzan ɔ'a ti be sa.

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 50:38

Babilɔni nzue ba mun, man be wu kee. Afin mɛn sɔ'n ti amuɛn mɛn. I sɔ amuɛn'n ti bé ti sran'm bé ti ɔ'a saci bé ti su mlɔnmlɔn.

Ezekiɛl 23:42

Sran kpanngban kpa be bali be wun lɛ. Be tili sran kpanngban nga be bu-man like fi ndɛ'n be ngan. Sran'm be kpanngban be fin aawlɛ flɛnnɛn'n i bue'n kwlaa su. Be fali nga'm bé wlali aniaan bla nnyɔn sɔ'm bé sa. Yɛ be fali famiɛn kle klanman wlali bé ti.

Daniɛl 2:32

I ti'n ti sika ɔkwlɛ jrɛiin, i wue'n nin i sa'm be ti jɛtɛ ufue, i ku'n nin i sɔwa'm be ti aaba,

Daniɛl 2:38

Ɔ fali sran mun, nin nnɛn mun, ɔ nin anunman mun wlali ɔ́ sa nun. Lika kwlaa nga be o lɛ'n, wɔ yɛ a ti be min nin-ɔn. Like ng'ɔ ti kɛ waka sran sa'n, i ti'n b'ɔ ti sika ɔkwlɛ'n yɛlɛ wɔ .

Sa nglô yile 14:8

Anz kun ekun suli i su, ɔ se kɛ: «Babilɔni klɔ dan'n ɔ'a saci, ɔ'a saci! Ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n .»

Sa nglô yile 17:2

I yɛ asiɛ'n su famiɛn'm be nin i be lali nin-ɔn, i yɛ asiɛ'n sufuɛ'm be nɔnnin i nzan'n lele be boli nin-ɔn. I nzan sɔ'n yɛlɛ i tekle bolɛ'n .»

Sa nglô yile 17:4

Bla sɔ'n kla tannin bɔ ti ɔkwlɛ kankankan, nin tannin ɔkwlɛ youun. Sika ɔkwlɛ, nin yɛbuɛ kpakpa bɔ be ti nyannyan'n, ɔ nin afle kpakpa be o i wun. Sika klowa o i sa nun. I tekle bolɛ like kainkain bɔ be ti tɛtɛ kpa'n ɔ'a yi i .

Sa nglô yile 18:23

be su wun-man kɛ kannin kpaja lɔ kun. Be su ti-man bian nin bla bɔ be su ja bé wun'n be nɛn lɔ kun. Afin i su aata difuɛ'm be yɛ be ti asiɛ'n su aata difuɛ dandan mun-ɔn. Yɛ ɔ fɛli i bae lakalakali nvle-nvlefuɛ'm be kwlaa,

Sa nglô yile 18:3

afin ɔ man nvle-nvlefuɛ'm be kwlaa b'a nɔn i nzan'n. I nzan sɔ'n yɛlɛ i tekle bolɛ dan'n. I yɛ ɔ ti bla bɔ asiɛ'n su famiɛn'm be nin i lali nin-ɔn. Ninnge kpakpa'm b'ɔ kunndɛ be dan'n ti'n, asiɛ'n su aata difuɛ'm b'a nyan bé wun .»

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»