Zeremi 51:56 - NYANMIƐN NDƐ'N 1998

⁵⁶ Lika sacifuɛ'n wo balɛ. Ɔ nin Babilɔni su wa yia nun. Ɔ wa tra Babilɔni i safunyrɛn mun. Ɔ ´bubu be ta'm be nun. Afin Anannganman'n ti Nyanmiɛn kun b'ɔ sran kun i sa ng'ɔ yo'n i su yɛ ɔ nian yo i wie-ɔ.

Zeremi 51:56 ပူးပေါင်းရင်းမြစ်များ

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

Jue Mun 137:8

Babilɔni wɔ bɔ a wa bo'n, sa tɛ nga a fa yoli ye'n, sran ng'ɔ ´yi man wɔ'n, i liɛ su ti ye !

Jue Mun 37:15

Be tokofi'n ɔ ´wɔ be bɔbɔ be anwlɛn ba'n. Be ta'm be ´bubu.

Jue Mun 46:9

Amun `bla be wa nian sa nga Anannganman yo'n, amun `nian sa sroesroe ng'ɔ yo i asiɛ'n su'n.

Jue Mun 76:3

I tranwlɛ'n wo Salɛm, i awlo'n wo Siɔn.

Ezai 21:2

Be yili sa kekle kpa kun nglo kleli min. Sran ng'ɔ tu sran'm be ja'n, ɔ o i junman'n su, like sacifuɛ'n ɔ su di i junman'n. Anannganman waan: «Elamfuɛ mun, amun `ko kun alɛ'n! Medifuɛ mun, amun `fa klɔ'n. N ´yo man fɛfɛlɛ'n kwlaa ɔ ´wie.»

Ezai 34:8

Cɛn sɔ'n, ɔ ti Anannganman'n i klunngbɔ tulɛ cɛn. Afuɛ sɔ'n ɔ ti Siɔnfuɛ'm be ti ngondin tulɛ afuɛ.

Ezai 35:4

Be nga bé wla ɔ'a bo'n, amun `se be kɛ: «Amun `jran kekle, nán srɛ kun amun, amun Nyanmiɛn'n yɛ. Ɔ ba kɛ ɔ wa tu amun klunngbɔ'n ´man amun, yɛ sa nga amun kpɔfuɛ'm be yoli amun'n, ɔ ´yi man be. I bɔbɔ su ba amun delɛ.»

Ezai 59:18

Kɛ sran kun i nyoliɛ'n ti ju'n, ɔ ´mɛn i nuan like, ɔ ´fa ya yɛ ɔ nin be nga be nun-mɛn i sin'n be ´yia nun. Like ng'ɔ nin i kpɔfuɛ mun fata'n, ɔ ´fa man be. Be nga be tran jenvie nuan mmua mmua lɔ'n, ɔ man be kusu be like liɛ'n ng'ɔ nin be fata'n.

Zeremi 49:35

Anannganman'n wan yoo: «Elam i ta bɔ i nun yɛ i fanngan'n wo'n, n wa bu nun.

Zeremi 50:10

Be ´fɛn Babilɔni mɛn nunfuɛ'm be bo ninnge mun. Be bɔ be ´fɛn'n, be ´fɛn i kpa man be klun ´jɔ.» Anannganman'n yɛ ɔ kan sɔ-ɔ.

Zeremi 50:36

«Be ´fa alɛ tu be wunnzue yifuɛ mun, nan be `yo kɛ sran bɔ be si-man ngwlɛlɛ sa. Be ´fa alɛ `tu be alɛ kunfuɛ mun, nan bé sa sin `bubu be.

Zeremi 51:24

Sanngɛ andɛ, an `ko nian Babilɔni lɔ be `nian. An `ko nian Kalde mɛn'n nunfuɛ mun be `nian. Sa nga be fa yoli Siɔn'n, m'an yi i kwlakwla'n m'an man be kpan!»

Zeremi 51:30

Babilɔni alɛ kunfuɛ kpakpa'm b'a kun-man alɛ'n kun. B'a wluwlu be fiawlɛ'm be nun sɛsɛsɛ. Bé wun ɔ'a fɔ mlɔnmlɔn. B'a kaci kɛ bla sin sa siɛn'n. Be kpɔfuɛ'm b'a bubu be klɔ'n i wun anuan mun. B'a fa sin b'a yi bé sua'm be nun.

Zeremi 51:48

Kɛ Babilɔni mɛn'n i nunnunfuɛ'n nga be fin nglo lɔ ´ba'n, nganniɛn dan kun ´tɛ asiɛ'n su nin nyanmiɛn su lɔ.» Anannganman'n yɛ ɔ kan sɔ-ɔ.

