Zeremi 51:57 - NYANMIƐN NDƐ'N 1998

⁵⁷ Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Zeremi 51:57 ပူးပေါင်းရင်းမြစ်များ

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Ezai 44:25

Ato nzɔliɛ nga be kan be ndɛ'n min yɛ man be kpɛ be bo-ɔ. Min yɛ n yo man wunnzue yifuɛ'm be kan ndɛ finfin mun nin-ɔn. N ´yo man ngwlɛlɛfuɛ'm be ´cuɛn kɔ siɛn, yɛ bé sa nga be si i'n, ɔ ´kaci sinnzin like .

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Zeremi 13:13

Se be kɛ: ‹Anannganman'n wan yoo: N ´sanngan mɛn nga nunfuɛ'm be nun, i famiɛn nga be ti David famiɛn bia'n su mun o, min nyrun jranfuɛ mun o, min nuan ijɔfuɛ mun o, ɔ nin Zerizalɛmfuɛ'm be kwlaa, n ´sanngan be nun. Be ´yo kɛ nzan ɔ'a ti be sa.

Zeremi 25:27

I waan n `se be kɛ: «Anannganman b'ɔ sie mɛn wunmuan'n, b'ɔ ti Izraɛl Nyanmiɛn'n wan yoo: ‹An `nɔn, an `bo nan an `fi, tokofi'n ɔ wa fa nyrɛnnɛn yi amun afiɛn'n i ti yɛ amun ´yo sɔ-ɔ. An `fin ase, nán an kwla amun wun su man kun.›

Zeremi 46:18

Famiɛn'n bɔ i dunman yɛlɛ Anannganman b'ɔ sie mɛn wunmuan'n i wan yoo: ‹N kan m b'ɔ n wo lɛ titi'n ti. Kɛ Tabɔr oka'n fa ti oka kun nga'm be afiɛn'n kɛ Karmɛl'n fa jin jenvie'n nun zruun'n, i kunngba'n yɛ amun kpɔfuɛ'n ´fa tra amun su-ɔ.

Zeremi 48:15

Moab ɔ'a nunnun. B'a wɔ lɔ klɔ'm be nun. Be su kankan lɔ gbanflɛn mun be ´kɔ be kunlɛ. Famiɛn'n yɛ ɔ kan sɔ-ɔ. Famiɛn sɔ'n i dunman'n yɛlɛ Anannganman b'ɔ sie mɛn wunmuan'n.

Zeremi 50:30

«Ɔ man i ti lɔ gbanflɛn'm be ´tɔ klɔ gua'n su. Lɔ alɛ kunfuɛ'm be kwlaa be ´wu cɛn sɔ'n nun.» Anannganman'n yɛ ɔ kan sɔ-ɔ.

Zeremi 51:39

Kɛ awe'n ko ti be'n, n wa man be aliɛ fɛfɛ kpa man be ´di. Be ´di, be ´nɔn nzan'n lele be ´bo. Kpɛkuun lafilɛ nga be lafi-ɔ be tinnge-man'n yɛ be wa lafi-ɔ.» Anannganman'n yɛ ɔ kan sɔ-ɔ.

Ezekiɛl 20:33

Anannganman Nyanmiɛn wan yoo: Min nyin o su, min kwlalɛ bɔ n kwla'n yɛ n fa yo min ninnge mun-ɔn. N wa fa min ya dan'n n gua amun su, wafa nga n ´fa sie amun'n yɛ ɔ o lɛ-ɔ.

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

Naɔm 3:18

Asiri famiɛn, ɔ sran nga a siesieli be kɛ be `nian ɔ sran'm be su'n be su lafi. Ɔ sonja su kpɛn'm be kwla-man bé wun keje kun. Ɔ nvle'n nunfuɛ'm b'a bo je oka'm be su, sran fi nun-man lɛ kun nan ɔ'a flɛflɛ be kɛ be `yia.

Malasi 1:14

Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Sa nglô yile 18:9

Asiɛ'n su famiɛn mun bɔ be nin i lali'n, bɔ be nin i dili mɛn'n, kɛ ɔ ´yra bɔ be ´wun i wɛnsrɛn'n, be kwlaa be ´sun i, yɛ be ´bo awuyomo .