Zeremi 51:53

Sɛ bɔ Babilɔni fu lele ju nyanmiɛn su lɔ'n, sɛ i fiawlɛ'n yo klanman'n, sɛ b'ɔ ko fia kplɛ'n, kannzɛ ɔ yo sɛ'n m bɔbɔ n ´sunman i nunnunfuɛ mun be ´ko to i lɔ.» Anannganman'n yɛ ɔ kan sɔ-ɔ.

Zeremi 51:6

An `wanndi Babilɔni lɔ be bla. Amun kwlaa be `wanndi. Nán be kun amun ngbɛn bé sa tɛ'n ti. Anannganman i klunngbɔ tulɛ blɛ'n yɛ ɔ'a ju yɛ. Sa nga Babilɔni fa yoli i wiengu mun'n, Anannganman ɔ ´yi be mɛn i .

Ngwlɛ Yilɛ 3:64

Anannganman, sa nga be fa yoli min'n, nian su yo be wie.

Ezekiɛl 39:3

I sin'n, m ´bo wɔ. Ɔ ta'n i nun ´bu ɔ́ sa bɛ'n nun, yɛ ɔ ta mma'm be fin ɔ sa fama'n nun be ´gua.

Ezekiɛl 39:9

Izraɛlfuɛ'm be ´fin be klɔ'm be nun be ´fite. Be ´trɔ sin kun nuan, yɛ be ´fa wɔ be kpɔfuɛ'm be alɛ ninnge'm be nun: i nyrɛn kanngan mun o, i nyrɛn dandan mun o, i ta waka mun o, i ta mma mun o, i cua mun o, i cua tika mun o, be ´wɔ be nun. I sɔ sin'n ɔ ´tran lɛ lele afuɛ nso.

Amɔs 2:15

Ta tofuɛ'n su nyan-man jranwlɛ. Wanndifuɛ dan kpa'n bɔbɔ su nyɛn-mɛn i ti. Nnɛn kpanngɔ fufuɛ'n bɔbɔ su kwla de-mɛn i wun.

Abdias 1:15

Anannganman'n i nvle'm be kwlaa bé jɔlɛ dilɛ cɛn'n ɔ'a mantan koko. Cɛn sɔ'n nun'n, sa kunngba nga amun fa yoli amun wiengu mun'n yɛ be ´fa yo amun-ɔn. Tɛ nga amun yoli'n, ɔ ´kaci tɔ amun bɔbɔ amun su .»

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Mmla'n 32:35

Cɛn nga be nunnunlɛ blɛ'n ko ju'n, m bɔbɔ n ´tu n klunngbɔ'n, yɛ n ´tua be kalɛ. Sa yalɛ blɛ sɔ'n nun-man mmua kun. Be tɔlɛ blɛ'n ɔ'a mantan koko.»

2 Tɛsalonikfuɛ Mun 1:6

Nanwlɛ, Nyanmiɛn wa yo sa ng'ɔ ti su'n, ɔ ´kle be nga be kle amun nyrɛnnɛn'n be nyrɛnnɛn wie,

Sa nglô yile 17:16

I wuɛ blu bɔ a wunnin be'n, nin nnɛn'n be ´kpɔ tekle bla'n, be ´de i wun ninnge'n, be ´kpɛ i wun, be ´di i nnɛn, yɛ be ´yrɛ i sin nun mlɔnmlɔn.

Sa nglô yile 18:20

Nyanmiɛn su lɔfuɛ mun, an `si able i sacilɛ bɔ ɔ'a saci'n ti! Nyanmiɛn sran mun, nin amun b'ɔ sunmannin amun'n, ɔ nin amun bɔ amun ti i nuan ijɔfuɛ mun, an `si able! Afin Nyanmiɛn a fa sa ng'ɔ yoli amun'n i nuan akatua a mɛn i .› »

Sa nglô yile 19:2

I ndɛ ng'ɔ di'n ɔ ti nanwlɛ, yɛ ɔ ti su! Afin bla dan'n b'ɔ fɛli i tekle bolɛ'n sacili asiɛ'n ɔ'a bu i fɔ, yɛ ɔ tuli i sran bɔ bla sɔ'n ɔ kunnin be'n be klunngbɔ'n .»

1 Samiɛl 2:4

Be bɔ be kwla'n be ta'n ɔ'a kpɔ, sanngɛ be nga be ti fakafaka laa'n, b'a nyan wunmiɛn.